Dut Pwøc 1:3 - Wëël Jwøk

³ Eni caala jaath mo opiith deŋ naam, ni wø nyïïe ciek kany wø näk ma kare, ni bøøge moe ba när. Teeŋ ŋatøgø, gïï wø tïïe bëët thura karge.

Dut Pwøc 1:3 Iomraidhean Croise

Wïlöölö 39:23

Ni ö ŋata en øt twöci cere ni tïme ni bäŋ gïn lääŋŋe kiper gïïa en cer Jocep, kiper Wuuö Jwøk nutö buute, ni ö Wuuö Jwøki ni put tïïe moe bëët gwïëth.

Wïlöölö 39:3

Ni jooti ya kwääye ni Wuuö Jwøk nutö buut Jocep, ni jammi bëët moa tïïe cäädhi ni beyø.

2 Nyeye 18:7

'Ba Wuuö Jwøk abëëdö ki eni, ni gïn wø tïïe cooth thura kare. Ni ö eni ni gëëme ki nyeny Aciria, ni kweere ki man tïny gø.

1 Luup Nyeye 22:11

«'Ba ennø wääda, Wuuö Jwøk obëëdö ki ïïni, ni wëëk geer man thur kare man geerï øt Wuuö Jwøk, Jwøk marï, kaawat mana caane kiperï.

1 Luup Nyeye 22:13

'Ba jammi moo tïïyï othur karge jïrï ni näk mo ciik moa cïp Wuuö Jwøki jï Modhe kiper jø Icriel iï gwøø. Mak riï nø, ni bëëdï niï teek; ni ba bwøk cwïnyï ni ba lwäyï.

2 Luup Nyeye 31:21

'Ba jammi bëët moa tïïe kiper Øt Wuuö Jwøk, atïïe ki cwïnye bäre ni manynya mana many Wuuö Jwøki, ni ciik Jwøk ki luup moa ceme ee gwøø; ni ö jammi moa tïïe bëët ni thurge karge jïre.

2 Luup Nyeye 32:23

Ni ö jiyi mo thööth ni öge yi Jerucalem ni ge kännö ki muuce jï Wuuö Jwøk, ki jammi mo perge leth jï Edhekaya nyeny Juuda. Ni ö Edhekaya ni put tïmö ni kare dwøŋ døc ki yïthakic juurre bëët yïth nïne moøka.

Jööp 14:9

ni näk mo tiere ojïtö ki pïï, løth ni jïte ki bäädi ni døø kare na jaath.

Jööp 22:28

Gïï wø caarï nee tïïyï thura karge, ni bëët tarri no orieny nyeŋ jïëthe moï.

Aydheea 27:11

'Ba kanyo tal bäädi moøgø, ge di tøyø, ni ö määnni ni møøtge ge na jer maac. Kiper jiy moøgø paa jiy mo wïnyö ki luup. Kiper manøgønø, ŋata tïïc geni na jiy, cwïnye ba ware ki geni; ŋata cwääc geni, cwïnye ba cïp piny ki geni.

Aydheea 3:10

Caannu jï jøøa bëëtö marge beer ki man näk mo tïmö ni beer jïge, kiper yïthge omïnni ki køør tïïe moge na beyø.

Aydheea 44:4

ni ö geni ni tïmge kaamar gïï mo tuul wøk ka yïthakic luum, ni caala jenni mo ena deŋ naam.›

Aydheea 58:11

A na Wuuö Jwøk, u bwødha bwødhø cooth, ni mooa uuni ki cam yi cäŋa kwaar døc dïtëën kaawat man wø manynyu, ni wëëga cuu mou tëënnö. Bëëtö maru tïïa tïïö kaamar ajïniina mo di jøøyø ki pïï, ni tïme kaamar jøøro mo pïïe ba tal.

Jeremaya 17:8

Kiper eni tïmö ni caala jaath mo opiith lak naam, ni wø lweete këët piny, ni bäŋ gïn mo lwääre kany wø lëënh pinynyi; 'ba bøøge moe bëëdö ni marr jaak, ni bäŋ gïn lääŋŋe kiper yïth cwiiri mo meel, ni eni ba kääŋi ki man nyööte ki nyïëdi.»

Edhikiel 17:8

'Ba omøk manøgø ena piith yi ŋöömö mo beer, mo yie da pïï mo thööth, 'ba eni doo løny jïre ki man jïte ki bäädi ni nywøle ki nyïëdi ni tïme na jaath omøk mo mïërö.›

Edhikiel 19:10

« ‹'Ba meru na bëëde, bëëdö kaamar omøk mo opiith deŋ naam yi pwöth omøki marï, ni eni bëëdö ni nywøl ki nyïëdi ni bäädi moe olaak jaak kiper pïï na thööthge.

Edhikiel 31:5

Kiper manøgønø, ena put tïmö na jaath mo bäär døc, ni jenni bëët moa en yïth pwöth ee kaalø; ni bäädi moe olaak ni bäyö ni thööth, kiper thööth pïï.

Edhikiel 47:12

'Ba wïth jenni ma teeŋi mo kännö ki nyïëdi geno tuy bäät ageel naamøgø løøi ki løøi. 'Ba bøøge moge obëëdö ni ba tal, ni bäŋe kany mo ge kääŋö yie ki man ŋweelge ki nyïëdi. Geno bëëdö ni ge ŋweel ki nyïëdi ki yïth dwäde cooth kiper pïï mo wø kwöt baŋge ki tier Øt Lam mana en kur keere. Nyïëdi moge okunynyi kiper cam, ni ö bøøge moge ni kunyge kiper køny täwe.»

Kwään Jiy 24:6

ni ge caala gøli mo rege ege lwørø, ni caalge pwöth mo wø en deŋ naam, ni caalge jenni mo mïërö mo opiith Wuuö Jwøki, ni caalge orøge mo ena lak naam.

Mathiew 13:6

'Ba na rieny cäŋŋi, gena waaŋ ni talge, kiper mana tïmge ni bäŋ lweedi jïge.

Mathiew 21:19

'Ba na neen olaam thääŋ jöö, ena gaa baŋ gø, ni bäŋe nyïëdi mo ee joodø ri gø, 'ba beeye bøøge keerge na joode. Ni kööe jï olaam, ni «Bäŋ nyïëdi mo cäŋ jootø dëërï këët.» Ni ö olaammi ni put bäbö.

Mathiew 21:34

'Ba na tïm kar nyïïomøki ni cään ki man ciekge, laaŋe moe ajääŋŋe baŋ jø puur moøgø, nee känge ki nyïïomøki jïre.

Mathiew 21:41

Ni dwøkge gø jïre, ni «Jø puur moøgø ni reyø yøø, nääe nääö ki 'näk mo raac døc, ni cïp pwöthögø ceŋ jø puur møøk mo cïpö jïre ki nyïïomøki kany wø ciekge yie.»

Jøøn 15:6

Ni näk dhaanhø ba bëëdö dëëra, eni weta wøk keda bat jaath, ni tale. 'Ba teeŋ bäät jenni moøgø ocooŋ kanya ciel ni leeŋi maac ni waaŋ ge.

Tiet Ciik 28:8

«Wuuö Jwøk na näk Jwøu gwïëth jääŋŋe jääŋŋö bäätu ki bäät caammi mou moa en yïth odïï mou ki bäät gïïo tïïyu bëët ki ceŋŋu, ni gwïëth uuni yi ŋöömmo cïbe jïïu.

Juut 1:12

'Ba jøøgø caala kït mo reyø mo raanynya kwör cam mou ni wø cammu ki mëër, kany wø cämge ki uuni ni nyeŋge teek, ni marge loora dëëtge. 'Ba ge caala pøøl mo bäŋ køth rege, mo käära jame, ni ge caala jenni mo bäŋ nyïëdi ka arïïa, mo othøw na bäre bäre, mo lweetge oö wøk.

Mana Nyooth 22:2

ni muuli ka dï waŋjöör paanøgø. 'Ba bäät ageel moe karge riet thuwø, jaadha näk jaath kwøw ena yie, ni bääte da nyïïe apaar kurriiø ma teeŋi, ni nyïïe nywøle ka yïth dwäde bëët. 'Ba bøøge beege wø køny mïëri ki ŋwiitge.