Edhera 1:2 - Wëël Jwøk

² ni «Man beeye dwør Kiröc nyeny Parca, ena köö, ni ‹Wuuö Jwøk, Jwø maal, mïëri moa en bäät piny bëët anø cïbe jïra, ni nø tïïc aani nee eni gëënna ki øtø yi Jerucalem, na en Juuda.

Edhera 1:2 Iomraidhean Croise

1 Nyeye 8:27

«?Aŋø, Jwøk bëëdö bäät piny møn? Ka adïëri møn, ï na Jwøk, maal këël maal kuya kunece, ï ba røm yie. ?A øtø man ni yaa geerø en, ïïno rømï yie nidïï?

2 Luup Nyeye 2:12

Køøre Kiram acäŋ köö, ni «Pwøc en jï Wuuö Jwøk, Jwø Icriel na cwääc maal ki piny, ŋata mooc nyeya ma Deebit ki wääde mo wïïe leer, na cïp riek waŋ ki ŋäc tiet luup jïgø, eni no ogeer øtø jï Wuuö Jwøk ki øt nyec mare.

Edhera 1:5

Køøre dïbwöthe mo wïth tuŋi mo tuuŋ Juuda ki mo tuuŋ Benjamen, ki dïlämme, ki jø tuuŋ Libay, ge na yïthge theŋ Jwøki nee cige nee Øt Wuuö Jwøk ni en Jerucalem cäŋge geerrø, rege ajiiŋge kiper wääth.

Edhera 3:7

Køøre gena cïpö ki gwel jï jø wø ŋäc geer ki kïte, ki jï dïjëëth opämi; ni cïpge ki cam, ki jap wø maath, ki maaw jï jø Caydan ki jï jø Tayar, kiper nee ge känge ki jenni moa perge leth ki yi lur Libaanø ni kälge geni Jøpa ki yi naama dwøŋ, ki køør mana ö Kiröci nyeny Parca ni cïp gø jïge ni ŋutge ki jen.

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 5:15

Ni caan gø jïgø, ni «Lwør japi, ni ciï ni kanï ge yi Øt Jwøk Jerucalem, ni ö Øt Jwøki ni cäŋi geer wïïe.»

Edhera 6:10

nee tïme ni ge cïpa olämme mo yi Jwø maal met ki ge, nee ge lämge kiper kwøw mara, a na nyeya, ki wääta.

Edhera 6:3

«Kanya tïme na cwiir mana dïkwøŋ mana beet Kiröci nyeny Parca Babiløn, eni na Kiröc ena cïpö ki dwøl ni kööe, ni ‹Øt Jwøk man ni en Jerucalem en, beerra man cäŋi geerrø na kany wø cïp olämme yie; ni caam tiere ni teek, ni tïïc bär mare mar maal na gööye ma pïërabïciel, ni tïïc dööŋ yie na gööye ma pïërabïciel.

Edhera 7:12

ni «A na nyeya ma Arthëkcic, a na wïth nyeye bëët, a göönna baŋï, ï na dïlämi ma Edhera, ï na dïpööy mar ciik Jwø maal; bëëdï ki bëët-mëër ma kare.

Neemiya 1:4

'Ba aani kanya wïnynya luupögø, aana put pï piny ni jwöŋa, ni bëëda ki nïne naa kïmmö, naa wödö ki cam, naa lämö nyïm Jwø maal.

Neemiya 1:5

Ni kööa, ni «Wui Wuuö Jwøk, Jwø maal, a kwaya ïïni, ï na Jwøa dwøŋ ni wø kwany dëëlli ki eni, ï ni wø gwøk luumma tuutï ki jø wø mëër ki ïïni, ï ni wø nyooth mëër man wø ba jøøl jïge, ge ni wø gwøk ciik moï.

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Aydheea 41:2

?Aŋa noo tïŋ maal ki ŋat mo käla kur tuul-cäŋ, ni cwøla gø ki køør adïëri mare kiper tïïc mare, nee wïth juurre cïp cere, ni tïïc nyeye ni ena tiere, nee ge tïïe kaamar tør ko opëëllö mare, ni tïïc geni ka atheerø mare kaamar lethø mo okøøl apwøyaweerø?

Aydheea 44:26

Luum dhaanhnha wëëga thur kare, ni ö luup jiy mo wø jääŋŋa ni tïmge na adïëri. Bee aani na caan luum Jerucalem, ni kööa, ni ‹Paanøgø jiy obëëdö yie!› Ni caana luum päänye mo Juuda, ni kööa, ni ‹Päänye moøgø di geerø!› Ni tïŋa ge maal ki yi ränynyö marge.

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 45:1

Man beeye dwøl mana caan Wuuö Jwøki jï nyeya ma Kiröc, na näk ee røønyø na ŋat tïïc mare, na näk ee maaø ki cer cwïï gø, nee wïth juurre dïïme ki ree, nee teek mar nyeye lwøre, nee dhøk kiiri jap jïre ni ba cïëge këët; ena köö,

Aydheea 66:1

Man beeye luumma caan Wuuö Jwøki, ena köö, ni «Maal beeye wälu mara, ni piny beeye køøm tieta. ?A øda ŋø nø, na dou geerø jïra? ?A kanya ŋø na daa jwöm raa yie?

Jeremaya 10:11

'Ba uuni, u na jø Icriel, caannu jïge na ennø nø, ni «Juu moa näk maal ki piny ba cwääya geni, ge ränynyö bäät piny bäre.»

Jeremaya 27:5

Aani, piny ki jiy ki lääy moa en bäät piny acwääa ki køør teek bada na dwøŋ, ni løny jïra ki man cïba gø jï ŋata met yia ki gø jaak.

Jeremaya 29:10

'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Daniel 1:21

'Ba Daniel aput bëëtö këël mana pïïe cwiir mana dïkwøŋ mana tïm Kiröci na nyeya yie.

Daniel 2:21

Bee eni ni wø wel nïne ki ruun. Bee eni ni wø dwøk nyeye piny, ni wø këël tiet nyeye piny. Bee eni ni wø cïp leec wïc jï jøøa wïthge leer, ni wø cïp kwänynyö jï jø wø ŋäc tiet luup.

Daniel 2:28

'Ba da Jwøk mo ena maal ni wø nyooth tiet gïï mo okanø. Eni gïno tägi yi nyïm anyoodhe jïrï, ï na nyeya ma Nabukedenecör en. Lääk marï ki gïïa nyooth jïrï ki yi wïïï kanya bëëdï niï ena kar niine beege ii:

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Daniel 4:32

ni riem ïïni wøk ki dï jiy, ni tïm kar bëëtö marï ni ena dï lääc paap. Ïïni, ïïno cämö ki luum kaamar dhieŋ ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöp nyec mo jiy, ni løny ki man cïp gø jï ŋato manynye jaak.»

Daniel 5:23

'Ba ïïna tïmö niï tïŋa riï maal niï läädö ka Kwääc maal, ni ö jiyi ni øømge athääe mo Øt Lam mare, ni kälge ge nyïmï, ni ö ïïni ki jø kööre moï, ki määrï, kö omëërri moï ni bëëdu ni køøŋ nyïïomøki maathu ka geni; ni tïme nou pwøya juu moa näk tïïc ka gwel-bïrö, ki warkey, ki jwïël, ki nywïënyö, ki jenni, ki kïte, ni beege gïï mo ba rääŋö, mo ba wïnyö, ni bäŋ gïn ŋäcge. 'Ba Jwøk, na näk jwïëc kwøw moï ena cere, ki jïëth tïïe moï, kärï jiemø.

Daniel 6:25

Køøre nyeya ma Dariöc aput gööt baŋ wïth jiy ki wïth juurre, ki wïth dhøgi, jø wø bëëdö yi ŋöömö bëët, ni kööe, «Bëët-mëër opälli jïïu!

Joona 1:9

Ni løk gø jïge, ni «Aana nyï Ibaru, naa bëëdö naa lwäära Wuuö Jwøk, Jwø maal, eni na cwääc naama dwøŋ ki ŋøøm.»