Edhera 3:11 - Wëël Jwøk

¹¹ Ni wärge ki dudi, ni ge pwøya Wuuö Jwøk, ni ge dwøga met ec jïre, ni köge, ni «Wuuö Jwøk beer, ni mëër mare ni wø ba jøøl bëëdö bäät jø Icriel na bäre bäre.» Ni ö jiyi bëët ni kwöŋge ni döötge ena maal døc kanya pwøcge Wuuö Jwøk kiper mana ö tier Øt Wuuö Jwøk na thume ki caam ki kïte.

Edhera 3:11 Iomraidhean Croise

1 Luup Nyeye 16:34

Dwøgu met ec jï Wuuö Jwøk, kiper eni beer, ni mëër mare ni wø ba jøøl bëëdö na bäre bäre.

1 Luup Nyeye 16:41

'Ba Ëman, ki Jeduthun, ki jø møøk mo ojierø no ocøørø ki nyeŋge, gena tïïö na aciel ki dïlämme moøgø, ki man dwøkge pwøc jï Jwøk, kiper mëër mare bëëdö na bäre bäre ni ba jøøl.

2 Luup Nyeye 5:13

'Ba kanya ö jø kooth tuŋi ki jø wär dudi ni tïŋge döötge maal na yie aciel ni ge dwøga pwøc ka ajiem jï Wuuö Jwøk, kanya wärge ni tuŋi ka athiliiŋŋi ki jap dööti ma teeŋi di pwödö ni ge pwøya Wuuö Jwøk ni köge, ni «Bee eni ni beer, kiper mëër mare bëëdö na bäre bäre ni ba jøøl,» Øt Wuuö Jwøk aput pääŋö ki pöölö.

2 Luup Nyeye 7:3

'Ba jø Icriel bëët, kanya jootge maac ni öö ki maal na ajiem mar Wuuö Jwøk dudö bäät øtø, cøŋge akëëlge piny dï kal nyïm øtø, ni kuulge wïthge piny yïth ŋøøm, ni wøørge Wuuö Jwøk ni pwøcge gø ni ge köö, ni «Ka adïëri møn, Wuuö Jwøk beer, ni mëër mare ni wø ba jøøl bëëdö na bäre bäre.»

Neemiya 12:24

'Ba jiy moa bëëdö na wïth jø tuuŋ Libay beeye Acabiya, ki Cërëbiya, ki Jëcua o Kadmiël, ki jiy mo wø tïïge ki geni ciel ni ge pwøya Jwøk ni ge dwøga met ec jï Jwøk; ni jøøgø ge cuŋŋö ni ge dïët ki nyïmge kany wø päth tïïci marge ceŋge yie ki køør mana näk ocaan dhaanh Jwøki ma Deebit.

Neemiya 12:40

'Ba kanya pïïc jøw bëëti Øt Jwøk, jøøgø na dhøgi ariiø yøø, na wär ki dut dwøk met ec jï Jwøk, kwörge amaaŋge, ni ööa thuwø ni maa kara ki thäk jø kööre na aciel;

Dut Pwøc 107:1

Dut Pwøc 131:1

Dut Pwøc 47:1

Bwøth Wøk 15:21

Ni ö Mariyammi ni jøl duut ni kööe, ni «Wärru jï Wuuö Jwøk, kiper ena tïmö na ajieme cäätha maal; okweeny ki ŋata en bäät gø aleeŋ yi Naama Kwaar.»

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 44:23

Wui maal, kwöŋŋï ki met ec, kiper gïnögø tïïya Wuuö Jwøki! Wui, u na kwöra en piny kuya, beerra man kanynyu; wui, u na kïte, ki ï na lul ki jenni moa en yiï bëët, beerra man jøllu gø ni kwöŋŋu ki met ec; kiper Wuuö Jwøk, Jeekap anø wïïl wøk, ni nyooth ajiem mare dï Icriel.

Aydheea 6:3

Kanyøgø dhøkge aløøŋge ni ge köö, «Wuuö Jwøk, eni na wïth jammi bëët, ena kur keere, ena kur keere, ena kur keere; ni piny bäre päŋ ka ajiem mare.»

Jeremaya 33:11

ni beeye dïlweel mar met ec ki dwør met ec, ki kanynyø mar nywöm, ki dööt jø wø cïpi ko olämme mo dwøk met ec yi Øt Wuuö Jwøk, ni ge köö, « ‹ni «Dwøgu met ec jï Wuuö Jwøk, eni na wïth jammi bëët, kiper Wuuö Jwøk beer, ni mëër mare ni wø ba jøøl bëëdö na bäre bäre.» Kiper aani, paac 'dwøga kare ni caala mana dïkwøŋ.› Luummögø caana Wuuö Jwøki.

Agëë 2:3

na ‹?A jøøe dëëtu ni poot kwøw ni ŋäc bëëtö mar Øt Jwøk man ka ajiem mare mana dïkwøŋ? ?A kawaane ennø, nëëne kaamar ŋø ki jïïu? ?Ba nëëni keda gïn mo bäŋgø jaak ki jïïu?

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Dhekaraya 9:9

«Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Luk 1:50

Ni ö mëërri mare ni wø ba jøøl ni bëëde bäät jø wø lwäär ki eni, ni ö ki ri beenhnhi nø, ni pööth ri beenhnhø maya.

Jøcua 6:10

'Ba Jøcua jiy aköömme, ni kööe, ni «Kär nou kwöŋŋö, ni bäŋe döötu mo wïnyi, ni bäŋe dwøl mo ö wøk ki dhøgu, këël dïcäŋo kööa yie, ni ‹Kwöŋŋu.› Køøre nø, uuno put kwöŋŋö.»

Jøcua 6:16

'Ba na tïme na ri bïrietge, kanya ö dïlämme na koothge tuŋi, Jøcua aput köö jï jiy, ni «Kwöŋŋu nø, kiper Wuuö Jwøk päänyi en ee nø cïp jïïu.

Jøcua 6:5

'Ba kanyo tïme ni dïlämme tuŋi køthge køthø ni ege maa ri gø jaak, kanyo wïnynyu dööt tuŋi, jiy bëët wär putge kwöŋŋö ni döötge ena maal døc. Kar kanyøgønø, kiir mar pääny manøgø puta pädhö no oninyaŋŋa, ni ö jiyi ni cige yie ni ŋati man nø cøra nyïme ni tiir jaak.»