Edhera 3:8 - Wëël Jwøk

⁸ 'Ba kanya tïme na ri riet cwiiri mana öge kanya en wï Øt Jwøki yie yi Jerucalem, ri dwää ariiø, Dherubabel o Celatiyal ki Jøcua wär Jöcëdëk, ki jø poge møga, ni beege dïlämme, ki jø tuuŋ Libay, ki jiy bëët moa mak ki tøŋ na duu Jerucalem, gena tägö ki man tïïcge Øt Jwøk; ni kwany jø tuuŋ Libay ni gena jø raŋ tïï Øt Wuuö Jwøk, ki mana täge ki ŋat mo cwiiye pïërariiø këël kunece.

Edhera 3:8 Iomraidhean Croise

1 Luup Nyeye 23:4

'Ba ki røk jøøgø, jiy ma kume ma pïërariiø ka aŋween akwany ni beege jø wø raŋ tïï øt Wuuö Jwøk; ni ö jiyi ma kume abïciel ni kwanyi na kwääri ki dïŋut luup;

1 Luup Nyeye 3:17

Jø moa käl dëër Jekönaya kanya maai ki tøŋ beege: wääde ma Celatiyal,

Edhera 10:18

'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

Edhera 2:2

Ni jøøgø ge cäädhi ka dïbwöthe moge, ni beege Dherubabel, ki Jøcua, ki Neemiya, ki Ceraya, ki Rilaya, ki Mördekay, ki Bilcan, ki Mïcpar, ki Bigway, ki Reum, ki Baanaa. 'Ba moi beege kwään cwøw mo jø Icriel moa öge ki ge:

Edhera 3:2

Køøre Jøcua wär Jöcëdëk ki dïlämme mo wø tïïö ki eni na aciel, ki Dherubabel o Celatiyal ki tuuŋge, gena ö maal ni tïïcge gïn wø cïp olämme bääte mar Jwø Icriel, kiper nee cïpge bäät gø ko olämme mo wø waaŋ bäre, kaawat mana no ogöörö yi wëël ciik dhaanh Jwøk ma Modhe.

Edhera 4:24

'Ba tïïc mar geer Øt Jwøk na en Jerucalem acuŋŋö, ni bëëde no ocuŋŋö këël mana pïïe ri riet cwiiri moa beet Dariöci ni ena nyeya Parca.

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 5:16

Køøre Cëëcabacar aöö ni täk tier Øt Jwøk ki caam ki kïte yi Jerucalem; 'ba ki mana täge kar kaaca nø këël ennø, øtø bëëdö ni di geerø, ni poot kär thum ki geer en.›

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Dhekaraya 4:9

ni «Ceŋ mo Dherubabel tier Øt Jwøk man na nø tääe en ki tïïc, oput thöör. Køøre putu ka ŋäc ni bee Wuuö Jwøk, eni na wïth jammi bëët, na jääŋ aani baŋu.

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Kwään Jiy 4:3

Kwaan cwøw bëët moa näk cwiicge pïëradäk këël pïërabïïc, jøw mo løny jïge ki man cige nee tïï oduŋkaany røømmø tïïcge.