Dhekaraya 8:8 - Wëël Jwøk

⁸ ni duua geni nee bëëtge yi Jerucalem, ni tïmge na jiya ni tïma ni aana Jwøk marge ki ra adïëri ki bëëtö mo thïïŋ.»

Dhekaraya 8:8 Iomraidhean Croise

Wïlöölö 17:8

'Ba ŋöömmi ni bëëdï yie ni ïïna wëëllö en, na näk ŋööm Keenan bäre, ocïba jïrï ki nyïïkwaayï mo ööi køørï, nee bëëde na marge na bäre bäre; ni bëëda ni aana Jwøk marge.»

Jeremaya 11:4

na köömma kwäyu ki gø kanya käla geni wøk ki Ijep, na caal këën thäth mo liel.› Ni kööe jïge, ni ‹Cegu ïthu ki dwøra, ni kïthu ciik moa cïba jïïu bëët bäät tïïc; 'ba uuno bëëdö ni uuna jiya, ni bëëda ni aana Jwøk maru;

Jeremaya 23:8

'ba geno kööŋ, ni ‹Ŋëët Wuuö Jwøk, Jwøa kwøw, na käl jø Icriel wøk ki paana en jï løø wï-piny, ni duu geni ki mïëri bëët moa riem geni yïthge.› Køøre geno bëëdö yi ŋöömö marge.»

Jeremaya 24:7

Aani, ge mooa mooø ki cwïny mo løny ki man ŋäcge aani ni beeye aani na Wuuö Jwøk; ni bëëtge ni gena jiya, ni bëëda ni aana Jwøge, kiper ge duua baŋa ki cwïnyge bäre.

Jeremaya 30:22

Uuni, u bëëdö ni uuna jiya, ni bëëda ni aana Jwøk maru.› »

Jeremaya 31:1

Wuuö Jwøk aköö, ni «Yi kar kaace aano bëëdö ni aana Jwøk mar wïth tuŋi bëët mo jø Icriel, ni bëëtge ni gena jiya.»

Jeremaya 31:33

'Ba luubö mano tuuda ki jø Icriel yïth nïröke beeye en: Aani, ciik 'moa okïtha wïthge, ni gööra geni yïth cwïnyge. Ni bëëda ni aana Jwøk marge, ni bëëtge ni gena jiya.

Jeremaya 32:41

Aani, a bëëdö ni yia met ki geni naa tïïya gïn mo beer jïge, ni këëlla tietge piny døøc yi ŋöömmi en, ni tïïa ki cwïnya bäre ki jwïëya bäre.

Jeremaya 4:2

ni kööŋŋu ki kööŋ ma adïëri ma kare mo thïïŋ, nou kööŋŋa ŋëëta, a na Wuuö Jwøk, Jwøa kwøw, wïth juurre rege ogwïëthge ki nyeŋŋa, ni putge jïëmö ki nyeŋŋa.»

Edhikiel 11:20

Køøre nø, geno cäädhi køør ciik 'moa ni gwøkge luup 'moa, ni kïthge gø bäät tïïc. Geno bëëdö na jiy 'moa, ni bëëda ni aana Jwøk marge.

Edhikiel 36:28

Uuni, u bëëdö yi ŋöömö mana cïba jï kwäyu; ni bëëdu ni uuna jiy 'moa, ni bëëda ni aana Jwøk maru.

Edhikiel 36:33

«'Ba man beeye luumma cäŋ Kwäärö Wuuö Jwøki caannø, ena köö, ni ‹Dïcäŋo penya uuni yïth raay mou bëët, u cäŋa ka wëëk bëëtö yïth päänye mou, ni ö kwöra no oränynyö ni cäŋi geerrø.

Edhikiel 37:25

Geno bëëdö yi ŋöömö mana cïba jï dhaanhnha ma Jeekap, ni beeye ŋöömma bëët kwäyu yie. Geni ko obwöre moge ki nyïïkwaacge geno bëëdö yi ŋöömö manøgø na bäre bäre, ni ö dhaanhnha ma Deebit ni put bëëte na bwödhi marge na bäre bäre.

Edhikiel 37:27

Kar bëëtö mara otïmö ni ena dïge; ni bëëda ni aana Jwøk marge, ni bëëtge ni gena jiy 'moa.

Odheea 11:11

Geno ööi ki Ijep kaamar weny, ni öge ki ya Aciria kaamar akuyi; ni ge ööi ni dëëtge kwanynyi. Køøre geno wëëga pïïn piny yïth mïëri moge. Luummögø caana aani, a na Wuuö Jwøk.

Jool 3:20

'Ba Juuda tïmö ni beeye noo beet na bäre bäre, ni tïm Jerucalemmi na mar beenhnhe bëët mo oööi.

Ciik Kiper Dïlämme 26:12

Aani thuwø, aano cäädhi dïïu, ni bëëda ni aana Jwøk maru, ni bëëdu ni uuna jiya.

Dhekaraya 10:10

Aani, ge duua duuö ki yi ŋööm Ijep, ni gwäära geni ki ya Aciria. Ni ööa ni dääa ge yi ŋööm Gelät ki Libaanø, ni tïme ni bäŋ kany mo di joodø mo ge røma yie.

Dhekaraya 10:6

«Aani jø dhi øt Juuda wëëga tëënnö, ni piema jø dhi øt Jocep. Aani bëëtö marge dwøga kare, kiper bäth ec mara yaa nyoodhø bäätge. Geno bëëdö kaamar jiy mo kede ge kära kwøŋ kwier, kiper aana Wuuö Jwøk, Jwøk marge. Aani lam man wø lämge ki gø løøa løø jïge.

Dhekaraya 13:9

'Ba jiy moø noo dööŋ ki ra adäk yøø, geno kïtha yïth gïï mo leth mo caala maac, nee tïmge ni waany, kaamar man wø leeny warkey ki gwel-bïrö ki maac, ni twønna gø. Kanyøgø nyeŋŋa ocwølge, ni løøa luubö marge; aano kööi, ni ‹Beege jiy 'moa,› 'ba geno kööi, ni ‹Wuuö Jwøk beeye Jwøk marwa.› »

Dhekaraya 2:11

'Ba noo tïme na dïcäŋeca, wïth juurre mo thööth geno ö baŋ Wuuö Jwøk, ni tïmge na jiy 'moa thuwø. Ni bëëda dïïu ni putu gø ŋäc ni bee Wuuö Jwøk, eni na wïth jammi bëët, na jääŋ aani baŋu.

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,

Mana Nyooth 21:7

'Ba ŋato böödö, olaaw manøgø oci jïre, ni tïma ni aana Jwøk mare, ni tïme na wääda.