Edhera 1:1 - Wëël Jwøk

¹ 'Ba na tïme na yi cwiir mana dïkwøŋ mana beet Kiröci nyeny Parca yi Babiløn, Wuuö Jwøk kiper nee luubö mana caane ki dhi nyikuŋ Jwøk ma Jeremaya thur kare, eni yi Kiröc nyeny Parca atheŋe, nee jääk dï paac mare bäre ki dwøl, ni dwøl manøgø thuwø, ogöör piny na ennønø:

Edhera 1:1 Iomraidhean Croise

Edhera 1:5

Køøre dïbwöthe mo wïth tuŋi mo tuuŋ Juuda ki mo tuuŋ Benjamen, ki dïlämme, ki jø tuuŋ Libay, ge na yïthge theŋ Jwøki nee cige nee Øt Wuuö Jwøk ni en Jerucalem cäŋge geerrø, rege ajiiŋge kiper wääth.

Edhera 4:3

'Ba Dherubabel, ki Jøcua, ki dïbwöthe mo wïth tuŋi mo jø Icriel gena köö jïge, ni «Bäŋ gïn mo ø rööpa ree ki uuni ki gø ri geer øtø jï Jwøk marwa; 'ba wa ki dëëtwa keerwa wa gëëdö ki øtø jï Wuuö Jwøk, Jwø Icriel, kaawat mana ö Kiröci nyeny Parca na nø kööm waani.»

Edhera 6:14

Kanyøgø jø døøŋŋø mo jø Juuth geer marge aput thur kare ki køør dwør Jwøk mana køp nyikuŋ Jwøki ma Agëë ki nyikuŋ Jwøk ma Dhekaraya nyikwaar Idö. 'Ba øtø athöörge ki geer ki køør dwør Jwø Icriel, ki dööt nyec Parca, ni beeye Kiröc ki Dariöc ki Arthëkcic.

Edhera 6:22

Ni wøørge Ajwöma Mar Møga Näk Ree Bäŋ Thømmø ki nïne abïriiø ni yïthge met, kiper yïthge anø døøc Wuuö Jwøki mo met, ni nø løø cwïny nyeny Aciria baŋge, nee dëëtge tïïe nee nigereem ki man tïïcge tïïe mo Øt Jwøk, Jwø Icriel.

Edhera 6:3

«Kanya tïme na cwiir mana dïkwøŋ mana beet Kiröci nyeny Parca Babiløn, eni na Kiröc ena cïpö ki dwøl ni kööe, ni ‹Øt Jwøk man ni en Jerucalem en, beerra man cäŋi geerrø na kany wø cïp olämme yie; ni caam tiere ni teek, ni tïïc bär mare mar maal na gööye ma pïërabïciel, ni tïïc dööŋ yie na gööye ma pïërabïciel.

Edhera 7:27

'Ba Edhera aköö, ni «Pwøc en jï Wuuö Jwøk, Jwø kwäcwa, na cïp luummögø cwïny nyeya, nee Øt Wuuö Jwøk ni en Jerucalem jïte ka ajiem,

Pwöc Leec Wïc 21:1

Acaare mo wø en cwïny nyeya ena cer Wuuö Jwøk, ni løny jï Wuuö Jwøk ki man bwøth geni ni caala man wø bwøth pïï ki jöörge.

Aydheea 44:28

Bee aani ni wø cäänö kiper nyeya ma Kiröc, ni kööa, ni ‹Ena dïkwääy mo tïnynya aani! Gïï wø manynya bëët tïïe tïïö.› Ni ö Kiröci ni caan luum Jerucalem ni kööe, ni ‹Pääny manøgø di geerø,› ni caan luum øtø mar Jwøk ni kööe, ni ‹Tierï mano geer ïïni bääte di caamø.› »

Aydheea 45:1

Man beeye dwøl mana caan Wuuö Jwøki jï nyeya ma Kiröc, na näk ee røønyø na ŋat tïïc mare, na näk ee maaø ki cer cwïï gø, nee wïth juurre dïïme ki ree, nee teek mar nyeye lwøre, nee dhøk kiiri jap jïre ni ba cïëge këët; ena köö,

Jeremaya 1:1

Moi beege luup Jeremaya o Kilkiya, na en røk dïlämme moa bëëdö Anathöth yi ŋööm Benjamen.

Jeremaya 29:10

'Ba luumma caan Wuuö Jwøki beeye en, ena köö, ni «Kanyo thum cwiiri ma pïërabïriiø kiper Babiløn, aani, u lïïma lïïmö, ni ö luumma caana jïïu na beer ni wëëga gø thur kare, ni beeye ki man duua uuni kany paana kwøŋu bëëdö yie.

Edhikiel 38:5

Ni dwala jø Parca bäätï, ge ki jø Kuuc ki jø Put, ni ge käädö ki kööt leny bëët ki cööc nywïëny,

Daniel 1:21

'Ba Daniel aput bëëtö këël mana pïïe cwiir mana dïkwøŋ mana tïm Kiröci na nyeya yie.

Daniel 2:1

'Ba kanya tïme na ri riet cwiiri moa beet Nabukedenecörri ni ena nyeya, ena lägö ki lääk, ni ö wïïe ni kier ree, ni dhäth nyeŋŋe ki gämmö.

Daniel 6:25

Køøre nyeya ma Dariöc aput gööt baŋ wïth jiy ki wïth juurre, ki wïth dhøgi, jø wø bëëdö yi ŋöömö bëët, ni kööe, «Bëët-mëër opälli jïïu!

Daniel 9:2

yi cwiir mana dïkwøŋ kanya bëëde na nyeya, a na Daniel en, da tier gïn maa kwanya yïth weet Jwøk ki køør luubö mana nyooth Wuuö Jwøki jï nyikuŋ Jwøk ma Jeremaya, ki man näk mo ränynyö mar Jerucalem thöödhö ki cwiiri ma pïërabïriiø.

Jøøn 1:23

Ni kööe jïge, ni «Aana dwør dhaanhø mo cwödö ŋää paac, ni ‹Tïïyu jöör Wuuö Jwøk ni thïïŋ,› kaawat mana caan nyikuŋ Jwøki ma Aydheea.»