Edhera 5:3 - Wëël Jwøk

³ 'Ba kar kaaca, Tatenay na bëëdö na kwäärö mana dwøŋ mar paac mana cwøl ni Løø Naam Løøga, ki Cetar-Bödhnay, ki jø wø tïïge ki geni na aciel, gena ö baŋge ni pëënyge geni, na «?Aŋa na cïpö ki dwøl jïïu ni cäŋu Øt Jwøk man geerrø ni thööru dëëre ki tïïc en?»

Edhera 5:3 Iomraidhean Croise

Edhera 1:3

'Ba ennø, ŋat ma dhaanh Wuuö Jwøk mo ena dïïu kaagø, beerra man ö Jwøki marge ni bëëde ki eni, ni ö eni ni ci Jerucalem na en Juuda, ni cäŋ Øt Wuuö Jwøk, Jwø Icriel, geerrø, eni na Jwøk ni wø bëëdö Jerucalem.

Edhera 4:12

«Ennø, beerra man ŋäyï gø, ï na nyeya, ni jø Juuth moa öö ki baŋï kunögø gena ö baŋwa Jerucalem; ni ennø, ge cäŋa Jerucalem geerrø, päänya raac ni wø gëëmö. Ge cäŋa kiir mar gø geerrø ennø, ni ge laya gø nee thume.

Edhera 4:9

«Wëëlö man gööra aani, a na kwäärö ma Reum, ki Cimcay ŋat wø göör luup akwöma piny, ki jø wø tïïwa ki geni na aciel, ni beege dïŋut luup, ki kwääri moa kwörge therø, ki jø kööre, ki jø wø gööt piny, ni beege jøøa kwøŋ bëëdö Ërëk, ki Babiløn, ki Cuca na en yi ŋööm Ilam,

Edhera 5:6

'Ba man beeye wëëlö mana jääŋŋi baŋ nyeya ma Dariöc, ni jääŋŋa Tatenay na bëëdö na kwäärö mana dwøŋ mar paac mana cwøl ni Løø Naam Løøga, ki Cetar-Bödhnay, ki jø kööre mo wø tïïge ki geni na aciel, na en paac mana cwøl ni Løø Naam Løøga.

Edhera 5:9

«Køøre jø døøŋŋø moøke apëënywa ni köwa jïge, na ‹?Aŋa na cïpö ki dwøl jïïu ni cäŋu Øt Jwøk man geerrø ni thööru dëëre ki tïïc en?›

Edhera 6:13

'Ba Tatenay ŋat köör mana dwøŋ mar paac mana cwøl ni Løø Naam Løøga, ki Cetar-Bödhnay, ki jø wø tïïge ki geni na aciel, dwøl mana cem nyeya ma Dariöc akïthge bäät tïïc ki kare bäre.

Edhera 6:6

«'Ba ennø, ï na Tatenay en, ï na ŋat köör mana dwøŋ mar paac mana cwøl ni Løø Naam Løøga, ki ï na Cetar-Bödhnay, ki jø kööre mo wø tïïu ki geni na aciel, na en paac mana cwøl ni Løø Naam Løøga, tïïyu karu ni bäär ki Øt Jwøk manøgø.

Edhera 7:21

«'Ba aani, a na nyeya ma Arthëkcic en, dwøl man cïba jï jø wø kan gwel moa bëëdö paac mana cwøl ni Løø Naam Løøga beeye en: Uuni, gïno many dïlämi ma Edhera baŋu, eni na dïpööy mar ciik Jwø maal, wär cïp jïre na kare,

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Mathiew 21:23

'Ba Jecu adøny yi kal mar Øt Jwøk Mana Dwøŋ. 'Ba kanya bëëde ni eni pöö kaace, kwääc laam ki jaae gena ö baŋe ni pëënyge eni, na «?A teega ŋø ni wø tïïyï gïïögøøni ki gø? ?Na aŋa na wëëk teegøgø ïïni?»

Moa Tïïc Nyïïatwieli 4:7

'Ba na nø cïpge Piter ki Jøøn piny dïge, gena pëënyge, na «?A teeŋ teega ŋø wala a nyeŋŋa ŋø na tïïyu gïn ki gø?»