Edhera 2:2 - Wëël Jwøk

² Ni jøøgø ge cäädhi ka dïbwöthe moge, ni beege Dherubabel, ki Jøcua, ki Neemiya, ki Ceraya, ki Rilaya, ki Mördekay, ki Bilcan, ki Mïcpar, ki Bigway, ki Reum, ki Baanaa. 'Ba moi beege kwään cwøw mo jø Icriel moa öge ki ge:

Edhera 2:2 Iomraidhean Croise

Edhera 1:11

'Ba jammi bëët moa näk tïïc ka warkey ki gwel-bïrö, kwäänge beege kume abïïc ki dïpe aŋween. 'Ba Cëëcabacar japøgø bëët akäle ki Babiløn ni kïth ge Jerucalem, ni eni aay ka jiy moa näk geno maaø ki tøŋ ki gø na aciel.

Edhera 1:8

'Ba jammi moøgø käl wøk ni jääŋŋa Mithiredat, ŋat wø kan jammi; ni ö Mithiredati ni kwaan geni jï Cëëcabacar ŋat ma wïth jø Juuda.

Edhera 2:1

'Ba moi beege jø Juuda moa duuö ki Babiløn, na duu Jerucalem ki mïëc Juuda møga, ni ŋati man nø duua yi pääny poge. Ni jøøgø beege thäk jiy moa no omaaø ki tøŋ na bëëdö na wëëlle Babiløn, ni beege jøøa mak Nabukedenecörri nyeny Babiløn ni kïth geni Babiløn.

Edhera 2:3

Nyïïkwaac Paröc beege jiy ma kume ariiø ki dïpa aciel ki pïërabïriiø ka ariiø;

Edhera 3:2

Køøre Jøcua wär Jöcëdëk ki dïlämme mo wø tïïö ki eni na aciel, ki Dherubabel o Celatiyal ki tuuŋge, gena ö maal ni tïïcge gïn wø cïp olämme bääte mar Jwø Icriel, kiper nee cïpge bäät gø ko olämme mo wø waaŋ bäre, kaawat mana no ogöörö yi wëël ciik dhaanh Jwøk ma Modhe.

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 4:8

'Ba nyen mo cwøl ni Reum mo jïre da köör, ki Cimcay, ŋat wø göör luup akwöma piny, gena göödö thuwø ki wëëlö bäät jø Jerucalem jï nyeya ma Arthëkcic ma ennønø:

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Edhera 8:1

'Ba moi beege nyeŋ dïbwöthe mo wïth tuŋi, ki nyeŋ kwäcge moa kälge dëëtge, jøøa tïŋŋö Babiløn ni ge cäädhi ka aani na aciel, a na Edhera, ri nïne moa beet Arthëkcic ni ena nyeya.

Neemiya 10:15

ki Buni, ka Adhigad, ki Bëbay,

Neemiya 12:47

'Ba ki yïth nïne moa beet Dherubabelli ki yïth nïne moa beet Neemiya, jø Icriel bëët gena bëëdö ni ceŋge jwäkge jwääö ni cïpge cam cooth mar yi cäŋ man nø jï jø wø wär ki dudi Øt Jwøk ki jï jø wø koor dhøgi mo kiir. Ni ö geni thuwø ni cïpge jammi moa no ocïp kur keerge na mo Jwøk jï jø tuuŋ Libay, ni ö jø tuuŋ Libayi ni cïpge thääŋŋe mør kur keere jï dïlämme ma nyïïkwaac Aran.

Neemiya 7:7

Ni jøøgø ge cäädhi ka dïbwöthe moge ni beege Dherubabel, ki Jøcua, ki Neemiya, ka Adhariya, ki Raamiya, ki Naamani, ki Mördekay, ki Bilcan, ki Micpëret, ki Bigway, ki Neum, ki Baanaa. 'Ba moi beege kwään cwøw mo jø Icriel moa öge ki ge:

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Agëë 1:12

Køøre Dherubabel o Celatiyal, ki Jøcua wär Jöcëdëk, na näk Kwääy Lam Mana Dwøŋ, ki jiy bëët moa no odööŋ na bøth dhøk gïï mo leth, gena jïëy ki dwør Wuuö Jwøk, Jwøk marge, ki luubö mana car nyikuŋ Jwøki ma Agëë, kiper mana ö Wuuö Jwøk, Jwøk marge na jääŋ gø baŋge. Ni ö jiyi ni putge lwäyö ki Wuuö Jwøk.

Agëë 1:14

Kanyøgø Wuuö Jwøk atïïö cwïny Dherubabel o Celatiyal na bëëdö na kwäärö mar akwöm Juuda, ki cwïny Jøcua wär Jöcëdëk na näk Kwääy Lam Mana Dwøŋ, ki cwïny jiy bëët moa no odööŋ na bøth dhøk gïï mo leth, ni putge ö maal ni täkge ki geer Øt Wuuö Jwøk, Jwøk marge, eni na wïth jammi bëët,

Agëë 2:2

ni «Caanï jï Dherubabel o Celatiyal eni na kwäärö mar akwöm Juuda, ki Jøcua wär Jöcëdëk, eni na Kwääy Lam Mana Dwøŋ, ki jiy moa dööŋ na bøth dhøk gïï mo leth, ni kööï,

Agëë 2:21

Ni kööe, ni «Caanï jï Dherubabel, eni na kwäärö mar akwöm Juuda, ni kööï, ni ‹Maal ki piny jäŋa jaŋö.

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Dhekaraya 3:1

Køøre Wuuö Jwøk Jøcua na näk Kwääy Lam Mana Dwøŋ anyoodhe jïra ni cuŋŋö nyïm nyïïatwiel maal, ni Ceethan cuŋŋö jï løø bäät cer cwïïe, ni kïtha bäät gø ki luup mo reyø.

Dhekaraya 3:3

'Ba Jøcua kanya cuŋŋe nyïm nyïïatwiel maal, eno ruyö ka abïïe mo okïl ki cïlö.