Edhera 1:5 - Wëël Jwøk

⁵ Køøre dïbwöthe mo wïth tuŋi mo tuuŋ Juuda ki mo tuuŋ Benjamen, ki dïlämme, ki jø tuuŋ Libay, ge na yïthge theŋ Jwøki nee cige nee Øt Wuuö Jwøk ni en Jerucalem cäŋge geerrø, rege ajiiŋge kiper wääth.

Edhera 1:5 Iomraidhean Croise

2 Luup Nyeye 36:22

'Ba kanya tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk, kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:1

'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:2

ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 1:4

'Ba kanyo en dhaanh Wuuö Jwøki yie jaak, beerra man ö jø kaace ni kønyge eni ki warkey, ki gwel-bïrö, ki jammi, ki lääc paac; ni mëëtge bäät japøgø ki muuce møøk mo cïpge ka met ec kiper Øt Wuuö Jwøk ni en Jerucalem.› »

Neemiya 2:12

aana ö maal ki wäär, aani ki jiy mo nøk. Ni aani, gïna näk onø cïp Jwøki mara cwïnya nee tïïa kiper Jerucalem bäŋ ŋat mo yaa gø caanø jïre. 'Ba kanyøgø bäŋ lääy mo wø cäädhö ki bäätge mo nut, 'ba beeye mana cäädha ki bääte keere na nut.

Pwöc Leec Wïc 16:1

Dhaanhø wø cädö ki yi cwïnye kiper luubö mano caane, 'ba gïno beer ni wø dwøk leebe käla baŋ Wuuö Jwøk.

Agëë 1:14

Kanyøgø Wuuö Jwøk atïïö cwïny Dherubabel o Celatiyal na bëëdö na kwäärö mar akwöm Juuda, ki cwïny Jøcua wär Jöcëdëk na näk Kwääy Lam Mana Dwøŋ, ki cwïny jiy bëët moa no odööŋ na bøth dhøk gïï mo leth, ni putge ö maal ni täkge ki geer Øt Wuuö Jwøk, Jwøk marge, eni na wïth jammi bëët,

2 Körin 8:16

'Ba pwøc en jï Jwøk, na løø cwïny Tayta baŋu ni mëëye ki uuni døc kaamara.

Pilipay 2:13

Kiper beeye Jwøk ni wø tïïö cwïnynyu, ni mooya uuni ki teek ki man tïïyu moe na met yie ki ge.

3 Jøøn 1:11

'Ba omëëya, kär tïï raay ŋwaalï, 'ba ŋwaal gïn wø beer. Ŋat wø tïïc gïn mo beer, ena mar Jwøk. 'Ba ŋat wø tïïc raay, Jwøk poot käre joodø.