Edhera 3:5 - Wëël Jwøk

⁵ Køøre aput tïmö ni di cïpö ko olämme mo wø waaŋ bäre cooth, ni di cïpö thuwø kany wø päär dwääyi, ni di cïpö kiper ajwöm mo Wuuö Jwøk moa no ocaanø ni di wøørø na no onø cïp kur keerge. 'Ba ŋat mo yie met thuwø cïpö ko olämi ki met ec jï Wuuö Jwøk.

Edhera 3:5 Iomraidhean Croise

2 Luup Nyeye 31:14

'Ba Körë wär Yimna nyïï tuuŋ Libay, na bëëdö na ŋat koor dhi kal mar Øt Jwøk mana en jï løø kur tuul-cäŋ, ena cïp bäät muuce moa cïp ki met ec jï Jwøk, kiper nee muuce moa no ocaanø ni cïp, ki caammi moa en kur keerge, nee wø pääŋŋe jï jø tuuŋ Libay.

Edhera 3:6

'Ba ki mana täge ki dïcäŋ mana dïkwøŋ mar dwää abïriiø, geni gena tägö ki man cïpge ko olämme mo wø waaŋ bäre jï Wuuö Jwøk; 'ba kar kaagø, tier Øt Wuuö Jwøk poot kär tääö ki caam ki kïte.

Neemiya 10:34

«Øøni, nyuuthe mo wø tïïc ni pätha baŋ jøøi nø atïïø kiper dïlämme, ki jø tuuŋ Libay, ki jiy møga, kiper nee jøøi nø ki yi cwiir kany wø pïïc karge yie, nee ge wø känge ki jenni mo otal jï Øt Jwøk marø, kiper nee wø waaŋ bäät gïn wø cïp olämme bääte mar Wuuö Jwøk, Jwøk marø, kaawat mana näk ogöörö yi wëël ciik Jwøk. Ni jøøi nø ge känni ka køør dhøk uudi moge.

Jeremaya 33:18

Ni tuuŋ dïlämme ma jø dhi øt Libay ba doo can ki dhaanhø mo öa nyïma na ŋat wø cïp olämme mo wø waaŋ bäre, ki muuce mo beel, na ŋat mo jiiŋŋa olämme møga cooth.› »

Ciik Kiper Dïlämme 1:2

ni «Caanï jï jø Icriel ni kööï jïge, ni ‹Kany wø näk dhaanhø mo ena dïïu kännö ko olämi jï Wuuö Jwøk, olämi mano kälu wär tïme ni käla røk dhäk wala røk dïëk.

Ciik Kiper Dïlämme 1:3

« ‹Ni näk mo olämi mare beeye olämi man wø waaŋ bäre mo käla røk dhäk, eni wär cïbe na rwaath mo bäŋ gïn mo ogwäyö dëëre, ni kanyo cïp gø yie beeye dho oduŋkaany røømmø, kiper nee eni jïëc nyïm Wuuö Jwøk.

Ciik Kiper Dïlämme 23:2

ni «Caanï jï jø Icriel ni kööï jïge ni Wuuö Jwøk aköö, ni ‹Moi beege kwör ajwöm moa näk yaa cïp piny, a na Wuuö Jwøk, ni beege kwör ajwöm moo luumge gøøu piny nee bëëtge na acooŋe mo ena kur keerge.

Kwään Jiy 28:14

'Ba muuy mar køøŋø dou tïïö na rumme aŋween ki røk rumme abära moa en yi rumi mana cwøl ni in kiper rwaath aciel man nø, ki rumme adäk ki røk rumme abära kiper nywø røømmø, ki rumme ariiø ki røk rumme abära kiper nyirøømmø aciel man nø. Manøgø beeye olämi man wø waaŋ kany wø päär dwääyi man nø ki yi cwiir bäre.

Kwään Jiy 28:19

'Ba wäru cïpu ko olämi mo di waaŋø, ni beeye olämi man wø waaŋ jïra, a na Wuuö Jwøk, ni beege rwädhe ariiø mo therø, ki nywø røømmø aciel, ki nyïïdïëk abïriiø ma rööm ma nyööi mo cwiicge oceele mo bäŋ gïn mo ogwäyö dëëtge.

Kwään Jiy 28:27

'Ba wäru cïpu ko olämi man wø waaŋ bäre na gïn mo ŋwäänynye met jïra, a na Wuuö Jwøk, ni beege rwädhe ariiø mo therø, ki nywø røømmø aciel, ki nyïïdïëk abïriiø ma rööm ma nyööi mo cwiicge oceele.

Kwään Jiy 29:13

'Ba u doo cïpö ko olämi man wø waaŋ, ni beeye olämi mo di waaŋø mo ŋwäänynye met jïra, a na Wuuö Jwøk, ni beege rwädhe apaar kurdäk mo therø, ki nyöök rööm ariiø, ki nyïïdïëk apaar kurŋween ma rööm ma nyööi mo cwiicge oceele, mo bäŋ gïn mo ogwäyö rege.

Kwään Jiy 29:2

'Ba u doo cïpö ko olämi man wø waaŋ bäre na ŋwäänynye met jïra, a na Wuuö Jwøk, ni beeye rwaath aciel, ki nywø røømmø aciel, ki nyïïdïëk abïriiø ma rööm ma nyööi mo cwiicge oceele mo bäŋ gïn mo ogwäyö dëëtge.

Kwään Jiy 29:39

«Gïïögø bëët dou cïbö jïra, a na Wuuö Jwøk, ki yïth kwör ajwöm moa näk ocaanø jïïu, ni beege olämme mo wø waaŋ, ki muuy mar beel, ki muuy mar køøŋ nyïïomøki, ko olämme mou mo wø duunni ki mëër; ni meedu geni bäät olämme mo kööŋ ko olämme mo wø cïpu ki met ec maru.»

Kwään Jiy 29:8

'Ba wäru cïpu ko olämi man wø waaŋ na ŋwäänynye met jïra, a na Wuuö Jwøk, ni beeye rwaath aciel, ki nywø røømmø aciel, ki nyïïdïëk abïriiø ma rööm ma nyööi mo cwiicge oceele mo bäŋ gïn mo ogwäyö dëëtge.

Tiet Ciik 12:17

'Ba gïïa no omänö ki man cammu ge yïth mïëri mou beege caammi mou moa dou cïbö na paac wïth jammi ki mo kwøk nyïïomøki mou, ki mo mädhi mou, wala kaai mo dhäk ki mo dïëk mou, wala olämme mou mo wø cïp ki køør kööŋ, wala muuce mou ma teeŋi mo wø cïp ki met ec jaak.

Tiet Ciik 12:6

Ni cïpu olämme mo wø waaŋ bäre, ko olämme møøk, ki paac wïth japu, ko olämme mo wø cïp ki køør kööŋ, ki muuce ma teeŋi mo wø cïp ki met ec jaak, ki kaai mo dhäk mou ki mo dïëk mou kaace.