Edhera 3:7 - Wëël Jwøk

⁷ Køøre gena cïpö ki gwel jï jø wø ŋäc geer ki kïte, ki jï dïjëëth opämi; ni cïpge ki cam, ki jap wø maath, ki maaw jï jø Caydan ki jï jø Tayar, kiper nee ge känge ki jenni moa perge leth ki yi lur Libaanø ni kälge geni Jøpa ki yi naama dwøŋ, ki køør mana ö Kiröci nyeny Parca ni cïp gø jïge ni ŋutge ki jen.

Edhera 3:7 Iomraidhean Croise

2 Camiel 5:11

Køøre Kiram nyeny Tayar ajääk baŋ Deebit ki jiy ni ge käädö ki jer øtø moa perge leth, ki jiy ma dïjëëth opämi ki jø wø gëëdö ki kïte; ni ö jøøgø ni gëëtge ki øtø jï Deebit.

1 Nyeye 5:6

«'Ba ennø, caanï jï jiyï nee ge ŋutge ki jenni moa perge leth jïra yi lur Libaanø, ni ge tïïö ka jø tïïc 'moa na aciel; 'ba aani a cïpö ki jammi jï jø tïïc moï ki køør mano caanï; kiper ŋäyï ni bäŋ ŋat mo ŋøt jaath ŋääe røkwa mo caala jiyï ma jø Caydan.»

2 Nyeye 12:10

'Ba kany wø jootge gø ni gwel otïmö ni thööth ya acanduk, ŋat wø göör luup nyeya piny, ki Kwääy Lam Mana Dwøŋ, ge wø öö ni kwaange gwel mo wø jootge Øt Wuuö Jwøk, ni kïthge ge yïth opïri.

2 Nyeye 12:13

'Ba bäŋ ogubääye mo tïïc ka gwel-bïrö, ki gïï wø thooth thøøth lambae ki ge, ki kuure, ki tuŋi, ki jap paac mo tïïc ka warkey, wala mo tïïc ka gwet-bïrö, mo otïïö kiper Øt Wuuö Jwøk ki gwel moa käl yi Øt Wuuö Jwøk;

2 Luup Nyeye 34:10

Køøre gwel moøgø acïpge ceŋ jø wø raŋ tïïc mar Øt Wuuö Jwøk, ni ö jøøgø ni cïpge gwel ceŋ jø tïïc mo tïïc Øt Wuuö Jwøk ni ge dwøga gø kare ni nyään.

Edhera 3:6

'Ba ki mana täge ki dïcäŋ mana dïkwøŋ mar dwää abïriiø, geni gena tägö ki man cïpge ko olämme mo wø waaŋ bäre jï Wuuö Jwøk; 'ba kar kaagø, tier Øt Wuuö Jwøk poot kär tääö ki caam ki kïte.

Edhikiel 27:17

« ‹Jø Juuda ki jø ŋööm Icriel gena bëëdö ni ge gänhnha baŋï. Geni, beega käl kanya cwøl ni Minit, ki muunni mo odeelø, ki maar kïc, ki teeŋ mädhi møøk, ki riie, agathge ki ïïni.

Joona 1:3

'Ba Joona aö maal nee reŋ Tarcëc ni kana ree ki Wuuö Jwøk. Køøre ena ci Jøpa ni joot baabuur mar naam mo cøøa Tarci, ni cude ki gwel ni ci yie kiper nee ci Tarci ki jøøa en yie, ni eni kana ree ki Wuuö Jwøk.

Moa Tïïc Nyïïatwieli 12:20

'Ba Eerat bëëdö no ogootø ki jø Tayar ki jø Caydan. Ni ö jøøgø baŋe bëët ni rege ege cooŋø. 'Ba na nø kwaacge Balacta na näk nyikuŋ nyeya, na jïëc marge, nyeya akwaacge kiper nee bëëtge ki bëët-mëër. Kiper poge bëënna po nyeya ma Eerat kiper caammi.

Moa Tïïc Nyïïatwieli 9:36

'Ba da bääŋ aciel mo bëëdö Jøpa, mo nyeŋŋe Tabitha, na näk tiere beeye Dørka. Ena nyijø mo wø tïïya gïï mo beyø na ŋat køny.

Moa Tïïc Nyïïatwieli 9:38

'Ba kiper mana tïme ni Lida kare cään ki Jøpa, na wïnynyi ya bääŋi ni Piter ena yie, gena jääk baŋe ki jiy ariiø nee kwacge ki man ö baŋge ni ba ruu.

Moa Tïïc Nyïïatwieli 9:43

Ni ö Piterri ni bëëde yi Jøpa ki nïne mo thööth buut Cayman, ŋat ma dïnyuŋ pëëne.