Dhekaraya 9:10 - Wëël Jwøk

¹⁰ Jïëth leny mo wø tut okwëënyi mo Ipariem, ko okwëënyi mo leny mo wø en Jerucalem, otïïa ni bäŋ tïïc ceŋge, ni tøya tøøk leny bëët. Nyeya manøgø öö kuna køp mëër jï jiy bëët, ni käär piny ni tägi ka jï løø kur tuul-cäŋ, këël mano këët jï løø kur pänh-cäŋ, ni cäŋ tägö ki Naam Upareeti këël cuŋ piny.

Dhekaraya 9:10 Iomraidhean Croise

1 Nyeye 4:21

'Ba Cølöman abëëdö na nyeya, ni wïth juurre bëët ena cere ki mana täge ki Naam Upareeti, këël mana këët yi ŋööm jø Pilitin, ni pïïe waŋ keew ki jø Ijep. Ni ö wïth juurre moøgø ni cïpge ka ajwäk jï Cølöman ni tïnyge eni ki yïth nïr kwøw moe bëët.

Aydheea 11:10

Dïcäŋeca lwinh Jeci ocuŋŋi na ŋïï kiper wïth juurre; ni ö wïth juurre ni kuutge ree, ni ö kar bëëtö mare ni pääŋe ka ajiem.

Aydheea 2:4

'Ba eni luup ŋøle ŋølø yïthakic wïth juurre, ni ö wïth juurre mo thööth ni dwøk ge kanya ciel. Ni ö geni ni thääthge opëëlle moge na jap puur, ni thääthge tøøŋi moge na jap goor wïth jenni ki ge, ni bäŋe wï jur mo kwany tøŋ ki wï jur mør, ni ge ba pwönynyi këët ki leny.

Aydheea 49:6

Ena köö, ni «Bee gïn mo thiinh jaak kipera ki man tïïa ïïni na dhaanhnha, nee wïth tuŋi mo Jeekap tïŋï maal, ni duuï jø Icriel moa no odööŋ ni kwøw. Aani thuwø ï tïïa tïïö ni ïïna tar mar wïth juurre, nee pïëm mara man wø piema jiy ki gø nee pïïe teegi mo piny bäre.»

Aydheea 60:12

'Ba wï jur ki buc nyec mano ba tïny ïïni, ge ränynyö; wïth juurre moo ba tïny ïïni wïthge dïdö na bäre.

Odheea 1:7

'Ba aani, yia obäädha ki dhi øt Juuda, ni piema geni ki køør teek mara, a na Wuuö Jwøk, Jwøk marge, ni pïëm mara mano piema ge ki gø paa ka atheerø, wala ko opëëllö, wala leny, wala ko okwëënyi, wala ki jø wø këëdi ki bäät okwëënyi.»

Odheea 2:18

Dïcäŋöca a tudö ki luubö ki lääc paap, ki weny mo maal, ki gïï wø muuli ki yïth ŋøøm. Aani, atheerø, ko opëëllö, ki leny, raanynya raanynyø yi ŋöömö, ni wëëga jiya niine jaak ni bäŋ gïn lääŋge.

Odheea 2:20

Aani, ï miia miiø jïra ki ra adïëri, ni ö ïïni ni tïmï ni Wuuö Jwøk ŋäyï.

Mikiya 4:8

Wui Dhayan, ï na thuur man wø ö Jwøki ni wø neet jiye ki yie, na caal pïïth dïëk, ï na thuur mar jø Dhayan, bëët käär jiy mana dïkwøŋ cäŋ ka duu kare jïrï, ni beeye käädö mar nyec noo dwøk kare yi pääny Jerucalem.

Mikiya 5:4

'Ba eno ö maal ni kwaac jiye kaamar pïïth dïëk, ni kwaaye ki nyeŋ Wuuö Jwøk na dwøŋ, Jwøk mare, ki teek mo käla baŋ Wuuö Jwøk. Ni ö geni ni bëëtge ni geno nikwak, kiper ki mano täge kar kaace nø, eni bëëdö ni dwøŋŋa eni, këël cuŋ piny bäre,

Mikiya 5:9

U na jø Icriel, nyïïmän mou oböötu, ni dïïrru wïthge bëët.

Agëë 2:22

Ni ö wäle mo buc nyeye mo wïth juurre ni jaalla ge, ni raanynya teek marge. Ni raanynya jïëth okwëënyi mo leny, ki jø wø kiiw geni. Ni ö okwëëc leny ki jø wø kiiw ge ni päänhge. Ni ö ŋati man nø ni nägi yo opëëllö mar wati.›

Moa Tïïc Nyïïatwieli 10:36

'Ba luumma jääŋ Jwøki baŋ jø Icriel ŋäyu, ni køpa luumma nyään na met mar bëët-mëër ki køør Jecu Krictø, ŋata näk Kwääc jiy bëët,

2 Körin 5:18

Ni moi bëët käla baŋ Jwøk, ŋata cäŋwa dwøk kanya ciel ki eni ki køør Krictø, ni wëëk wa tïïc man cäŋ jiy dwøk kanya ciel ki Jwøk.

2 Körin 5:20

Kiper manøgønø, waana kar dhøk mo Krictø, ni Jwøk jiy wø köömme ka køørwa. Wa kwaaya uuni ki køør Krictø ki man døøu kanya ciel ki Jwøk.

Tiet Ciik 11:24

ni kany mo you gudö ki tietu jaak, tïmö na ŋöömö maru. Ni tïm päl ŋöömmu ni tägi ka dï paap mana en jï løø tier-piny, këël mano këët Libaanø na en jï løø wï-piny; ni cäŋ tägö ki Naam Upareeti na en jï løø kur tuul-cäŋ, këël mano këët naama dwøŋ na en jï løø kur pänh-cäŋ.

Mana Nyooth 11:15

Ni ö bïriet nyïïatwiet maalli ni kooth tuuŋ mare. Ni jït maalli ki dööti mo døøŋŋø, mo cäänö, ni «Buc piny atïmö na buc Kwääyø ma Jwøk, eni ki Krictø na røønye. 'Ba eno bëënni këël na bäre bäre.»