Edhera 10:8 - Wëël Jwøk

⁸ 'Ba ŋato ba ööi ki yïth nïne moø na adäk yøø, ki køør luum dïbwöthe ki jø døøŋŋø, eni jape di camø bëët, ni wii eni wøk ki ya acooŋ nyïïkwaac jøøa mak ki tøŋ moa duuö.

Edhera 10:8 Iomraidhean Croise

Edhera 10:7

Køøre gena gööc piny ki luubö yi Jerucalem ki dï Juuda bäre kiper nyïïkwaac jøøa mak ki tøŋ bëët moa kwøŋ duuö, nee rege cooŋge Jerucalem.

Edhera 10:9

Kanyøgø jø tuuŋ Juuda bëët ki jø tuuŋ Benjamen bëët rege acooŋge Jerucalem ki yïth nïne adäk. 'Ba kanya tïm nïr dwää abïŋweenni na pïërariiø, jiy bëët apï piny kanya leer nyïm Øt Jwøk. 'Ba kiper teek mar acooŋa manøgø, ki køth mana päth bäätge, dëëtge atïmö ni kwanynyi.

Edhera 7:26

'Ba ŋato ba gwøk ciik mo Jwøk marï, ki ciik 'moa, a na nyeya, eni di jäälö ka ajäla ma kare, nee ŋøla thøø bääte, wala eni di riemmø paac, wala jape di camø, wala eni di twöö.»

Neemiya 13:28

Këël dhaanhø aciel røk wäät Jööda o Kwääy Lam Mana Dwøŋ ma Eliyacip, ena cø nyi Cenbalat nyï Örönaim. Køøre ena riemma.

Neemiya 13:3

'Ba kanya ö jiyi na wïnyge luup moa en yi wëël ciik Jwøk, geni juurre bëët aputge käl wøk ki røk jø Icriel.

Ciik Kiper Dïlämme 27:28

« ‹'Ba gïn mo onø wëëk dhaanhe Wuuö Jwøk na bäre bäre røk jammi bëët moa näk thööge, nee dhaanhø wala lää paac, wala pwödhö mana näk thööŋŋe, ba løny ki man dwøgi pwödhö ni ba wïïl wøk. Gïrpiny jaak mo onø wëëk Wuuö Jwøk na bäre bäre beeye gïn mo ena kur keere mo pere leth na mar Wuuö Jwøk.

Mathiew 18:17

'Ba ni näk mo coku kweer ki man wïny dööt jøøgø, caanï jï jø acooŋ Jwøk. 'Ba ni näk mo eni kweer ki man wïny dwør acooŋ Jwøk thuwø, wär eni tïme ni caala jur mør wala ŋat ajwäk ki jïrï.

Jøøn 16:2

Uuno mänge ki ciin uut acook lam. 'Ba ka adïëri møn, da caa mo öö, mo jø wø 'näk uuni caarge caarø ni ge tïnynya Jwøk.

Jøøn 9:22

Luummögø acaan jøøa nywøl gø kiper na lwäärge ki jø Juuth. Kiper onø ŋøl jø Juuthi ni noo dee dhaanhø mo caan gø ni Jecu beeye Krictø, eni di mänö ki ööny øt acooŋ lam.

Jøøn 9:34

Ni løkge gø jïre, ni köge, ni «Ïïni, ï nywöla yïth raay. ?Aŋø, wa diï pwönynyö?» Ni putge gø cöör wøk.

1 Körin 5:13

'Ba Jwøk beeye wø ŋøl luum jøø ni path yøø. Riemmu ŋatøgø wøk dïïu na ŋat raay enø.

Jøcua 6:19

'Ba warkey bäre ki gwel-bïrö, ki gïïa no otïïö ki nywïënyö ma jwïël, ki moa no otïïö ki nywïëny møga jaak, beege gïï mo ena kur keerge jï Wuuö Jwøk. Gïïögø doo kïtha kanya no ojiiŋŋø na näk kar kän jï Wuuö Jwøk.»

Pïëmme 21:5

Køøre jø Icriel apëëö, na «?A jø dhi øde mane røk wïth tuŋi mo jø Icriel bëët, na näk kär ö baŋ acooŋa nyïm Wuuö Jwøk?» 'Ba gïnögø acaange kiper geno nø kööŋ døc kiper jø dhi ødo näk kär ö baŋ acooŋa nyïm Wuuö Jwøk kanya enge Micpa, ni köge, ni «Ka adïëri møn, jø dhi ødøgø put ka 'näk møn.»

1 Camiel 11:7

'Ba eni dhää puur ariiø aput ŋarø na thäŋi, ni cïp ge ceŋ jiy, ni jääŋ ge dï ŋööm jø Icriel bäre, ni kööe, ni «Ŋato ba ö wøk køøra, a na Cøøl en ki Camiel, teeŋ gïn di tïïö dëët dhäk moe.» 'Ba jiy aput lwäyö ki gïno tïïc Wuuö Jwøki, ni putge ö wøk kaamar dhaanhø aciel.