Dhekaraya 9:17 - Wëël Jwøk

¹⁷ A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

Dhekaraya 9:17 Iomraidhean Croise

Bwøth Wøk 15:11

«Wui Wuuö Jwøk, ?aŋa ni pääri ki ïïni dï juu bëët? ?Aŋa ni pääri ki ïïni na dwøŋ, ni bëëtö mare ena kur keere? ?Aŋø, paa ï na Jwøk keerï na doo lwäärö kiper ajiem marï ki gïï wø rëëm ec ni wø tïïyï?

Obeec Dudi 5:10

Omëër mara kïte mïërö døc ni dëëre pulli, ni eni di ŋiiø ki yïthakic cwøw ma kume apaar.

Obeec Dudi 7:9

ni tïm nuum dhøk marï kaamar køøŋ nyïïomøki mo nyään. Beerra man ö køøŋ nyïïomøki manøgø ni put aay ni coonya baŋ omëëya, ni møle ki bäät buny dhee ki lage.

Aydheea 33:17

'Ba uuni nyeya oneennu ki nyeŋŋu ka ajiem mare, ni jootu paana näk ree ee jwaa ni bäär.

Aydheea 63:15

Wui, Wuuö Jwøk, lwïthï piny ni räŋŋï niï ena maal kar bëëtö marï na en kur keere na näk mar ajiem. ?Age këëyö marï ki teek marï? Mëër marï ni wø ba jøøl ki bäth ec marï akanï ki waani.

Aydheea 63:7

Aani, mëër man wø ba jøøl mar Wuuö Jwøk caana caanø, ni caana tïïe moe mo nyeŋŋe doo pwøø kiperge ki køør gïïa tïïe bëët kiperø, ki japa beyø na thööth na tïïe kiper dhi øt Icriel ki køør bäth ec mare ki mëër mare na dwøŋ ni wø ba jøøl.

Jeremaya 31:12

Ni öge ni kwöŋge ki met ec bäät Kïn Dhayan, ni mïn yïthge ki gïïo beyø noo cïp Wuuö Jwøki jïge, ni beege beel, ki køøŋ nyïïomøki, ki maaw, ki nyïïdïëk ki nyïïrøøe. Ni ö bëëtö marge ni lødhe ni caala ajïniina mo di jøøyø ki pïï, ni bëëtge ni bäŋ öölö bäätge këët na bäre bäre.

Jeremaya 31:14

Aani, dïlämme caama caamø døc ki cam mo päl, ni ö jiya ni jäŋge ki gïïo beyø noo cïba jïge.» Luummögø caana Wuuö Jwøki.

Jool 2:26

Køøre, uuni, u cämö ki cam mo päl, ni jäŋŋu, ni pwøyu nyeŋŋa, a na Wuuö Jwøk, Jwøk maru, a noo tïïc gïn mo rëëma ec jïïu. Køøre u na jiya, wïthu ba lääy këët na bäre bäre.

Jool 3:18

«'Ba kanyo tïme na dïcäŋece, kïte tïmö ni lwanynyi ki køøŋ nyïïomøki mo ŋweeth, ni tïm thuuri ni caak kwönna wøk ki bäätge, ni tïm nyeŋ nämmi moa en Juuda ni kwödö ki pïï. Ni tïm pï jøøro ni kwönna wøk ki yi Øt Wuuö Jwøk, ni jwøc goor Cëthim.

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 3:16

«Kiper Jwøk mëër ki jø piny døc, ni beeye na cïp Wääde ma aciel, kiper nee ŋato wäro jïëy ki eni ni ŋääth gø nee kwøe ki kwøw mana näk adïëri mo bäŋ cuŋŋe, nee ba ränynye.

Wëëlö Mana Göör Pøølli Baŋ Jø Röm 5:20

'Ba ciik Jwøk aci yie thuwø kiper nee rääc luumma dhal nyoodhe ni päl. 'Ba kanya ö raayi na pälle, met ec opällö ni kadha eni,

Wëëlö Mana Göör Pøølli Baŋ Jø Röm 5:8

'Ba Jwøk mëëye ee nyoodhø jïïø, kiper kanya poodø ni øøna jø raay beeye kanya thøw Krictø kiperø.