Dhekaraya 9:9 - Wëël Jwøk

⁹ «Wui, Dhayan, iï mïnne døc! Ni kwöŋŋï ki met ec, ni bee ï na Jerucalem! Raŋï, nyeya marï ööa baŋï, ŋat mo mare beeye adïëri, mo käära pïëm man piem jiy ki gø; eni mwöl, ni ena bäät arëën, ni beeye bäät nya arëën mana thiinh.

Dhekaraya 9:9 Iomraidhean Croise

1 Nyeye 1:38

Kanyøgønø, Dhadök na näk Kwääy Lam Mana Dwøŋ, ki nyikuŋ Jwøk ma Nathan, ki Benaya o Jööda, ki jø leny mo wø koor nyeya, ni beege jø Kelita ki jø Pelita, gena ci piny kunece ni Cølöman ege tïïö ni cäädhi ka bäät gääŋŋö mar nyeya ma Deebit, ni kïthge eni bäät Giyön.

Dut Pwøc 45:1

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 30:6

'Ba luumma nyooth Wuuö Jwøki kiper 'lääy mo wø en kanya cwøl ni Nëgëp bee en: Jøøa jääŋŋi gena aay ni ge cøra yi ŋöömma raac ni wø jwør gïï mo leth yie, kanya näk yie da ŋuuwe, ki thwöre mo reyø, ki teeŋ thwöre møøk mo määdö; ni ge aay ni jap kwärö moge käärge ka bäät arëëni, ni japa näk ege kaannø na perge leth käärge ka bäät athïrööle, ni ge cøøa baŋ jiy mo bäŋ køny mo tïïcge,

Aydheea 33:22

Kiper Wuuö Jwøk bee dïŋut luup marwa, ni bee eni na cïp ciik jïwa, ni ena nyeya marwa, ni bee eni noo piem waani.

Aydheea 40:9

Wui, ï na Dhayan na öö ki luubö mo nyään mo met, eth maal bäät kïdi mo bäär ni køpï gø! Wui, ï na Jerucalem na öö ki luubö mo nyään mo met, tïŋ dwørï maal døc ni køpï gø; tïŋ dwørï maal ni ba lwäyï; caanï jï päänye mo Juuda, «Ka adïëri møn, Jwøk maru en!»

Aydheea 43:11

Aani, bee aani na Wuuö Jwøk; ni bäŋ pïëmi mør këët ni näk mo paa aani.

Aydheea 43:3

Kiper bee aani na Wuuö Jwøk, Jwøk marï, a na Jwø Icriel na en kur keere bee aani na pïëmï marï. Ijep anø coola karï, ni ö Kuuci ki Ceba ni nø wiila ge ki ïïni.

Aydheea 45:21

Køpu maru, ni caannu gø, beerra man cäännu bääte na aciel. ?Aŋa na caan gïnögø ki mana täge ya acääŋŋe ki kany mo bäär? ?Aŋa na car gïnögø cøøn? ?Aŋø, paa aani, a na Wuuö Jwøk? Bäŋ Jwøk mør këët ni näk mo paa aani keera, ni bee a na Jwøk na näk mare adïëri, na näk pïëmi. Bäŋ Jwøk mør këët, 'ba bee a keera.

Aydheea 52:7

A teeŋ met ec mo nyïëdi ki man joot dhaanhø mo ööi ka bäät kïte ni käla luubö mo nyään mo met, ŋat mo køpa luum bëët-mëër, mo käla luubö mo nyään mo met mo beer, ŋat mo gøøa luum pïëm piny man piem jiy ki gø, ni kööe jï jø Dhayan, ni «Jwøk maru beeye ni wø käär piny na nyeya!»

Aydheea 57:15

Kiper Wuuö Jwøk, eni na en maal na kare dwøŋ, ni wø bëëdö na bäre bäre, ni wø nyeŋŋe en kur keere, ena köö, ni «Aani, a bëëdö maal kany mo ena kur keere, naa bëëdö thuwø ni kara cään ki jiy moa näk cwïnyge opädhö kiper raay moge, ki jiy moa näk cwïnyge opädhö ki køør japa leth na pïï bäätge, nee jiy moa näk cwïnyge opädhö nee cwïnyge cøma, ni mooa jiy moa no ocaarø ki jwöm ki yïth cwïnyge.

Aydheea 62:11

Ka adïëri møn, Wuuö Jwøk rwääö ni cäänna teegi mo piny bäre, ni kööe ni caannu jï jø Dhayan, ni «Neennu, pïëmi maru öö, ni käära jøøa ööle kiperge, ni beege jiy moa joode ni wø cäädhi nyïme.»

Jeremaya 30:9

'Ba geno bëëdö ni ge tïnynya aani, a na Wuuö Jwøk, Jwøk marge, ki nyeya marge ma Deebit, ŋato thïïŋa jïge.

Edhikiel 21:32

Uuno tïmö kaamar jer maac, ni ö remø maru ni øc piny yi ŋöömö maru, ni ba par wïc këët ki uuni; kiper luummögø caana aani, a na Wuuö Jwøk.› »

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Mikiya 4:8

Wui Dhayan, ï na thuur man wø ö Jwøki ni wø neet jiye ki yie, na caal pïïth dïëk, ï na thuur mar jø Dhayan, bëët käär jiy mana dïkwøŋ cäŋ ka duu kare jïrï, ni beeye käädö mar nyec noo dwøk kare yi pääny Jerucalem.

Mikiya 5:2

'Ba Wuuö Jwøk aköö, ni «Ï na Bethelem na en Eeparata, këël na bëëdï ni thiinhnha ïïni dï mïëc tuuŋ Juuda, ŋato käär jø Icriel othïïŋa kiper tïïc mara, ni eni ööi ki riï; ni öö mare käla ya acääŋŋe cøøn yïth nïra dïkwøŋ.»

Dhekaraya 2:10

«Wui jø Dhayan! Kwöŋŋu ki met ec, kiper aana öö naa bëëda dïïu. Manøgø caana Wuuö Jwøki.

Mathiew 1:21

Eno lwaar ki nyilaal ma cïïŋŋö; 'ba nyeŋŋe ocwølï ni Jecu, kiper beeye eni noo piem jiye yïth raay moge.»

Mathiew 11:29

Kïthu jaadha bäätu, ni wø caal jaath puur man wø rïï ŋut dhieŋ, ni kwänynyu ki køøra, kiper a mwöl ni cwïnya bäŋ atöör. 'Ba uuno jïti ki jwömö kiper gïïa en cwïnynyu.

Mathiew 2:2

«?Na age ŋata nywöli na nyeny jø Juuth? Kiper cëënynye ajootwa ki jï løø kur tuul-cäŋ, ni beeye tiere ni öwa en nee eni wøørwa.»

Maak 11:7

Ni kälge arëënögø baŋ Jecu ni peethge abïïkge bääte. Ni ö Jecu ni pï bäät gø.

Luk 24:27

Ni par luup bëët jïge moa en yïth weet Jwøk na näk ocaanø kipere, ni tääe ka luup Modhe këël mo nyïïkuk Jwøk bëët.

Jøøn 1:49

Ni løgi ya Nathanielli jïre, «Dïpööy, beeye ïïni na O Jwøk, na näk Nyeya mar Icriel.»

Jøøn 19:15

'Ba gena rëëdö døc, ni köge, «Aayï ki gø, aayï ki gø, ni gurï gø bäät jaadha no odëëdö!» 'Ba Paylat aköö jïge, «?Aŋø, nyenynyu daa gurö bäät jaadha no odëëdö?» Ni løgi ya kwääc laammi, ni «Waani jïwa bäŋ nyeya mør, 'ba beeye Cidhar keere na nyeya marwa.»

Pïëmme 10:4

'Ba Jayer jïre da wääte ma pïëradäk, ni ge wø cäädhi ka bäät arëëni ma pïëradäk; 'ba geni jïge da päänye ma pïëradäk yi ŋööm Gelät, ni päänye moøgø cøøri ni Mïëc Jayer këël dïcäŋi en.