Edhera 10:6 - Wëël Jwøk

⁶ Kanyøgø Edhera aput ö maal ki nyïm Øt Jwøk ni ci yi øtø mana no orep dëër Øt Jwøk, ni beeye øt Jöanan wär Eliyacip. 'Ba këël na ci kaace, eni kär cämö ki cam, ni eni kär mädhö ki pïï; kiper eni bëëdö ni kïmmö kiper bëëtö mana raac na beet nyïïkwaac jøøa mak ki tøŋ moa kwøŋ duuö.

Edhera 10:6 Iomraidhean Croise

Edhera 10:1

'Ba kanya bëët Edhera ni poot lämö ni eni køpa raay, ni eni jwöŋö ni dëëre ee leeŋ piny nyïm Øt Jwøk, jiy mo thööth, ni beege cwøw ki mään ko obwöre mo käla røk jø Icriel, dëëtge acooŋge buute, ni jwöŋge døc ni yïthge ege keeyø.

Edhera 10:7

Køøre gena gööc piny ki luubö yi Jerucalem ki dï Juuda bäre kiper nyïïkwaac jøøa mak ki tøŋ bëët moa kwøŋ duuö, nee rege cooŋge Jerucalem.

Edhera 9:4

'Ba aana bëëdö ni aano pï piny ni yia othäŋŋö këël kanya tïme na kany wø cïp olämi mar abøøya yie. Ni ö jiyi møøk ni cooŋge rege buuta, ni beege jøøa dëëtge tïmö ni kwanynyi ki luubö mana caan Jwøki marwa, eni na Jwø Icriel, kanya jootge gïna raac na tïïc nyïïkwaac jøøa mak ki tøŋ na kwøŋ duuö.

Neemiya 12:10

'Ba Jøcua na näk Kwääy Lam Mana Dwøŋ beeye wää Jöyakim, ni Jöyakim beeye wää Eliyacip, ni Eliyacip beeye wää Jöyada,

Neemiya 12:22

'Ba jø tuuŋ Libay moa bëëdö na wïth dhøk uudi na nut yïth nïra beet dïlämme moa døøŋŋø ma Eliyacip, ki Jöyada, ki Jöanan, ki Jadua, nyeŋge agöör piny, ki nyeŋ dïlämme moa bëëdö na wïth dhøk uudi, këël mana këët yïth nïra beet Dariöc ni ena nyeny Parca.

Neemiya 13:28

Këël dhaanhø aciel røk wäät Jööda o Kwääy Lam Mana Dwøŋ ma Eliyacip, ena cø nyi Cenbalat nyï Örönaim. Køøre ena riemma.

Neemiya 13:5

Ni ö Eliyacipi ni cïpe ki thääŋ øtø mo yie laac jï Thöbiya, ni beeye thääŋ øtø mana bëëdö dïkwøŋ ni muuce mo beel kana yie, ki gïn wø jïye ŋwääi ni met, ki jap Øt Jwøk, ki beel mo wø cïp na paac wïth jammi, ki køøŋ nyïïomøki moa nyärö, ki maaw; ni gïïögø beege gïïa näk ocaanø ni cïp jï jø tuuŋ Libay, ki jø wø wär ki dudi Øt Jwøk, ki jø wø koor dhøgi mo kiir; ni poot na øtø man wø kïth jammi yie mo wø jwäk jï dïlämme.

Neemiya 3:1

Kanyøgø Eliyacip na näk Kwääy Lam Mana Dwøŋ ena ö maal ki dïlämme mo wø tïïö ki eni ciel, ni geerge dhi kiir man wø cwøl ni Dhi Kiir Dïëk, ni cïp gø kur keere na mar Jwøk, ni moocge dhi gø ko odhuule. Ni ö geni ni cïpge kiir kur keere na mar Jwøk, ni beeye kiir mana no okëël ri øt koor man wø cwøl ni Dïpa, ki ri Øt Koor Mar Ananel.

Neemiya 3:20

Baruk o Dhabay, eni na bëëdö ni cwïnye lïëth ki tïïc, dëër thääŋ kiir løøk maya kanya ŋuut dhi cer Ëdhöri yie adwøk kare, ki mana täge ki kanya gun kiirri ki yie këël mana pïïe kany wø cør yie ni jøw cøøa po Kwääy Lam Mana Dwøŋ ma Eliyacip.

Jööp 23:12

Aani ciik moe kära wiiø; aani, luup mo wø ö wøk ki dhee yaa kan cwïnya, ni perge leth jïra ni kaala cam man wø cama ki yi cäŋ.

Bwøth Wøk 34:28

Ni ö Modhe ni put bëëtö kaace buut Wuuö Jwøk ki cääŋŋe ma pïëraŋween ki wärre ma pïëraŋween; ni bäŋ gïn mo ee camø, wala pïï mo ee maadhø. Ni göör luup moa tuut, na näk ciik moa näk apaar, bäät opäp kïte.

Aydheea 22:12

Kiper manøgønø, dïcäŋeca, Kwäärö Wuuö Jwøk, eni na wïth jammi bëët, uuna cwøle nou jwöŋu nou gööu ko oduuru, nee wïthu gwääru wøk, ni dwølu keece dëëtu kiper pänh cwïny maru.

Daniel 9:3

Kanyøgø nyïma aputa løø baŋ Kwäärö Wuuö Jwøk ki lam, naa manynya eni ni mara kwac, naa lämö ki lam wödö ki cam, naa käära keece na abïïe, naa bëëdö yi bur.

Tiet Ciik 9:18

Køøre aani raa aleeŋa piny nyïm Wuuö Jwøk ni kwaaa gø ki nïne ma pïëraŋween, ni beeye dïcäŋ ki wäär, ni bäŋ gïn mo yaa camø wala pïï mo yaa maadhø, kaawat mana tïïa dïkwøŋ. 'Ba Wuuö Jwøk akwaaa kiper gïna baayu na raac dëëre, ni cwaatu yie ki gø këël mana wëëre.