Edhera 2:1 - Wëël Jwøk

¹ 'Ba moi beege jø Juuda moa duuö ki Babiløn, na duu Jerucalem ki mïëc Juuda møga, ni ŋati man nø duua yi pääny poge. Ni jøøgø beege thäk jiy moa no omaaø ki tøŋ na bëëdö na wëëlle Babiløn, ni beege jøøa mak Nabukedenecörri nyeny Babiløn ni kïth geni Babiløn.

Edhera 2:1 Iomraidhean Croise

2 Nyeye 25:11

Ni ö jiyi moa no odööŋ yi pääny, ki jiy moa cïp ceŋge jï nyeny Babiløn, ki jiy moa thööth na en yi ŋöömmögø bëët ni käli ya Nabucaradan kwääy jø koor ni maae ka tøŋ.

1 Luup Nyeye 9:1

'Ba jø Icriel bëët nyeŋge ogöörö ki køør dhøk uudi moge yi Wëël Luup Nyec Icriel. 'Ba jø Juuda gena mak ki tøŋ ni kïth geni yi Babiløn kiper mana tïïge ki raay dëër Jwøk.

1 Luup Nyeye 9:2

'Ba jøøa kwøŋ duuö na duu yïth mïëri moge ki yïth päänye moge beege dïlämme, ki jø tuuŋ Libay, ki jiy mo wø tïïc tïïe moa therø yi Øt Jwøk, ki jø Icriel møøk.

Edhera 1:11

'Ba jammi bëët moa näk tïïc ka warkey ki gwel-bïrö, kwäänge beege kume abïïc ki dïpe aŋween. 'Ba Cëëcabacar japøgø bëët akäle ki Babiløn ni kïth ge Jerucalem, ni eni aay ka jiy moa näk geno maaø ki tøŋ ki gø na aciel.

Edhera 2:2

Ni jøøgø ge cäädhi ka dïbwöthe moge, ni beege Dherubabel, ki Jøcua, ki Neemiya, ki Ceraya, ki Rilaya, ki Mördekay, ki Bilcan, ki Mïcpar, ki Bigway, ki Reum, ki Baanaa. 'Ba moi beege kwään cwøw mo jø Icriel moa öge ki ge:

Edhera 2:70

'Ba dïlämme, ki jø tuuŋ Libay, ki jø wø wär ki dudi Øt Jwøk, ki jø wø koor dhøk kal mar Øt Jwøk, ki jø wø tïïö yi Øt Jwøk, gena pï piny yïth päänye moge; ni ö jø Icrielli møga ni pïge piny yïth päänye moge.

Edhera 5:8

«Ennø, beerra man ŋäyï gø, ï na nyeya, ni waana ci Juuda kuna ciwa øt Jwøa dwøŋ, man geer en ki kïte moa døøŋŋø, ni dëër øtø tïïc ni bäät kïte di pëënhnhö ko opämi; ni tïïcge ni ege gwøø døc, ni thura kare jïge.

Edhera 6:2

'Ba wëël luubö manøgø aput joot kar gwøk røk yi pääny mana cwøl ni Ekbatana na en Mëdön; ni luubö mana no ogöör piny yie beeye en:

Edhera 8:35

Kar kaagø, jø Juuth moa duuö ki Babiløn, na mak ki tøŋ, gena cïpö ko olämme mo wø waaŋ bäre jï Jwøge na näk Jwø Icriel, ni beege rwädhe apaar kurriiø kiper jø Icriel bëët, ki nyöök rööm ma pïërabïŋween ka abïciel, ki nyïï rööm ma pïërabïriiø ka abïriiø, ni cïpge ki nyöök atëëe apaar kurriiø ni beege olämme mo wø cïp kiper raay, ni moøgø bëët cïpa jï Wuuö Jwøk no olämme mo wø waaŋ bäre.

Neemiya 12:1

'Ba moi beege nyeŋ dïlämme ki nyeŋ jø tuuŋ Libay moa kwøŋ duuö ki Babiløn ni ge cäädhi ka Dherubabel o Celatiyal, ki Jøcua na näk Kwääy Lam Mana Dwøŋ. Ni nyeŋ dïlämme beeye Ceraya, ki Jeremaya, ki Edhera,

Acther 1:1

Luubö man täga ïth nïr Ayacewëëröc mana bëëdö na nyeya bäät mïëri ma dïpa ki pïërariiø ka abïriiø ki mana täge India këël Ithiöpia,

Acther 1:11

nee gwanynyø ma Bacti øømmi ni cïbi nyïme na aduda ena wïïe. Manøgø tïïc nyeya kaper nee wøp mar gø nyoodhe jï jiy moa en kar ajwöma, ki kwääri moa öö ki tiet mïëri moe, kiper ena dhaagø mo kïte mïërö døc.

Acther 1:3

'Ba kanya tïme na ri dää cwiiri moe bäät nyec, ena tïïö ka ajwöm-cam jï jø kööre ki jø tïïc moe; ni kwääri mo tøŋ mo Parca ki mo Mëdön ee cwølø, ki kwääri mo mïëri moa en tiere, ki jiy moa kwörge døøŋŋø bëët.

Acther 1:8

Ni maath maath ki køør luubö mana caan nyeya, ni bäŋ ŋat mo mak ki teek. Kiper nyeya jø tïïc moe ee köömmö nee jiy wëëkge maath keda mano many ŋati man nø.

Acther 8:9

'Ba kar kaagø, jø wø gööt piny mo nyeya aput cwøl ni nïr dwää adäk pïërariiø kurdäk, ni beeye dwääno cwøl ni Ciban, ni göörge weeli kaawat mana caan Mördekay, ni gööra baŋ jø Juuth, ki bwöthe, ki jø kööre, ki kwääri mo mïëri moa näk dïpa ki pïërariiø ka abïriiø, ki mana täge India këël Ithiöpia. Weeli moøgø göör ka yi jöör göör mar wï jur man nø, ni gööri baŋ jiy bëët ki køør dhøk marge. Ni gööri baŋ jø Juuth thuwø ki køør yi jöör göör marge ki dhøk marge.

Aydheea 48:20

Ööu wøk ki yi Babiløn! Rïŋŋu wøk ki yïthakicge, ge na jø Kaldia! Gøøu luubö man piny nou kwöŋŋö ki met ec, ni køpu gø, ni jääŋŋu gø nee pïïe bäät piny bäre, ni kööu, «Wuuö Jwøk jiye ma nyïïkwaac Jeekap awïïl wøk.»

Jeremaya 50:19

'Ba aani, jø Icriel oduua yi ŋöömö marge, ni bëëtge ni ge cama cam mano ciek bäät Kïn Karmël ki bäät Kïn Baacan, ki caammi moo ciek yi ŋööm Ipariem ki Gelät, mïëya en bäät thuuri.

Wëël Kïmmö 1:3

Juuda amak ki tøŋ ni bëëde ki bëëtö mo leth ki tïïc mo teek, ni bëëde yïthakic wïth juurre, ni bäŋ kany jwöm ree yie. Ena mak jøøa ŋwiec køøre bëët, kanya bëëde ni bäŋ jöö mo cøre.

Wëël Kïmmö 1:5

Nyïïmän moe atïmö na kwääri bääte, ni tïm nyïïmänni moøgø ni bëëtö marge jööt jaak. Kiper Wuuö Jwøk beeye na tïïc caarø mar gø kiper raay moe na thööth. Obwöre moe amak ki tøŋ, ni bëëtge na laaŋe jï nyïïmän.

Wëël Kïmmö 4:22

Wui jø Dhayan, ajäl raay mou athum nø; Wuuö Jwøk u ba wëëk bëëtö këët ni uuno maa ki tøŋ. 'Ba u na jø Ëdöm, Wuuö Jwøk u jääle jäälö kiper raay mou, ni wëëk japa reyø na tïïyu nëënne.

Jepaniya 2:7

Ni put ŋöömmögø tïmö na mar jø dhi øt Juuda moa no odööŋ ni kwøw, ni tïme ni dïëk moge kwaacge yie. 'Ba wø tïme na abøøya, geno wäro ci yïth uut jø Ackelön kuna butge yïthge; kiper geno gwøk Wuuö Jwøki, Jwøk marge; ni ö eni na Wuuö Jwøk ni cäŋ bëëtö marge dwøk kare.

Moa Tïïc Nyïïatwieli 23:34

'Ba na nø kwaan wëëlö, Pøøl apëënynye, ni kööe, ni «?Ïïna dhaanh kwäänynye mane?» 'Ba na wïny gø ni eni käla Cilicia,