Edhera 1:3 - Wëël Jwøk

³ 'Ba ennø, ŋat ma dhaanh Wuuö Jwøk mo ena dïïu kaagø, beerra man ö Jwøki marge ni bëëde ki eni, ni ö eni ni ci Jerucalem na en Juuda, ni cäŋ Øt Wuuö Jwøk, Jwø Icriel, geerrø, eni na Jwøk ni wø bëëdö Jerucalem.

Edhera 1:3 Iomraidhean Croise

1 Nyeye 18:39

'Ba kanya ö jiyi bëët na jootge gø, dëëtge aputge gøø piny, ni köge, ni «Wuuö Jwøk beeye Jwøk møn! Wuuö Jwøk, ena Jwøk møn!»

1 Nyeye 8:23

Ni kööe, «Wui Wuuö Jwøk, Jwø Icriel, bäŋ Jwøk mo caala ïïni maalø wala bäät piny, mo luumma tuude ki jiy ee gwøø, ni nyooth mëër mare ni wø ba jøøl jï jiye mo wø tïïö ka adïëri nyïme ki cwïnyge bäre.

1 Luup Nyeye 28:20

Køøre Deebit aköö jï wääde ma Cølöman, ni «Mak riï ni bëëdï niï teek, ni tïïyï gïïögø bëët; kärï lwäyö ni ba bwøk cwïnyï; kiper Wuuö Jwøk, eni na Jwøk mara, ena buutï. Eni ï ba wiie këël kanyo thum tïï jammi bëët mo wø tïïc Øt Wuuö Jwøk.

Edhera 1:4

'Ba kanyo en dhaanh Wuuö Jwøki yie jaak, beerra man ö jø kaace ni kønyge eni ki warkey, ki gwel-bïrö, ki jammi, ki lääc paac; ni mëëtge bäät japøgø ki muuce møøk mo cïpge ka met ec kiper Øt Wuuö Jwøk ni en Jerucalem.› »

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 5:13

« ‹'Ba kanya tïme na cwiir mana dïkwøŋ mana ö Kiröci na tïme na nyeny Babiløn yie, eni na nyeya ma Kiröc ena cïpö ki dwøl nee Øt Jwøk man cäŋ geerrø.

Edhera 5:3

'Ba kar kaaca, Tatenay na bëëdö na kwäärö mana dwøŋ mar paac mana cwøl ni Løø Naam Løøga, ki Cetar-Bödhnay, ki jø wø tïïge ki geni na aciel, gena ö baŋge ni pëënyge geni, na «?Aŋa na cïpö ki dwøl jïïu ni cäŋu Øt Jwøk man geerrø ni thööru dëëre ki tïïc en?»

Edhera 6:7

Wiiu tïï Øt Jwøk kare, nee kwääc tïïc ki jø døøŋŋø mo jø Juuth nee Øt Jwøk cäŋge geer wï gø.

Aydheea 37:16

«Wui, Wuuö Jwøk, ï na wïth jammi bëët, na näk Jwø Icriel, ï ni wø nyooth ajiem-nyec marï ki yïthakic nyïïatwiet maal moa cwøl ni kirubëlli, bee ï keerï na Jwø wïth buc nyeye bëët mo bäät piny, ni bee ï na cwääc maal ki piny.

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 45:5

Bee aani na Wuuö Jwøk, ni bäŋ Jwøk mør këët. Bäŋ Jwøk mør këët ni näk mo paa aani keera. Aani, ï mooa mooø ki teek, këël na bëëdï naa kuyï;

Jeremaya 10:10

'Ba Wuuö Jwøk beeye Jwøk mana näk adïëri; ena Jwøa kwøw, ni eni bëëdö na nyeya na bäre bäre. Piny wø tïmö ni kwanynyi kany wø wëëre, ni wëër mare bäŋ wø løny ki jïëny jï wïth juurre.

Daniel 2:47

Ni kööe jï Daniel, ni «Ka adïëri møn, Jwøï beeye wïth juu, ni beeye kwääc nyeye ni wø nyooth gïï mo tietge okanø, kiper mana lønye jïrï ki mana nyoothï tier gïn no okanø en.»

Daniel 6:26

«Ennø, aana kän wøk ki ciik: Jiy bëët moa en ya akwöm nyec mara bëëtge ni ge lwäära Jwø Daniel ni dëëtge kwanynyi nyïme.» «Kiper beeye Jwøa kwøw ni wø bëëdö na bäre bäre, ni buc nyec mare beeye man wø bëëdö ni ba ränynyi, ni teek mare bëëdö na bäre bäre.

Mathiew 28:20

Ni pwönynyu geni ki man gwøkge gïïa caana jïïu bëët. 'Ba aani, aano en buutu cooth këël kanyo ŋuut pinynyi yie.»

Moa Tïïc Nyïïatwieli 10:36

'Ba luumma jääŋ Jwøki baŋ jø Icriel ŋäyu, ni køpa luumma nyään na met mar bëët-mëër ki køør Jecu Krictø, ŋata näk Kwääc jiy bëët,

Tiet Ciik 32:31

Ka adïëri møn, jwø nyïïmän ba caal Jwøk marø na teek; këël nyïïmän 'moø ki dëëtge gïnögø ŋäcge.

Jøcua 1:9

Ennø, a köömma ïïni. Mak riï ni bëëdï niï teek; ni ba bwøk cwïnyï ni ba lwäyï, kiper a na Wuuö Jwøk na näk Jwøk marï, a ena buutï kany wø ciï yie jaak.»