Edhera 10:4 - Wëël Jwøk

⁴ Ö maal nø! Kiper luummögø ena cerï; 'ba waani, wa cuŋŋö ki ïïni na aciel. Mak riï ni kïthï gø bäät tïïc.»

Edhera 10:4 Iomraidhean Croise

1 Luup Nyeye 22:16

'Ba ennø, täk tïïc nø ki jammi moøgø, ni beege warkey, ki gwet-bïrö, ki nywïëny mo wø cwøl ni ayrön, ki nywïëny moa näk jwëëlli mo ba løny ki kwaan. 'Ba Wuuö Jwøk bëëde ki ïïni.»

1 Luup Nyeye 22:19

'Ba ennø, cïpu cwïnynyu bäre ki jwïëyu bäre ni manynyu Wuuö Jwøk, Jwøk maru, ni tägu geer øtø mana en kur keere mar Wuuö Jwøk, kiper na acanduk man wø nyooth luumma tuut Wuuö Jwøki ki jiy, ki jammi moa perge leth mo Jwøk moa en kur keerge, nee käli ni kïthi yi øtø mano geer kiper nyeŋ Wuuö Jwøk.»

1 Luup Nyeye 28:10

Raŋï ennø, Wuuö Jwøk ïïna jiere niï gëëdï ki øtø mo ena kur keere ma øt lam; mak riï ni teek nø, ni tïïyï gø.»

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

1 Luup Nyeye 28:21

Raŋï ennø, dïlämme ki jø tuuŋ Libay ocïïmmö na dhøgi kiper tïïe bëët mo Øt Wuuö Jwøk; ni da jiy mo nyeŋge reegø ki tïïc mo yïthge met ki man dwätge ki ïïni ki yïth tïïe moøgø bëët. Këël kwääri thuwø ki jiy bëët ge tïmö ni ge ena tierï ni ge wïnynya luummï.»

Edhera 10:5

Køøre Edhera aö maal, ni ö jøøa näk kwörge døøŋŋø røk dïlämme, ki røk jø tuuŋ Libay, ki røk jø Icriel bëët ni tïïc ge nee kööŋge ki man kïthge luubö mana caan bäät tïïc; ni ö geni ni putge kööŋ.

Luup Dïpööy 9:10

Gïn wäro magï ki cerï ki man tïïyï gø put tïïc ki cwïnyï bäre; kiper bäŋ acaare, wala kwänynyö wala leec wïc ki tïïc mo di tïïö këët kar bëët jwïëc jøøa no othøw noo ciï yie.

Maak 13:34

Gïnögø caala dhaanhø mo manynya wääth. Kanyo tïŋŋe paac, jammi bëët cïbe ceŋ laage, ni ŋati man nø ki tïïe. Ni kööm ŋat wø koor dhi kiir, ni bëëde ni kurö.

Ibaru 10:24

Beerra man neetø dëëtø ki man cøømmø cwïnynyø ni ø mëër ni tïïø ki tïïe mo beyø,