Dut Pwøc 24:1 - Wëël Jwøk

¹

Dut Pwøc 24:1 Iomraidhean Croise

1 Luup Nyeye 29:11

Wui Wuuö Jwøk, teek, ki dööŋö, ka ajiem, ki böödö, ki wödö en jïrï, kiper jammi bëët moa en maalø ki moa en piny beege moï. Wui Wuuö Jwøk, bura beeye marï, ni bee ï na wïth jammi bëët.

1 Luup Nyeye 29:16

Wui Wuuö Jwøk, Jwøwa, jammi moi ni thööth bëët ii na cïpwa nee øtø geer kiper nyeŋŋï na en kur keere, käla baŋï, ni beege moï bëët.

2 Luup Nyeye 25:9

'Ba Amaciya aköö jï nyikuŋ Jwøk manøgø, na «?Agïnaŋø nø noo tïïcwa kiper gwet-bïrö moa näk rumme ma kikarri ma dïpa na nø cïba jï jø leny mo Icriel?» Ni løgi ya nyikuŋ Jwøki, ni «Wuuö Jwøk cïpö jïrï ki mo thööth mo opöödhö ni kaala moøgø.»

Jööp 34:13

?Aŋø, da ŋat mo Jwøk ee mooø ki teek bäät piny? ?Aŋø, bäät piny bäre ocïba ŋa cere nee bëëde ni koora eni?

Jööp 41:11

?Aŋa ni bääta da pïïdö mare nee eni cunna? Kiper jammi moi bëët ni en tier maal en beege 'moa.

Jööp 41:3

?Aŋø, løny jïre ki man kwaac ïïni nee bäth ec marï nyoothï jïre? ?Aŋø, løny jïre ki man mwøth ïïni ki luup mo met?

Bwøth Wøk 19:5

'Ba ennø, ni näk mo luumma wïnynyu wïnynyö na adïëri møn, ni gwøgu gïna tuuda ki uuni, u puta tïmö ni uuna 'moa dï wïth juurre bëët, kiper piny bäre beeye mara;

Bwøth Wøk 9:29

Ni kö Modhe jïgø, ni «Kanyo aa wøk yi pääny kiree, ceŋŋa othaaŋa jï Wuuö Jwøk; ni ö odäru ni cuŋŋe, ni tïme ni bäŋ pey këët, kiper nee putï ŋäc møn ni piny beeye mar Wuuö Jwøk.

Daniel 4:25

ki man näk miï riema wøk ki dï jiy, ni tïm kar bëëtö marï ni ena dï lääc paap, ni tïmï niï cama luum kaamar dhieŋ, ni bëët dëërï ni thec ki thööy ki cwiiri abïriiø, këël kanyo ŋäyï gø ki man näk mo Jwøa Dwøŋ ni en Maal jïre da teek bäät akwöm nyec mo jiy, ni løny ki man cïp gø jï ŋato manynye jaak.

Mikiya 4:13

Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Neeyam 1:5

Kïte atïmö ni jäŋŋi nyïme, ni ö thuuri ni nigemwøny piny. Piny tïmö ni kwanynyi nyïme, këël ki jiy moa en bäät piny bëët.

1 Körin 10:26

kiper «Piny bäre ki jammi bëët moa en yie beeye mo Wuuö Jwøk.»

Tiet Ciik 10:14

«Neennu, Wuuö Jwøk na näk Jwøu, maal ki kare bäre, ki piny bäre ki gïïa en yie bëët, moe.