Edhera 3:4 - Wëël Jwøk

⁴ 'Ba ki køør mana no ogöörö, geni Ajwöm Yïth Abïle awøørge, ni cïpge ko olämme mo wø waaŋ bäre mo kwäänge ŋäc ki yi cäŋ cooth ki køør ciik, ni beege moa no ocïp piny kiper yi cäŋ man nø.

Edhera 3:4 Iomraidhean Croise

1 Luup Nyeye 16:37

'Ba køør manøgø Acaap ki jø tuuŋge acuum Deebiti ki man tïïge nyïm oduŋkaara kany wø bëët acanduk man wø nyooth luumma tuut Wuuö Jwøki ki jiy yie, nee tïïge cooth ki køør jöör tïïc mana no ocïp piny kiper yi cäŋ man nø.

2 Luup Nyeye 31:16

ni bäŋ apääk kiper tier tuuŋ marge; ni cïpge jï obwöc cwøw moa näk cwiicge adäk ki moa näk cwiicge kaala adäk, ni beege jï jiy bëët mo oö Øt Wuuö Jwøk baŋ tïïc ki yïth nïne bëët ki køør mana no ocaanø kiper tïïe moge moo tïïcge yïth dhøgi moge moa näk ocïïmmö.

Bwøth Wøk 23:16

«Ajwöm Kac thuwø mar caammi moa kwøŋ ciek na jootu ri caammi moa piithu yïth pwöth mou wär wøørru; ni wøørru Ajwöm Thum Kac mar aŋuun cwiir kany wø kïthu caammi yïth odïï mou moa jootu yïth pwöth.

Bwøth Wøk 29:38

«'Ba olämme mo ocïpï cooth bäät gïn wø cïp olämme bääte beege nyïïdïëk ariiø mo cwiicge oceele kiper dïcäŋ aciel man nø.

Bwøth Wøk 5:13

Ni ö jø wø käär tïïe ni lacge ge, ni köge, ni «Thööru tïïc mana näk omanynyø bäätu ki dïcäŋ man nø, kaawat mana wara bëëde ni di kännö jïïu ki juuk beel.»

Jeremaya 52:34

ni bëët cammi mare mar yi cäŋ cooth ni cïpa nyeny Babiløn jïre ki yïth nïr kwøw moe bëët këël dïcäŋa thøøe yie.

Ciik Kiper Dïlämme 23:33

'Ba Wuuö Jwøk acäŋ cäänö ki Modhe ni kööe,

Kwään Jiy 29:39

«Gïïögø bëët dou cïbö jïra, a na Wuuö Jwøk, ki yïth kwör ajwöm moa näk ocaanø jïïu, ni beege olämme mo wø waaŋ, ki muuy mar beel, ki muuy mar køøŋ nyïïomøki, ko olämme mou mo wø duunni ki mëër; ni meedu geni bäät olämme mo kööŋ ko olämme mo wø cïpu ki met ec maru.»

Jøøn 7:2

'Ba kar kaaca Ajwöm Cam mar jø Juuth man wø wøør ni jøw bëëdö yïth abïle kare ocäännö.

Jøøn 7:37

'Ba na tïme na aŋuun nïr ajwöm-cam, cäŋa näk mo dwøŋŋa eni, Jecu ree athïïŋe ni tïŋ dwøre maal døc ni kööe, «Nee da dhaanhø mo ree da riew, wär eni ö baŋa nee mädhe.