Edhera 4:3 - Wëël Jwøk

³ 'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 4:3 Iomraidhean Croise

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 1:3

'Ba ennø, ŋat ma dhaanh Wuuö Jwøk mo ena dïïu kaagø, beerra man ö Jwøki marge ni bëëde ki eni, ni ö eni ni ci Jerucalem na en Juuda, ni cäŋ Øt Wuuö Jwøk, Jwø Icriel, geerrø, eni na Jwøk ni wø bëëdö Jerucalem.

Edhera 3:8

'Ba kanya tïme na ri riet cwiiri mana öge kanya en wï Øt Jwøki yie yi Jerucalem, ri dwää ariiø, Dherubabel o Celatiyal ki Jøcua wär Jöcëdëk, ki jø poge møga, ni beege dïlämme, ki jø tuuŋ Libay, ki jiy bëët moa mak ki tøŋ na duu Jerucalem, gena tägö ki man tïïcge Øt Jwøk; ni kwany jø tuuŋ Libay ni gena jø raŋ tïï Øt Wuuö Jwøk, ki mana täge ki ŋat mo cwiiye pïërariiø këël kunece.

Neemiya 2:20

'Ba aløøa jïge ni kööa, ni «Jwø maal tïïc marwa wëëge thur kare; kiper manøgø nø, wa na jiye, wa ööa maal ni putwa gëëdö møn. 'Ba uuni, bäŋ karu kany, ni bäŋ gïn mou cäänö kipere; uuni, bäŋ gïn mo ŋäc kiperu Jerucalem kany.»

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 45:4

'Ba ï na Kiröc, ïïna cwøla ki nyeŋŋï kiree, kiper dhaanhnha ma Jeekap, ni beeye Icriel na näk ya jierø, ni mooa ïïni ki nyeŋ wödö, këël na bëëdï naa kuyï.

Mathiew 10:16

«Neennu, aani, a jääŋŋa u wøk kaamar dïëk mo ena dï kwäänynye. Kiper manøgønø, bëëdu ni nyeŋŋu reegø kaamar thwöre nou mwöl kaamar akuyi.

Jøøn 4:9

'Ba nyijø Cameria aköö jïre, na «?Aŋø ni pëënynyï nyijø Cameria ki pïï mo maathï en, ni ïïna ŋat Juuth?» Kiper jø Juuth ki jø Cameria røkge ba liimge.

Moa Tïïc Nyïïatwieli 8:21

Ïïni, bäŋ karï man thiinh en ri tïïc man, kiper cwïnyï patha kare nyïm Jwøk.