Edhera 4:11 - Wëël Jwøk

¹¹ 'Ba luubö mana göörge yi wëëlö mana jääŋge baŋe beeye en, gena köö, ni «Ï na nyeya ma Arthëkcic, wëëlö man käla baŋwa, wa na jiyï na en paac mana cwøl ni Løø Naam Upareeti Løøga.

Edhera 4:11 Iomraidhean Croise

1 Nyeye 21:8

Køøre nyijøøgø agöödö ki weeli ki nyeŋ Akap, ni gøø ŋïï mar nyeya bäätge, ni jääŋ geni baŋ jø døøŋŋø ki kwääri mo wø bëëdö pääny na aciel ki Naböth.

Edhera 3:3

Ni putge gïn wø cïp olämme bääte manøgø cïp kar gø, ni cïpge ko olämme mo wø waaŋ bäre bäät gø jï Wuuö Jwøk, ni cïpge ka amöölla ka abøøya, ni ge wøøra Jwøk, kiper ge lwär ki juurre moa bëëdö yi ŋöömmögø.

Edhera 4:10

ki wïth juurre møga bëët moa käl Acnaperri, nyenynya teek na no owøørø, wïth juuya käle ki mïëcge ni kïth ge yïth päänye mo Cameria, ki yi paac bäre mana cwøl ni Løø Naam Upareeti Løøga.»

Edhera 4:12

«Ennø, beerra man ŋäyï gø, ï na nyeya, ni jø Juuth moa öö ki baŋï kunögø gena ö baŋwa Jerucalem; ni ennø, ge cäŋa Jerucalem geerrø, päänya raac ni wø gëëmö. Ge cäŋa kiir mar gø geerrø ennø, ni ge laya gø nee thume.

Edhera 5:6

'Ba man beeye wëëlö mana jääŋŋi baŋ nyeya ma Dariöc, ni jääŋŋa Tatenay na bëëdö na kwäärö mana dwøŋ mar paac mana cwøl ni Løø Naam Løøga, ki Cetar-Bödhnay, ki jø kööre mo wø tïïge ki geni na aciel, na en paac mana cwøl ni Løø Naam Løøga.

Edhera 7:11

Man beeye dwøl mar nyeya ma Arthëkcic mana gööre na cïbe jï dïlämi ma Edhera, ni beeye dïpööy mana näk ciik Wuuö Jwøk ki gïïa ceme na cïbe jï jø Icriel ee kwanyø døc. Ena köö,

Jøøn 4:9

'Ba nyijø Cameria aköö jïre, na «?Aŋø ni pëënynyï nyijø Cameria ki pïï mo maathï en, ni ïïna ŋat Juuth?» Kiper jø Juuth ki jø Cameria røkge ba liimge.