Dhekaraya 9:15 - Wëël Jwøk

¹⁵ Wuuö Jwøk, eni na wïth jammi bëët, jiye ocwaae, ni ö jiye ni dïïrge wïth nyïïmän moge, ni put tïmö ni ge nyøra kïte moa thööc geni ki ge ri leny. Geno twäädö bäät nyïïmän moge kede geno meer ki køøŋø. Dëëtge opäŋ ki rem jiy moa 'näkge, ni tïmge kaamar athaanh olämme mo päŋ ki remø man wø ker teegi mo gïn wø cïp olämme bääte.

Dhekaraya 9:15 Iomraidhean Croise

Jööp 41:28

Eni ba reŋi ka atheerø, ni kïdi man wø thööri ki gø nëëni keda lethø ki jïre.

Bwøth Wøk 27:2

Wärï tïïï ki gïï mo caala tuŋi mo ena maal wïth deŋŋe moa näk aŋween; ni tuŋi moøgø ogääbö na aciel ki dëëre, ni lëënynyï dëëre bäre ki nywïënyö ma jwïël.

Obeec Dudi 1:4

Nyïï aani buutï, nøø putø aay ennø na aciel! Beerra man ö nyeya mara ni kïth aani yi øtø mare. Wa kanynyø kiperï ni yïthwa omïnnö; mëër marï pwøcwa pwøø ni kaala køøŋ nyïïomøki. Wui, mëër mar nyïïakuue ki ïïni kee kare møn!

Obeec Dudi 5:1

Wui! coka, ni bee ï dhaagø-thiinh mara, aana ö ya ajïniina mara, dwøk 'moa acooŋa, ki jenni 'moa mo wø ŋwääi ni met; aani, ogat kïc ki maar kïc mara acama, ni maadha køøŋ nyïïomøki ki caak 'moa. Wui! nyïïawäätwa, cämu ni mädhu. Wui! omëërri, mädhu ni rømmu.

Obeec Dudi 7:9

ni tïm nuum dhøk marï kaamar køøŋ nyïïomøki mo nyään. Beerra man ö køøŋ nyïïomøki manøgø ni put aay ni coonya baŋ omëëya, ni møle ki bäät buny dhee ki lage.

Aydheea 37:35

'Ba aani, a na Wuuö Jwøk, pääny man gwøa gwøø ni piema gø kiper nyeŋŋa ki nyeŋ dhaanhnha ma Deebit.»

Aydheea 55:1

Wuuö Jwøk aköö, «Wui, u na no onäk riewi bëët, ööu kuna mäthu ki pïï! Wui, u na jïïu bäŋ gwel bëët, ööu ni lwötu ki caammi ni cämu! Ööu ni källu kwøk nyïïomøki ki caak ni bäŋ gwel mo pëënynyi ki uuni, wala gätge.

Ciik Kiper Dïlämme 4:18

Ni ö eni thuwø, eni na dïlämi, ni naaŋ remø mør dëët tuk gïna näk caala tharabëëta man wø waaŋ gïn wø jïye ŋwääi ni met bääte na en nyïm Wuuö Jwøk yo oduŋkaany røømmø; ni ö rem rwaathi manøgø mano dööŋ ni køny gø tier gïn wø cïp olämme bääte mo wø waaŋ bäre na en dho oduŋkaany røømmø.

Ciik Kiper Dïlämme 4:25

Køøre dïlämi wär lwöte ri rem olämi manøgø na mar wëën raay enø, ni lwøre ka lweete ni naaŋ gø dëët tuk gïn wø cïp olämme bääte mo wø waaŋ bäre. Ni ö rem olämi manøgø mano dööŋ ni køny gø tier gïr olämme manøgø.

Ciik Kiper Dïlämme 4:7

Ni ö dïlämi thuwø ni naaŋ remø mør dëët tuk gïn wø waaŋ gïn wø jïye ŋwääi ni met bääte na en nyïm Wuuö Jwøk yo oduŋkaany røømmø; ni ö rem rwaathi manøgø mano dööŋ ni køny gø tier gïn wø cïp olämme bääte mo wø waaŋ bäre na en dho oduŋkaany røømmø.

Mikiya 5:8

Nyïïkwaac Jeekap moo dööŋ, geno bëëdö yïthakic wïth juurre, ni beeye wïth juurre mo thööth, ni ge caala ŋuu mo ena dï lääc paap, ni bëëtge kaamar nyi ŋuu mo ö dï pïïth dïëk, ni päär bäätge ni jeec ge, ni bäŋ ŋat mo maar lønyø jïre ki man køny geni.

Dhekaraya 10:5

'Ba geni bëët, geno tïmö kaamar jø leny mo teek mo wø nyør nyïïmän moge ri leny yïth odhöönhe mo nyeŋ jïëthe. 'Ba kiper mana näk mo Wuuö Jwøk bëëdö ka geni, geno këëdi ni böötge jø wø këëdi ki bäät okwëënyi.

Dhekaraya 10:7

Jø tuuŋ Ipariem geno bëëdö kaamar jø leny mo teek, ni bëëtge ni cwïnyge omïnnö kaamar jiy mo omädhö ki køøŋø. Obwöre moge køny manøgø ojootge ni kanyge; ni ö cwïnyge ni mïnne ki aani, a na Wuuö Jwøk.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 12:8

'Ba dïcäŋöca, Wuuö Jwøk jø Jerucalem ogwøe, ni ö jøøa jägö dïge ni tïmge ni teek dïcäŋöca kaamar Deebit, ni ö jø dhi øt Deebit ni bwøthge jiy kaamar Jwøk, ni ge caala nyïïatwiel maal mar Wuuö Jwøk mo bwödhö nyïmge.

Dhekaraya 14:20

'Ba dïcäŋöca luubö man ogöör bäät athaliiŋŋi mo wø en ŋut okwëënyi ni «Gïn ena kur keere na mar Wuuö Jwøk.» 'Ba dääe thuwø mo Øt Wuuö Jwøk otïmö ni ena kur keerge kaamar athääe mo wø en nyïm gïn wø cïp olämme bääte.

Dhekaraya 14:3

'Ba Wuuö Jwøk eno døny wøk kuna këëde ki wïth juurre moøgø kaawat man wø këëde dïcäŋ leny.

Dhekaraya 2:9

Ka adïëri møn, cera puta ka tïŋ maal bäätge ni jääla ge, ni ö jøøa näk ege caarø ni twierge ge. Køøre nø, putge ka ŋäc ni bee Wuuö Jwøk, eni na wïth jammi bëët, na jääŋ aani.

Dhekaraya 9:17

A teeŋ kïdö mo nyïëdi ki mïërö mano tägi dëëtge! Beel mo ŋöömmögø obwöc cwøw owëëk piith ni dëëtge teek, ni ö kwøk nyïïomøki moe moa nyärö ni wëëk obwöc mään piith ni dëëtge teek.

1 Körin 1:18

Kiper luum jaadha no odëëdö bëëdö na luum bøøl ki jï jø wø ränynyi, 'ba ki jïïø, ø wø piem, beeye teek Jwøk.

Epeca 5:18

Käru meeyø ki kwøŋ, kiper beeye wø käl bëëtö mo raac, 'ba cwïnynyu päŋge ki Jwïëc Jwøk,

1 Camiel 17:45

Køøre Deebit aköö jï nyï Pilitin manøgø, ni «Ïïni, ï ö baŋa niï käära opëëllö, ki tøŋ mo dwøŋ, ki tøŋ mo thiinh; 'ba aani, a ööa baŋï ki nyeŋ Wuuö Jwøk, eni na wïth jammi bëët, Jwø jø leny mo jø Icriel, na ŋwöï bäätge ii.