Dhekaraya 9:6 - Wëël Jwøk

⁶ Wuuö Jwøk aköö, ni «Wëëlle ŋööm Acdöt omacge, ni ööa ni raanynya atöör mar jø Pilitin.

Dhekaraya 9:6 Iomraidhean Croise

Luup Dïpööy 6:2

Jwøk løny ki man mooc dhaanhø ki jap kwär, ki gwel, ki dööŋ kar, nee dhaanhø bëëde ni bäŋ gïn cane røk jammi bëët mo wø manynye ki cwïnye; 'ba Jwøk ŋatøgø ba tïïe nee yie mïnne ki japøge, kiper beeye ŋat mo path noo yie mïnni ki japøge. Manøgø beeye gïn mo bäŋ tiere ni beeye rääm mo raac døc.

Aydheea 23:9

Beeye Wuuö Jwøk, eni na wïth jammi bëët, na ŋøl gïnögø bäät gø, ni lää wï gø, ni raany japa mïërö bëët na tööde kiperge, ni tïïc jic gø bëët moa no owøørø nee taak bäät piny.

Aydheea 28:1

Otïmö ni leth jï Cameria, päänya näk caala adun atöör mar jø Ipariem na näk jø meerø, päänya näk ajiem mïërö mare caala wï jaath mo oŋøøk ni manynya närö, na näk ogeer bäät thuur buut gool mana ŋöömme beer na näk mar jøøa no oŋääö ki maath.

Jeremaya 47:1

'Ba man beeye dwør Wuuö Jwøk mana ö bäät nyikuŋ Jwøk ma Jeremaya kiper jø Pilitin, kanya poot Geedha ni kär nyak Peerø.

Daniel 4:37

Kawaane a na Nabukedenecör, a pwøya nyeya mar maal, ni tïŋa nyeŋŋe maal, ni jiema eni, kiper tïïe moe bëët beege adïëri, ni jïëth tïïe moe tiir, ni eni løny jïre ki man dwøk jiy piny mo wø bëëdö ni cwïnyge da atöör.

Amøc 1:8

Ni raanynya jøøa bëëdö yi Acdöt, ki ŋata en teek paaci cere na en Ackelön. Ni løøa cera røk jø Akarön, ni ö moa näk odööŋ røk jø Pilitin ni thumge.» Gïnögø caana Wuuö Jwøki.

Jepaniya 2:10

Manøgø otïmö na gïno cool dëëtge na kar atöör marge, kiper gena jädö ni buuge jic Wuuö Jwøk, eni na wïth jammi bëët.

Jepaniya 2:4

Geedha odööŋ ni bäŋ jiy yie, ni ö Ackelön ni dööŋe no oränynyö. Jø Acdöt geno laar käl ki dhöör cäŋ, ni ö jø Akarön ni rïëm geni wøk ki yi pääny marge.

Dhekaraya 9:5

'Ba eno joot pääny Ackelön, ni put pääny Ackëlön lwäyö; ni jooti ya pääny Geedha, ni ö pääny Geedha ni put dëëre nikem. 'Ba eno joot pääny Akarön thuwø, ni put ŋäädhe mar pääny Akarön ränynyö. Geedha nyeya mare otïmö ni bäŋgø, ni ö pääny Ackëlön ni tïme ni bäŋ jiy yie.

Dhekaraya 9:7

Aani rïŋ moge mo wø camge ni rege jääbö ki rem käla wøk dhøkge; ni ö caammi moge mo wø camge na näk ba waany ni gwëëna ge wøk tiet lak moge. 'Ba jiy moo dööŋ ni kwøw rege, otïmö na jiy 'moa, a na Wuuö Jwøk, ni putge tïmö na bwöthe yi Juuda; ni ö jø Akarön ni tïmge kaamar jø Jeebuc.

1 Piter 5:5

'Ba u ni therø thuwø, leŋŋu luup jaak acooŋ Jwøk. Bëëdu nou mwöl ki røgu keeru karubëët, kiper Jwøk män ka jø atöör, 'ba met ec wø wëëge jøøa mwöl.