Edhera 3:10 - Wëël Jwøk

¹⁰ 'Ba kanya ö jø geerri na thöörge tier Øt Wuuö Jwøk ki caam ki kïte, dïlämme gena cuŋŋö na abïïe moge ena dëëtge ni ge kudhö ki tuŋi, ni ö nyïïkwaac Acaap na käl ri jø tuuŋ Libay ni tuuŋge athiliiŋŋi, ni ge pwøya Wuuö Jwøk ki køør dwøl mana caan Deebiti nyeny Icriel.

Edhera 3:10 Iomraidhean Croise

1 Luup Nyeye 15:24

'Ba Cebaniya, ki Jøcapat, ki Natanel, ka Amacay, ki Dhekaraya, ki Benaya, ki Eliëdher, na bëëdö na dïlämme, gena jier na jø kooth tuŋi nyïm acanduk mar Jwøk. 'Ba Obet-Idöm ki Jekiya gena jier thuwø na jø koor dhi øtø mana en acanduki yie.

1 Luup Nyeye 15:27

'Ba Deebit oruyö ka abïï mo cwääc ka waac lïïna mo piilli, ge ki jø tuuŋ Libay bëët moa käär acanduk, ki jø wär ki dudi, ge ki bwödhi marge ma Kenaniya. 'Ba Deebit thuwø eno ruyö ka abïïn wø cwøl ni ëëput, na näk cwääc ka waac lïïna.

1 Luup Nyeye 16:37

'Ba køør manøgø Acaap ki jø tuuŋge acuum Deebiti ki man tïïge nyïm oduŋkaara kany wø bëët acanduk man wø nyooth luumma tuut Wuuö Jwøki ki jiy yie, nee tïïge cooth ki køør jöör tïïc mana no ocïp piny kiper yi cäŋ man nø.

1 Luup Nyeye 16:42

Ni ö Ëmanni ki Jeduthun ni cäŋge cuummö kiper nee tuŋi koothge, ni tuuŋge athaliiŋŋi ki jammi møøk mo wø cïpi ki dwøl mo wär dut Jwøk ki ge; ni ö wäät Jeduthun ni bëëtge ni ge koora dhi kal.

1 Luup Nyeye 23:5

ni ö jiyi ma kume aŋween ni kwanyi na jø wø koor dhi kal; ni ö jiyi ma kume aŋween thuwø ni kwanyi na jø pwøc Wuuö Jwøk ki wïth jap dööti ma teeŋi moa tïïc Deebiti kiper pwøc.

1 Luup Nyeye 25:25

paac kurbäc nyuudhi aö wøk ki nyeŋ Anani; eni ki jø tuuŋge ki wääte, gena apaar kurriiø;

2 Luup Nyeye 35:14

Køøre gena tëëdö kiper dëëtge ki dïlämme, kiper dïlämme na näk nyïïkwaac Aran gena bëëdö këël wäär ni ge cïpa olämme mo wø waaŋ bäre ki dwäle mo wø waaŋ. Kiper manøgønø, jø tuuŋ Libay atëëdö kiper dëëtge ki dïlämme na näk nyïïkwaac Aran.

2 Luup Nyeye 35:15

'Ba jø wär dudi moa käl dëër Acaap, ge bëëdö kwörge kaawat mana ö geni na köömmi ya Deebiti, ka Acaap, ki Ëman, ki Jeduthun, ŋat wø car jammi jï nyeya ki køør man wø nyooth Jwøki jïre. 'Ba jø wø koor dhi kal man nø, kwör koor moge kärge wiiø, kiper tuuŋge ma jø tuuŋ Libay atëëdö kiperge.

2 Luup Nyeye 5:12

'Ba jø wär dudi bëët mo jø tuuŋ Libay, ni beege Acaap, ki Ëman, ki Jeduthun, ki wäätge, ki jø tuuŋge, gena cuŋŋö buut gïn wø cïp olämme bääte jï løø kur tuul-cäŋ, ni geno ruyö ka abïïk lïïne mo tar mo mïërö, ni ge pöödö ki thøp-othïënhö ki thøme mo wø pwöt ni di roodø, ka athiliiŋŋi, ni dïlämme ma dïpa ki pïërariiø ge kudhö ki tuŋi.

Edhera 2:41

jø wø wär ki dudi Øt Jwøk, ni beege nyïïkwaac Acaap, beege jiy ma dïpa aciel ki pïërariiø ka abära;

Edhera 5:16

Køøre Cëëcabacar aöö ni täk tier Øt Jwøk ki caam ki kïte yi Jerucalem; 'ba ki mana täge kar kaaca nø këël ennø, øtø bëëdö ni di geerø, ni poot kär thum ki geer en.›

Agëë 2:15

« ‹'Ba ki mano täge ennø, beerra man caarru gïna tägö kanya poode ni Øt Wuuö Jwøk poot kär tääö ki geer.

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Dhekaraya 4:6

Køøre ena köö jïra, ni «Man beeye dwør Wuuö Jwøk mana caane jï Dherubabel, ena köö, ni ‹Paa ki teek wala ki mak røk, 'ba beeye ki køør jwïëy 'moa.› Manøgø caana Wuuö Jwøki, eni na wïth jammi bëët.

Dhekaraya 4:7

«Wui, ï na kïnna dwøŋ! ?Ïïna agïnaŋø? Ïïni, ï tïmö na ŋøøm mo ree päärö nyïm Dherubabel. Køøre eni kïdi mana näk aŋuudi mar geer okäle ni kïth gø dëër Øt Jwøk ni jiy kwöŋŋö ki met ec, ni ‹Eno gwïëth Jwøki! Eno gwïëth Jwøki!› »

Dhekaraya 6:12

Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Dhekaraya 7:3

ni ge cäänö ki dïlämme mo wø tïïö Øt Wuuö Jwøk, eni na wïth jammi bëët, ki nyïïkuk Jwøk, ni köge, na «?Aŋø, wa doo bëëdö ni wa kïmmö ni wa tïïya wödö mar kwier cam ki dwää abïïc, kaawat mana bëëtwa ni wa tïïya gø ki yïth cwiiri moa thööth na pöödhö?»

1 Camiel 22:18

Køøre nyeya aköö jï Döweek, «Nyie Döweek, ö maal ni 'nägï dïlämme.» Kanyøgønø, Döweek nyï Ëdöm aput ö maal ni 'näk dïlämme; ni jiy moa nääe bëët dïcäŋögø beege jiy ma pïërabära ka abïïc, ni jøøgø bëët beege dïlämme mo wø røc abïïga cwøl ni ëëput na näk ocwääö ki waac lïïna.