Edhera 1:6 - Wëël Jwøk

⁶ Ni ö jøøa enge buutge ni kønyge geni ki warkey, ki gïï mo tïïc ka gwel-bïrö, ki teeŋ jammi møøk, ki dhäk, ki jammi mo perge leth; ni cïpge thuwø ki muuce møøk mo cïp ka met ec.

Edhera 1:6 Iomraidhean Croise

1 Luup Nyeye 29:9

Køøre jiy yïthge aput mïnnö kiper muuce moa cïpge ki met ec, kiper muuce acïpge ki cwïnyge bäre jï Wuuö Jwøk. Kanyøgø nyeya ma Deebit thuwø yie aput mïnnö døc.

Edhera 1:4

'Ba kanyo en dhaanh Wuuö Jwøki yie jaak, beerra man ö jø kaace ni kønyge eni ki warkey, ki gwel-bïrö, ki jammi, ki lääc paac; ni mëëtge bäät japøgø ki muuce møøk mo cïpge ka met ec kiper Øt Wuuö Jwøk ni en Jerucalem.› »

Edhera 8:33

'Ba kanya tïme na ri ŋweer nïne, warkie ki gwet-bïrö ki jap paac arøm yi Øt Jwøk, Jwøk marwa, ni cïbi cer dïlämi ma Merëmöt wär Uria, ni Eliedhar o Piniac nutö buute, ni jø tuuŋ Libay, ni beege Jödhabat o Jëcua, ki Nöadiya o Binuy nutö buutge thuwø.

Neemiya 6:9

'Ba jøøgø bëët ge päära waani nee wa lwäcwa, ni ge cäänö ki cwïnyge, ni «Geni, ceŋge boo nilwak ri tïïc cøøn nee tïïc ba thume.» 'Ba aana lämö ni kööa, ni «Wui Jwøk, wëëk bääta tëënnö.»

Bwøth Wøk 12:35

'Ba kar kaaca jø Icriel jammi bëët atïïcge ki køør luup moa car Modhe. Kiper geno nø pëëö baŋ jø Ijep ka abïïe, ki jammi moa näk tïïc ka warkey, ki moa näk tïïc ka gwet-bïrö;

Bwøth Wøk 12:36

ni Wuuö Jwøk yïth jø Ijep ee nø tïïc ni met ki jø Icriel, ni ö gïïa pëëny jø Icrielli bëët ni cïpi ya jø Ijepi jïge, ni putge jø Ijep twier.

Aydheea 35:3

Wëëgu ceŋ moa no oniläp tëënnö, ni wëëgu cøŋŋi moa no ojöönyö nithïk.

2 Körin 9:7

'Ba ŋati man nø, wär cïpe ki mano näk ee cooŋø ki cwïnye, ni ba cwiigi, wala eni mak ka teek. Kiper Jwøk wø mëër ka ŋat wø cïpi ki met cwïny.