Edhera 2:68 - Wëël Jwøk

⁶⁸ 'Ba kanya pïïc jøwi kanya en wï Øt Wuuö Jwøki yie Jerucalem, jø møøk røk dïbwöthe mo wïth tuŋi gena cïpö ki jammi ki met ec kiper Øt Jwøk nee cäŋ geer kare,

Edhera 2:68 Iomraidhean Croise

1 Luup Nyeye 21:18

'Ba nyïïatwiel maal mar Wuuö Jwøk Gaat aköömme nee ci baŋ Deebit nee Deebit tïïe jï Wuuö Jwøk ki gïn wø cïp olämme bääte kaace yi laara mar Örnan nyï Jeebuc.

1 Luup Nyeye 22:1

Køøre Deebit aköö, ni «Øt Wuuö Jwøk tïmö ni ena kany, ki gïn wø cïp olämme bääte mo wø waaŋ bäre kiper jø Icriel.»

2 Luup Nyeye 3:1

Kanyøgø Cølöman aput tägö ki man geer Øt Wuuö Jwøk yi Jerucalem bäät Kïn Möria, kanya ö Wuuö Jwøki na nyooth ree yie jï wänni ma Deebit, ni beeye kanya jiiŋ Deebiti yi laara mar Örnan nyï Jeebuc.

Edhera 2:67

ka athïrööle ma dïpe aŋween ki pïëradäk ka abïïc, ka arëëni ma kume abïciel ki dïpe abïriiø ki pïërariiø.

Edhera 2:69

ni ge cïpi ka køør mana løny jïge kiper tïïc manøgø, ni beege gwet warkey mo cwøl ni darik ma kume ma pïërabïciel ka aciel, ki gwet-bïrö mo peek marge beege rumme ma kume abïïc mo røm ka rumi mana cwøl ni miina, ka abïïe ma dïpa aciel mo dïlämme, ni kïthge ge kar kän.

Edhera 3:3

Ni putge gïn wø cïp olämme bääte manøgø cïp kar gø, ni cïpge ko olämme mo wø waaŋ bäre bäät gø jï Wuuö Jwøk, ni cïpge ka amöölla ka abøøya, ni ge wøøra Jwøk, kiper ge lwär ki juurre moa bëëdö yi ŋöömmögø.

Edhera 9:9

Kiper waana laaŋe; 'ba këël na bëëtwa yi laŋ, ï na Jwøk marwa, wa kärï wiiø. Mëër marï ni wø ba jøøl anyoothï jïwa ni nëënö jï nyec Parca, ni cäŋï wa mooyø ki kwøw mo nyään, nee øtø marï, ï na Jwøk marwa, cäŋwa geerrø ni dwøkwa kwöra no oränynyö karge, ni mooyï wa ki kany bëëtwa yie ni waano gwøø, ni beeye Jerucalem ki dï Juuda bäre.

Bwøth Wøk 25:2

ni «Caanï jï jø Icriel nee cïpge ki muuce jïra. Ŋato yie met ki man cïp muuy mare jïra ki cwïnye bäre, wär lwørï baŋe.

Bwøth Wøk 35:21

Ni ö jiyi bëët moa näk cwïnyge ojïëy ni yïthge met ki man cïpge muuce ki cwïnyge bäre, ni öge ni putge cïpö ki muuce jï Wuuö Jwøk kiper tïïc mar oduŋkaany røømmø ki jap tïïe mo yie bëët, ki jap tïïe mo abïïe moa en kur keerge.

Bwøth Wøk 35:29

Kanyøgø jø Icriel moa näk cwøw ki moa näk mään bëët, na näk yïthge met ki man cïpge ki muuce mo jap tïïc bëët ki cwïnyge bäre, kaawat mana ö Wuuö Jwøki na kööm Modhe nee tïïe, muuce moge aputge cïp ki met ec jï Wuuö Jwøk.

Bwøth Wøk 36:3

Ni ö jøøgø ni lwørge jammi bëët baŋ Modhe, ni beege muuce moa cïp jø Icrielli nee oduŋkaara na näk kanya en kur keere tïïc ki ge. 'Ba jø Icriel ge poot kännö jï Modhe ki muuce mo wø cïp ki met ec ka amöölla man nø cooth.

2 Körin 8:12

Kiper ni näk cwïny dhaanhø tar ki man cïpe, ojïëö kaawat mano nut cere, ni eni ba pëënynyi ki gïno tøør cere.

2 Körin 8:3

Kiper gena cïpö kaawat moa en ceŋge, ni ŋääa døøc, ni moa cïpge kaala moa dege cïbö, ni cïpge ka met ec marge keerge.

2 Körin 9:7

'Ba ŋati man nø, wär cïpe ki mano näk ee cooŋø ki cwïnye, ni ba cwiigi, wala eni mak ka teek. Kiper Jwøk wø mëër ka ŋat wø cïpi ki met cwïny.