Dhekaraya 9:12 - Wëël Jwøk

¹² Wui, u na jø twöc mo cwïnyge da ŋäädhe en, døøu kar gwøk røk mana teek; kiper a caana gø jïïu dïcäŋi ni jammi moa jwørru coola coolø jïïu ki gwïëth mo opöödhö.

Dhekaraya 9:12 Iomraidhean Croise

Jööp 42:10

'Ba køør kanya läm Jööpi kiper nyïïawääte, bëëtö mare adwøk Wuuö Jwøki kare, ni mooc gø ki jammi mo opöödhö ni kaala moa nut jïre dïkwøŋ.

Aydheea 24:22

Geno cooŋ kanya ciel, kaamar jø tööc mo otwöö yi buur. Geno twöc, ni cïëk geni øt twöc ki kany mo yie bäär; køøre ge di jäälö ka ajäla mana dwøŋ.

Aydheea 38:18

Kiper jwïëc jiy moa en kar bëët jwïëc jøøa no othøw ï ba jiemge, ni jøøa no othøw ï ba pwøcge. Jiy mo wø ci yi buur piny, adïëri marï ba ŋääthge.

Aydheea 40:2

Cäännu jø Jerucalem ni mëër you nyoodhø jïge; caannu jïge ni rwaayu rwaaø ki man näk mo bëët laŋ na teek na en bäätge othum, ni kwör raay moge onø cool, kiper a na Wuuö Jwøk gena nø jääla ka ajäla mo orømø ki raay moge bëët.»

Aydheea 49:9

ni kööï jï jiy moa no omaaø ki tøŋ, ni ‹Dunynyu wøk,› ni kööï jï jiy moa en yi muudhö, ni ‹Nyoothu rou.› Geno bëëdö kaamar dïëk mo cämö ni yïthge met jaak thäk nyeŋ jïëthe, mo cam marge jootge bäät thuuri moa leer.

Aydheea 52:2

Wui ï na Jerucalem, ï na näk omaa ki tøŋ, teeŋ tør wøk dëërï nø, ni ööï maal! Wui ï na Dhayan na caal nyakøø, ï na näk omaa ki tøŋ, pät oguudi wøk nø moa no otwöö cwaagï.

Aydheea 61:7

Geno jïti ki kurge mo opöödhö ri jap kwärö na kar lään wïc marge, ni jïtge ki met ec bäät japøge na kar pänh cwïny marge; ge jïtö ki kurge mo opöödhö ri jap kwärö yi ŋöömö marge, ni ö met eci marge ni bëëde na bäre bäre.

Jeremaya 14:8

Wui, ï ni wø ŋääth jø Icrielli, ï ni wø piem waani cäŋ gïïa leth, ?aperŋø ni bëëdï kaamar wëëllö yi ŋöömmi en? ?Na aperŋø ni bëëdï kaamar ŋat mo tiere ena jöö mo gää baŋ niine keere en?

Jeremaya 16:19

Wui Wuuö Jwøk, ï na teek mara, ï na kar gwøk røk jïra, na kar kan røk kany wø pïïc gïï mo lethi bääta, wïth juurre öa baŋï ki kwör mo bäyö, ni köge, ni «Kwäcwa bäŋ Jwøk jïge, 'ba beege juu mo oballe jaak mo bäŋ gïn duuge.»

Jeremaya 17:13

Wui Wuuö Jwøk, ï ni wø ŋääth jø Icrielli, jiy bëët mo wø wec ïïni wïthge olääy. Ni jiy mo wø gaa wøk ki øtjöörï nyeŋge ogöör piny yi tør, kiper na wecge ï na Wuuö Jwøk, ï na näk jøøro mar pï kwøw.

Jeremaya 31:17

Ni ö ŋäädhe maru ni thur kare yi nyïme, kiper jø pou oduu yi ŋöömö mana näk thööŋge.

Jeremaya 31:6

Kiper da nïne mo öö, mo jø wø kurö bäät kït Ipariem, ge cwötö ni köge, ni ‹Ööø maal, ni cøø maal Dhayan baŋ Wuuö Jwøk, Jwøk marø.› »

Jeremaya 50:28

Dwøl owïnyi, ni beeye dööt jiy moo rïŋŋi noo päny wøk ki Babiløn, ni caange cuut kwör mar Wuuö Jwøk, Jwøk marø, yi Dhayan, ni beeye cuut kwör mar øtø mare.

Jeremaya 51:10

« ‹Anyooth Wuuö Jwøki ni bäŋ ajäla bäätø; ööu, waa døø pøø ma Dhayan ni caanø gïna tïïc Wuuö Jwøki, Jwøk marø.›

Edhikiel 37:11

Køøre Wuuö Jwøk acäŋ köö jïra, «Wär dhaanhø, cuu moøgø a päära ge ki jø dhi øt Icriel bëët. Raŋï, gena köö, ni ‹Wa caala cuu mo otal, ni ŋäädhe marwa oränynyö, ni dïïr wïthwa bëët.›

Odheea 2:15

Kanyøgønø pwöth omøki moe odwøga jïre kaace, ni tïïa goor Akör na dhi øtø mar ŋäädhe. Eno wär ki duut ni caala mana bëëde ni ena nyakøø, ki kanya ö eni na ö wøk ki yi ŋööm Ijep.

Jool 3:16

Wuuö Jwøk määr ki yi Dhayan, ni dwøre wïnyi ka yi Jerucalem, ni ö maalli ki piny ni tïmge ni jäŋŋi. 'Ba Wuuö Jwøk bëëdö na kar kan røk jï jiye, ni eni caala kiir mo ogeerø ni teek jï jø Icriel.

Mikiya 4:8

Wui Dhayan, ï na thuur man wø ö Jwøki ni wø neet jiye ki yie, na caal pïïth dïëk, ï na thuur mar jø Dhayan, bëët käär jiy mana dïkwøŋ cäŋ ka duu kare jïrï, ni beeye käädö mar nyec noo dwøk kare yi pääny Jerucalem.

Neeyam 1:7

Wuuö Jwøk beer, ni ena teek mar jiye cäŋ gïï mo leth. Jiy mo wø kan rege buute di gwøø.

Ibaru 6:18

Kiper nee øøni na reŋ kar køny nee cwïnynyø cømø døc ki man maaø ŋäädhe mar yi nyïm mana møør nyïmmø, ki køør gïïögø na ariiø yøø na näk ba maar daaø, gïïa näk ba løny jï Jwøk ki man caan luup mo patha adïëri rege.

Ibaru 6:19

Ni ŋääthögøøni ena jïïø en ni caala alïŋ mar jääy, mo bëëdö kare na gïn ma adïëri kiper kwøw marø, ni beeye ŋäädhe mar yi nyïm man wø pööth yi øtø kuya ya abïïna näk ogëëŋö,