Edhera 10:18 - Wëël Jwøk

¹⁸ 'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

Edhera 10:18 Iomraidhean Croise

Edhera 10:17

'Ba dïcäŋa tïm nïr dwää aciel na aciel, luup jøøa nywøm nyïï juurre bëët athöörge ki neen.

Edhera 2:2

Ni jøøgø ge cäädhi ka dïbwöthe moge, ni beege Dherubabel, ki Jøcua, ki Neemiya, ki Ceraya, ki Rilaya, ki Mördekay, ki Bilcan, ki Mïcpar, ki Bigway, ki Reum, ki Baanaa. 'Ba moi beege kwään cwøw mo jø Icriel moa öge ki ge:

Edhera 2:36

Moi beege kwään dïlämme moa duuö: Nyïïkwaac Jidaya na käl Jëcua dëëre beege jiy ma dïpe abïŋween ki pïërabïriiø ka adäk;

Edhera 3:2

Køøre Jøcua wär Jöcëdëk ki dïlämme mo wø tïïö ki eni na aciel, ki Dherubabel o Celatiyal ki tuuŋge, gena ö maal ni tïïcge gïn wø cïp olämme bääte mar Jwø Icriel, kiper nee cïpge bäät gø ko olämme mo wø waaŋ bäre, kaawat mana no ogöörö yi wëël ciik dhaanh Jwøk ma Modhe.

Edhera 3:8

'Ba kanya tïme na ri riet cwiiri mana öge kanya en wï Øt Jwøki yie yi Jerucalem, ri dwää ariiø, Dherubabel o Celatiyal ki Jøcua wär Jöcëdëk, ki jø poge møga, ni beege dïlämme, ki jø tuuŋ Libay, ki jiy bëët moa mak ki tøŋ na duu Jerucalem, gena tägö ki man tïïcge Øt Jwøk; ni kwany jø tuuŋ Libay ni gena jø raŋ tïï Øt Wuuö Jwøk, ki mana täge ki ŋat mo cwiiye pïërariiø këël kunece.

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Edhera 9:1

'Ba køør gïïögø bëët, dïbwöthe mo jø Icriel aö baŋa ni köge, ni «Jø Icriel, ki dïlämme, ki jø tuuŋ Libay, dëëtge kärge pääŋŋö ki juurre moa bëëdö yi ŋöömmi, mo wø tem gïïa näk ec raac ki ge, ni beege jø Keenan, ki jø Këth, ki jø Përec, ki jø Jeebuc, ki jø Amön, ki jø Möap, ki jø Ijep, ki jø Amör.

Edhera 9:2

Kiper geni, nyïï juurre møøk akälge ni nywømge ge na mään jïge ki jï wäätge, ni ö kunhnhö marge na en kur keere na mar Jwøk ni put ree jääp ki kunhnhö mar juurre. 'Ba beege dïbwöthe ki jø kööre na no opöödhö ki tïïc manøgø ni raac enø.»

Neemiya 12:10

'Ba Jøcua na näk Kwääy Lam Mana Dwøŋ beeye wää Jöyakim, ni Jöyakim beeye wää Eliyacip, ni Eliyacip beeye wää Jöyada,

Neemiya 13:28

Këël dhaanhø aciel røk wäät Jööda o Kwääy Lam Mana Dwøŋ ma Eliyacip, ena cø nyi Cenbalat nyï Örönaim. Køøre ena riemma.

Neemiya 8:4

'Ba kar kaagø Edhera, eni na dïpööy mar ciik Jwøk, cuŋŋa bäät jenni maal mo otieŋø mo ogeer jiyi nee eni cuŋŋe bääte kiper acooŋa manøgø. 'Ba jøøa kwörge døøŋŋø moa cuŋŋö bäät cwïïe beege Matitiya, ki Cema, ka Anaya, ki Uria, ki Kilkiya, ki Maycëya; ni jøøa kwörge døøŋŋø moa cuŋŋö bäät caame beege Pedaya, ki Micaël, ki Malkiya, ka Acum, ki Acbedana, ki Dhekaraya, ki Meculam.

Neemiya 8:7

Køøre thuwø, jø tuuŋ Libay, ni beeye Jëcua, ki Bani, ki Cërëbiya, ki Jamin, ka Akup, ki Cabetay, ko Odiya, ki Maycëya, ki Kelitha, ka Adhariya, ki Jödhabat, ka Anan, ki Pelaya, tiet ciik acaange døøc jï jiy, ni jiy poot bëëdö ni cuŋŋö karge,

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 23:11

Wuuö Jwøk aköö, ni «Nyïïkuk Jwøk ki dïlämme bëët bëëtö marge araanyge; këël ki yi øtø mara kiree, gena jooda ni ge tïïö yie ki gïï mo reyø.

Jeremaya 23:14

'Ba aani, gïn mo raac døc mo ec thäŋŋö ki gø ajooda baŋ nyïïkuk Jwøk mo Jerucalem; ni ge tïïya tïï luui, ni ge bëëdö ni ge caatha køør luup tööt; ge bëëdö ni ge wëëga bäät jø wø tïïc gïï mo reyø tëënnö, nee bäŋe ŋat mo wec tïïe moe na reyø. Ni put jø Jerucalemmi bëët tïmö kaamar jø Cødam ki jïra, ni tïmge thuwø kaamar jø Gømöra.

Edhikiel 44:22

Ni bäŋe gø mo nyöömmi ki cï thøø wala dhaagø mo opää ki cwøre; 'ba ge doo nywøma nyïïakuk Icriel moa näk dëët cwøw poot kucge ki määr dïlämme moa näk cwøwge othøw.

Ciik Kiper Dïlämme 21:7

« ‹Kär dee dïlämi mo nywøma dhaagø mo ree ee päädö ki køør tïï käp, ni ba nywøm dhaagø mo onø bødhø baŋ cwøre. Kiper dïlämi ena kur keere na mara, a na Jwøk.

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Agëë 1:12

Køøre Dherubabel o Celatiyal, ki Jøcua wär Jöcëdëk, na näk Kwääy Lam Mana Dwøŋ, ki jiy bëët moa no odööŋ na bøth dhøk gïï mo leth, gena jïëy ki dwør Wuuö Jwøk, Jwøk marge, ki luubö mana car nyikuŋ Jwøki ma Agëë, kiper mana ö Wuuö Jwøk, Jwøk marge na jääŋ gø baŋge. Ni ö jiyi ni putge lwäyö ki Wuuö Jwøk.

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Dhekaraya 3:1

Køøre Wuuö Jwøk Jøcua na näk Kwääy Lam Mana Dwøŋ anyoodhe jïra ni cuŋŋö nyïm nyïïatwiel maal, ni Ceethan cuŋŋö jï løø bäät cer cwïïe, ni kïtha bäät gø ki luup mo reyø.

Dhekaraya 6:11

ni lwørï warkey ki gwel-bïrö ni tïïï ka aduda ni kïthï gø wï Kwääy Lam Mana Dwøŋ ni beeye Jøcua o Jöcëdëk.

1 Timöthi 3:11

Kaawat manøgø thuwø, mään doo tïmö na jiy mo owøørø, ni ge patha dïwääc nyeŋ, 'ba røkge dege mänö ki raay, ni geno ŋäädhö ki yïth jammi bëët.