Edhera 10:1 - Wëël Jwøk

¹ 'Ba kanya bëët Edhera ni poot lämö ni eni køpa raay, ni eni jwöŋö ni dëëre ee leeŋ piny nyïm Øt Jwøk, jiy mo thööth, ni beege cwøw ki mään ko obwöre mo käla røk jø Icriel, dëëtge acooŋge buute, ni jwöŋge døc ni yïthge ege keeyø.

Edhera 10:1 Iomraidhean Croise

1 Nyeye 8:30

Beerra man wïnynyï kwac mara, a na dhaanhnhï, ki kwac mar jiyï ma jø Icriel, kany wø lämge ni nyïmge ege luu Øt Jwøk kany. Beerra man wïnynyï gø kany wø bëëdï yie maalø; beerra man wïnynyï gø møn, ni wëënnï waani.

1 Nyeye 9:3

Ni kö Wuuö Jwøki jïre, ni «Lam marï ki kwac mana kwayï aani ki gø awïnynya; 'ba Øt Jwøk mana geerï enø, anø cïba kur keere na mara, naa tïïya nyeŋŋa nee bëëde ni ŋäc kaace na bäre bäre, ni bëëda naa raŋŋa øtø manøgø cooth ki cwïnya bäre.

2 Luup Nyeye 20:13

'Ba jø Juuda bëët ge cuŋŋö nyïm Wuuö Jwøk, ge ko obwöre moge moa therø, ki määrge, ko obwöre moge moa reegø.

2 Luup Nyeye 20:9

ni ‹Ni näk da gïn mo raac mo ö bäätwa, teeŋ ka leny man wø tägi ki køør ajäl Jwøk, wala täw, wala käc, wa cuŋŋö nyïmï nyïm øtø man, kiper nyeŋŋï ena ri øtø man; ni jwøwa ränynyö marwa dëërï; køøre ïïni döötwa wïnynyï wïnynyö ni piemï waani.›

Edhera 10:6

Kanyøgø Edhera aput ö maal ki nyïm Øt Jwøk ni ci yi øtø mana no orep dëër Øt Jwøk, ni beeye øt Jöanan wär Eliyacip. 'Ba këël na ci kaace, eni kär cämö ki cam, ni eni kär mädhö ki pïï; kiper eni bëëdö ni kïmmö kiper bëëtö mana raac na beet nyïïkwaac jøøa mak ki tøŋ moa kwøŋ duuö.

Neemiya 1:4

'Ba aani kanya wïnynya luupögø, aana put pï piny ni jwöŋa, ni bëëda ki nïne naa kïmmö, naa wödö ki cam, naa lämö nyïm Jwø maal.

Neemiya 1:6

Ennø, beerra man raŋï aani, ni cegï ïthï ki lam mara, a na dhaanhnhï en, ni beeye lam mara man läma ki gø nyïmï en ki dïcäŋ ki wäär, kiper jiyï ma jø Icriel, naa køpa raay moge moa bacwa dëërï; aani ki jø dhi øt kwäya waana bääyö dëërï.

Neemiya 10:28

'Ba jiy møga bëët, ki dïlämme, ki jø tuuŋ Libay, ki jø wø koor dhøgi mo kal mar Øt Jwøk, ki jø wø wär ki dudi Øt Jwøk, ki jø wø tïïö yi Øt Jwøk, ki jiy bëët moa käl dëëtge wøk ki røk wïth juurre ki man cïpge dëëtge jï ciik Jwøk, geni ki määrge ki wäätge, ki nyïïge, ni beege jøøa näk tier luubö cøøa wïthge,

Neemiya 8:9

Kanyøgø Neemiya, ŋata bëëdö na kwäärö mar paac, ki dïlämi ma Edhera, eni na dïpööy mar ciik Jwøk, ki jø tuuŋ Libay, jøøa caan tiet ciik Jwøk jï jiy, gena köö jï jiy bëët, ni «Dïcäŋ man en atïmö ni ena kur keere na mar Wuuö Jwøk, Jwøk maru; uuni, käru jwöŋö ni ba kïmmu.» Kiper jiy bëët gena bëëdö ni ge jwöŋö kanya wïnyge luup moa en yi wëël ciik Jwøk.

Jeremaya 13:17

'Ba ni näk luumma ba wïnynyu, aani, a jwöŋö ni kuyu kiper atöör maru. Ni jwöŋa ni yia yaa keeyø døc, ni nyeŋŋa lwanynyi ki pïï, kiper jic Wuuö Jwøk omak ki tøŋ ni käli.

Jeremaya 9:1

Wui, aperŋø ni ba tïm wïïa na iith en, na aperŋø ni ba tïm pï nyeŋŋa na jøøro en, naa jwöŋa ki yi cäŋ ki yi wäär bäre kiper jø powa na ŋalli!

Daniel 9:20

'Ba kanya bëëda naa cäänö naa lämö naa køpa raay 'moa ki mo jø powa ma jø Icriel, naa peedha kwac mara nyïm Wuuö Jwøk, Jwøk mara, kiper thuur mar Øt Jwøk na en kur keere,

Odheea 14:2

Duu baŋ Wuuö Jwøk, ni kööu jïre, ni «Wëën raay mowa bëët, ni jïëyï waani ki met ec marï, nee wa cïpwa ki pwøc no olämme.

Dhekaraya 12:10

«Dïcäŋöca, aani, jwïëc met ec ki jwïëc lam kønynya bäät dhi øt Deebit ki bäät jø wø bëëdö Jerucalem. Kanyøgønø geno tïmö ni ge neeta ŋata cwøpge ki tøŋ, ni kïmge kiper gø kaawat man wø kïm dhaanhe bäät nyaare aciel keere mo othøw, ni jwöŋge kiper gø ni yïthge ege keeyø døc kaawat man wø jwöŋ dhaanhe bäät wääde ma kanynye mo othøw.

Mathiew 3:6

Ni lwøk geni na nyuudhi yi Naam Jördan, ni køpge raacge.

Luk 19:41

'Ba kanya ö Jecu na tïm kare ni cään na neen pääny, ena jwöŋö ki gïr gø,

Moa Tïïc Nyïïatwieli 10:30

Ni kö Körnilia, ni «Ki køør nïne aŋween moa pöödhö, teeŋ ka kar caanni ennø, naa lämö yi øda kar caae adäk ka abøøya, dhaanhø mør ajooda ni cuŋŋö nyïma ni dëëre da abïï mo tar,

Moa Tïïc Nyïïatwieli 21:5

'Ba kanya thum nïrögø, waana tïŋŋö ni cäŋwa døø ri wääth marwa. 'Ba geni bëët ki määrge ko obwöre, waana jiethge këël mana pïïcwa ŋää paac. Ni këëlwa cøŋwa piny lak ageela, ni lämwa, ni määthwa dëëtwa.

Wëëlö Mana Göör Pøølli Baŋ Jø Röm 9:2

ni cwïnya da kïmmö mo dwøŋ, ni cwïnya rämö cooth ki rääm mo ba cöök.

Tiet Ciik 31:12

'Ba jiy wär cooŋŋu kanya ciel ge bëët, ni beege cwøw ki mään ko obwöre ki juurre moo bëëdö dïïu, kiper nee ciik moi wïnyge, nee kwänyge ki man lwäärge Wuuö Jwøk na näk Jwøu, ni koorge wïthge ki man gwøkge luup ciik moi bëët.

Jøcua 7:6

Kanyøgønø, Jøcua abïï mare ajeee, ni gøø ree piny nyïm acanduk mar Wuuö Jwøk, ni bëëde kaace këël mana tïm pinynyi na abøøya, ni beeye eni ki jø døøk Icriel bëët; ni jørge tør wïthge ki pänh cwïny.

Jøcua 8:35

'Ba bäŋ luubö aciel mo odööŋ røk ciik moa cem Modhe ni kär kwaan Jøcua nyïm acooŋa mar jø Icriel bäre ki mään ko obwöre moa thenh thenh ki juurre moa path na bëëdö dïge.