Edhera 3:13 - Wëël Jwøk

¹³ Ni bäŋe ŋat mo oløny jïre ki man ŋec dööt jiy moa kwöŋŋö ki met ec ki dööt jiy moa jwöŋö, kiper jiy kwöŋŋö døc, ni dööt jiy wïnyö kany mo bäär.

Edhera 3:13 Iomraidhean Croise

1 Nyeye 1:40

Ni ö dhaanhø bäre ni put ci køør Cølöman, ni jøw kudhö ko opele ni yïth jøw met ki met ec mo dwøŋ døc, ni ö pinynyi ni tïme ni jääŋŋi ki dööt jiy.

1 Nyeye 1:45

Ni ö Dhadöki na näk Kwääy Lam Mana Dwøŋ ki nyikuŋ Jwøk ma Nathan ni nø thïïmge wï Cølöman ki maaw ni ge røønya gø na nyeya bäät Giyön, ni jøw ööi ki kunece ennø ni yïth jøw met; ni beeye ni bëët jø päänynyi ni kwöŋŋö en. Ni beeye döötge na wïnynyu enø.

Edhera 3:12

'Ba jiy mo thööth røk dïlämme, ki jø tuuŋ Libay, ki dïbwöthe mo wïth tuŋi, ni beege jø døøŋŋe moa näk Øt Jwøk mana dïkwøŋ ege joodø, gena jwöŋö døc ni döötge ena maal kanya jootge tier Øt Jwøk no othum ki caam; 'ba jiy møga gena kwöŋŋö ki met ec.

Edhera 4:1

'Ba kanya ö jøøa män ki jø Juuda ki jø Benjamen na wïnyge gø ni jø Juuda ki jø Benjamen, moa no omaa ki tøŋ na duuö, ge gëëdö ki øtø jï Wuuö Jwøk, Jwø Icriel,

Neemiya 12:43

'Ba dïcäŋögø jiy acïpö ko olämme mo thööth døc, ni bëëtge ni yïthge met kiper Jwøk acïpö jïge ki met ec mo dwøŋ; ni ö määnni ko obwöre ni mïn yïthge. Ni ö dwør mïn eci mana tägö Jerucalem ni put wïnyö kany mo bäär.

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Jeremaya 50:4

«'Ba noo tïme na yïth nïröke, yi kar kaace, jø Icriel oööi, geni ki jø Juuda bëët, ni ge cäädhi ni ge jwöŋö, ni beeye aani na Wuuö Jwøk, Jwøk marge, noo manyge.

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Pïëmme 2:5

Køøre geni nyeŋ kaace aputge cak ni Bökim, na näk tiere beeye ni jiy ajwöŋö; ni cïpge ko olämme jï Wuuö Jwøk kaace.

1 Camiel 4:5

'Ba kanya ö acanduki man wø nyooth luumma tuut Wuuö Jwøki ki jiy na pïïe twïër, jø Icriel bëët aput kwöŋŋö døc ni döötge ena maal, ni ö pinynyi ni jøl döötge.