Edhera 4:12 - Wëël Jwøk

¹² «Ennø, beerra man ŋäyï gø, ï na nyeya, ni jø Juuth moa öö ki baŋï kunögø gena ö baŋwa Jerucalem; ni ennø, ge cäŋa Jerucalem geerrø, päänya raac ni wø gëëmö. Ge cäŋa kiir mar gø geerrø ennø, ni ge laya gø nee thume.

Edhera 4:12 Iomraidhean Croise

2 Nyeye 18:20

?Aŋø, ïïni, waŋï riek ki leny døc, ni jïrï da jø leny mo teek? Marï kaa waac jaak. ?Ennø, ï ŋääthï ŋa ni gëëmï ki aani en?

2 Nyeye 24:1

'Ba ki yïth nïne moa beet Jeyöakëmmi ni ena nyeya, Nabukedenecör nyeny Babiløn amäänynyö baŋe; ni ö Jeyöakëmmi ni tïme ni bëënna eni ki cwiiri adäk. Køøre Jeyöakëm acaara mare awiile, ni gëëme ki Nabukedenecör.

2 Luup Nyeye 36:13

Ni gëëme thuwø ki nyeya ma Nabukedenecör, ŋata tïïc gø nee kööŋe nyïm Wuuö Jwøk. Ni tïïc wïïe ki cwïnye ni teek ki man løø nyïme baŋ Wuuö Jwøk, Jwø Icriel.

Edhera 4:11

'Ba luubö mana göörge yi wëëlö mana jääŋge baŋe beeye en, gena köö, ni «Ï na nyeya ma Arthëkcic, wëëlö man käla baŋwa, wa na jiyï na en paac mana cwøl ni Løø Naam Upareeti Løøga.

Edhera 4:15

nee yïth weeli moa no ogöör kwäyï manynyi. Køøre jootï joodø yïth weeli moa no ogöörö, ni ŋäyï gø ni päänyögø beeye pääny ma pääny ageem mo räänyö ki nyeye ki mïëri, ni beeye kanya wara ö ageeme wø tuudi yie yïth nïne moa pöödhö; ni beeye tiere gø na raany pääny manøgø.

Edhera 4:19

Ni nø cïba dwøl nee tier luummögø manynyi, ni nø joodi ni pääny manøgø obëëdö ni gëëmö ki nyeye moa kwøŋ bëëdö yïth nïne moa pöödhö, na ageeme ki ööny maal bäät nyeye tïïca yie.

Edhera 5:3

'Ba kar kaaca, Tatenay na bëëdö na kwäärö mana dwøŋ mar paac mana cwøl ni Løø Naam Løøga, ki Cetar-Bödhnay, ki jø wø tïïge ki geni na aciel, gena ö baŋge ni pëënyge geni, na «?Aŋa na cïpö ki dwøl jïïu ni cäŋu Øt Jwøk man geerrø ni thööru dëëre ki tïïc en?»

Edhera 5:9

«Køøre jø døøŋŋø moøke apëënywa ni köwa jïge, na ‹?Aŋa na cïpö ki dwøl jïïu ni cäŋu Øt Jwøk man geerrø ni thööru dëëre ki tïïc en?›

Neemiya 1:3

Ni köge jïra, ni «Jiy moa näk kär maaø ki tøŋ na no odööŋ ni kwøw yïth mïëc Juuda, ge ena yi bëëtö mo leth, ni ge di jøøŋŋø. Kiir mar Jerucalem bëëdö no opädhö, ni dhøgi mo kiir mare bëëdö no owaaŋø ki maac.»

Neemiya 6:6

mo ogöörö na ennø nø: «Man beeye gïn mo owïnyö dï wïth juurre, ni caani ni Gëcammi thuwø, 'ni ïïni ki jø Juuth, maru määnyö ki jöö kiper nou gëëmmu; ni beeye ni tïme ni kiir geerru geerø en. Maya thuwø, ki køør luup moi moa wïnyö, ïïni, ï manynya gø niï tïmï na nyeya marge.

Acther 3:8

Kanyøgø Amaan aput cäänö ki nyeya ma Ayacewëëröc ni kööe, ni «Da jiy mo okeethø yi paac marï, ni ge bëëdö kur keerge yïth mïëri moï bëët, ni ciik moge opää ki mo jiy møga bëët, ni ge bëëdö thuwø ni ciik nyeya ba wøørge. Kiper manøgønø, teeŋ jiy mo caala moøgøøni ba many gø niï bëëdï ni cwïnyï bäth ki geni.

Jeremaya 52:3

'Ba ka adïëri møn, ki køør gïïa reyø moa tïïc jø wø bëëdö Jerucalem ki dï Juuda bäre, Wuuö Jwøk awëër ki geni ni riem geni wøk nyïme. 'Ba Cëdëkiya agëëmö ki nyeny Babiløn.

Daniel 3:8

'Ba kar kaagø, da jø Kaldia ma ö nyïm ni ge kïtha bäät jø Juuth ki luubö.

Daniel 9:25

«Kiper manøgønø, beerra man ŋäyï gø ni kwanyï tiere ki man näk mo luubö mana caan ki man dwøk Jerucalem kare ki man cäŋi geerrø, këël kanyo ö ŋata näk wïïe othïïmmö ki maaw, ŋato käär jiy, otïmö na cwiiri abïriiø kwöre abïriiø, ki cwiiri abïriiø kwöre ma pïërabïciel ka ariiø. Jerucalem cäŋ ka geerrø ni da nyeŋ jïëthe ki kwör gwøk røk mo teek. 'Ba kar kaace beeye cäŋ gïï mo leth.

Luk 13:34

«Wui, Jerucalem, Jerucalem, ï wø nääŋ nyïïkuk Jwøk ni këërï jø wø jääŋŋi baŋï ki kïte. ?A kwöre adïï naa manynya man cooŋa nyïïï kanya ciel, kaawat man wø tïïc gwienø wø cooŋ nyïïe tiet bwöpe, nou kweeyø?

Moa Tïïc Nyïïatwieli 24:5

Kiper nyeni en, ajootwa ni ena dhaanhø mo raac, ni cøønna yïth jø Juuth yi piny bäre, ni ena bwödhi mar lwaa Nadharin ni wø lämö ki teeŋ lam mør.

1 Thecalönika 5:22

Ni tïïyu karu ni bäär ki teeŋ raay bëët.