Dhekaraya 8:3 - Wëël Jwøk

³ Wuuö Jwøk aköö, ni «Aani, a duua yi Dhayan ni beeye Jerucalem, naa bëëda yie. Kanyøgønø Jerucalem ocwøl ni Pääny Mar Adïëri, ni cwøl kïdi mar Wuuö Jwøk, eni na wïth jammi bëët, ni Kïnna En Kur Keere.»

Dhekaraya 8:3 Iomraidhean Croise

Dut Pwøc 48:1

Bwøth Wøk 29:45

Kanyøgø nø, aano bëëdö dï jø Icriel, ni puta bëëtö ni aana Jwøk marge.

Aydheea 1:21

Raŋŋu, päänya beer atïmö kaamar kääbi, ni beeye päänya wara bëëdö ni tïïya ŋøl ma kare, na bëët jøøa beyø yie; 'ba ennø atïmö ni nuta dïnäge yie.

Aydheea 1:26

Køøre a tïŋŋa maal jïrï ki pïëmme kaawat mana dïkwøŋ, ni tïŋŋa maal jïrï ki jø wø cïpi ka acaare kaawat mana tïïa ya acääŋŋe. Kanyøgø nø, ï na Jerucalem, ï di cwølø ni Pääny Bëënynyö, ni Pääny mo Bëënna Adïëri.»

Aydheea 11:9

'Ba bäät kïdi bäre na en kur keere mar Wuuö Jwøk, tïmö ni bäŋ ŋat mo tïïö ki gïn mo raac yie wala mo räänyö; kiper piny opäŋ ki kwänynyö man ŋäc Wuuö Jwøk kaawat mano ö pïïyï othaar naama dwøŋ.

Aydheea 12:6

Wärru ki dudi ki met ec ni döötu you tïŋ maal, u na jø Dhayan, kiper Jwø Icriel na en kur keere na en yïthakiyu dwøŋŋa eni.

Aydheea 32:16

Køøre jöör ŋøl luup ma kare tïmö ni dagø yi ŋöömö manøgø, ni ö bëët adïëri ni tïme no ogääbö yi pwötha ŋöömme beer.

Aydheea 60:14

'Ba wäät jøøa dïïm ïïni geno ööi ni këëlge cøŋge piny nyïmï; jiy bëët moa taak ïïni, wïthge okuulge piny ni nuumge tietï ni ge wøøra ïïni, ni cwølge ïïni ni Pääny Wuuö Jwøk, ni bee ï Dhayan na näk mar Jwø Icriel na en kur keere.

Aydheea 65:25

Orudö ki nyi røømmø geno cämö na aciel, ni ö ŋuuwi ni cäme ki luum kaamar dhieŋ, ni tïm tørri na cam mar thwöl. Ni put tïmö ni bäŋ gïn mo raac wala mo räänyö bäät kïnna na en kur keere.» Luummögø caana Wuuö Jwøki.

Aydheea 66:20

Køøre jiy bëët moa bëëdö kaamar nyïïmëëgu ki køør ŋäädhe, okälge ki baŋ wïth juurre bëët, ni kälge ge jïra, a na Wuuö Jwøk, kaamar muuce mo beel. Geno ööi ki ge ni käärge ka bäät okwëënyi, ki yïth jïëth okwëënyi, ki yïth pëëmme, ki bäät gääŋŋe, ki bäät athïrööle, ni kïthge ge bäät kïdi mara na en kur keere na näk Jerucalem, ni caala man wø ö jø Icrielli wø kälge muuce moge mo beel ni käärge ka yïth jammi mo tøŋ ni ge kïtha ge yi Øt Wuuö Jwøk.

Aydheea 8:18

Raŋï, Wuuö Jwøk, eni na wïth jammi bëët ni wø bëëdö bäät Kïn Dhayan, aani ko obwöre moa cïbe jïra, wa ee cïbö na ŋïïce na nyuuthe kiper jø Icriel.

Jeremaya 14:9

?Aperŋø ni bëëdï kaamar dhaanhø mo wïïe ocuŋŋö en? ?Na aperŋø ni bëëdï kaamar oteen leny mo ba løny ki man kunynye en? 'Ba ŋäcwa, ni ï na Wuuö Jwøk, ï poot ena yïthakicwa, ni wa cwøla ri nyeŋŋï; kär wa weyï.

Jeremaya 26:18

ni «Mikiya nyï Mörëcëth dwør Jwøk akøbe yïth nïra beet Edhekaya ni ena nyeny Juuda; ena cäänö ki jø Juuda bëët ni kööe, ni ‹Luumma caan Wuuö Jwøki, eni na wïth jammi bëët beeye en: « ‹Dhayan na näk Jerucalem oränynyi, ni puuri na pwöth jaak, ni ö thuurri mana näk Øt Jwøk ogeer bääte ni tuue ka abuŋŋe.›

Jeremaya 31:23

Man beeye luumma caan Wuuö Jwøki, Jwø Icriel, eni na wïth jammi bëët, ena köö, ni «Kanyo dwøga bëëtö mar jiya kare, luummi en ocäŋge caannø yi ŋööm Juuda ki yïth päänye moe, ni köge, «ni ‹Ï na paac man wø joot adïëri yie, paana en bäät kïnna en kur keere, ïïno gwïëth Wuuö Jwøki.›

Jeremaya 33:16

'Ba ki yïth nïröke, jø Juuda di piemø, ni ö jø Jerucalemmi ni bëëtge ni geno nikwak. 'Ba man beeye nyeŋ mano cwøl Jerucalem ki gø: ni «Wuuö Jwøk beeye tier bëënynyö marø.» ›

Edhikiel 48:35

«'Ba kiir pääny manøgø noo rømi ki deŋŋe bäre ni di wïrö, tïmö na gööye ma kume apaar ka abära. «'Ba nyeŋ pääny manøgø ki mano täge ki dïcäŋöca, ocwøl ni WUUÖ JWØK ENA YIE.»

Daniel 9:16

Wui Kwäärö Wuuö Jwøk, ki køør tïïe moï bëët na näk mo bëënynyö, ennø beerra man paanyï wëër marï bäät pääny marï ma Jerucalem, ni wø en bäät kïnna en kur keere; kiper Jerucalem ki jiy moï atïmö na gïr ajøøŋ jï jiy bëët moa en deŋwa ki køør gïïa bacwa ki raay mo kwäcwa.

Jool 3:17

«Køøre nø oŋäyu møn ni beeye aani na Wuuö Jwøk, Jwøk maru, naa bëëdö Dhayan bäät kïnna na en kur keere. Jerucalem tïmö ni ena kur keere, ni bäŋ dhaanhø mo path mo ŋøla dïëre këët.

Jool 3:21

Aani kwör ajäl remø marge mana näk kära kwøŋ cool, coola coolø. Kiper beeye aani na Wuuö Jwøk ni wø bëëdö Dhayan.»

Mikiya 4:1

'Ba kanyo tïme na aŋuun nïne, kïdi mana en Øt Wuuö Jwøki bääte okëël piny ni teek, ni tïme na wïth kïte. Eno tïŋ maal ni kaala thuuri, ni ö wïth juurre ni rwäthge bääte.

Jepaniya 3:13

'Ba jø Icriel moo dööŋ ni kwøw ge ba bääö këët, ni ge ba cäänö ki tööt këët, ni bäŋ luup cwøk mo wïnynyi dhøkge këët. 'Ba geno cämö ni butge jaak, ni bäŋ ŋat wëëk geni lwär.»

Dhekaraya 1:16

Kiper manøgønø, luumma caan Wuuö Jwøki bee en, ena köö, ni ‹Aani a duua Jerucalem ni bäth ec mara yaa nyoodhø jïre; ni ö øtø mara ni cäŋi geerrø yie, ni ö Jerucalemmi ni cäŋi geerrø bäre.› » Luummögø caana Wuuö Jwøki, eni na wïth jammi bëët.

Dhekaraya 12:6

«'Ba dïcäŋöca, aani, dïbwöthe mo Juuda ge tïïa tïïö kaamar abat mo yie da maac mo ocïp tiet moonni, ni ge caala ameeth mo liel yïthakic kude mo abäy; ni thöörge wïth juurre bëët moa en deŋge, moo en bäät cwïïc ki moo en bäät caam. 'Ba jø Jerucalem ge cäŋa bëëtö karge yi Jerucalem.»

Dhekaraya 14:10

'Ba ŋööm paac bäre, ki mano täge Gëba këël Rimön na en jï løø tier-piny ki Jerucalem, otïmö ni ree päärö kaamar ŋööm Araba. 'Ba Jerucalem otïmö ni raŋa maal ni bëëdö kare, ki mano täge ki dhi kiir Benjamen këël buut dhi kiir mana dïkwøŋ na en jï løø dhi kiir mana en gøøt kiir, ki mano cäŋ tägö ki Øt Koor Mar Ananel këël kany wø nywøp køøŋ nyeya yie.

Dhekaraya 8:16

'Ba jammi moi tïme ni beege moo tïïyu: ŋati man nø dëëtu wär tïme ni cäänö ka adïëri jï watge maya; ni ŋøøllu luup na adïëri, nee paac maru jïte ki bëët-mëër.

Dhekaraya 8:19

ni «A na Wuuö Jwøk na en wïth jammi bëët, dwøra mana caana bee en: ‹Wödö mar kwier cam man wø tïïyu ki dwää aŋween, ki dwää abïïc, ki dwää abïriiø, ki man wø tïïyu ki dwää apaar, tïmö na mar met ec ki kanynyø, na kany wøør ajwöm-cam yie kiper dhi øt Juuda. Kiper manøgønø, mëërru ka adïëri ni mëërru ki bëët-mëër.› »

Jøøn 1:14

Ni ö Dwørøgøøni ni tïme na dhaanhø ni bëëde dïïø, ni mëër ka adïëri okääthö jïre. Ni waani ajiem mare ewa neenø, ajiema en jï Wäädö na näk aciel jï Wuuö.

Jøøn 14:23

Ni løgi ya Jecu jïre, ni «Ni näk mo dhaanhø mëër ki aani, luumma gwøe gwøø, ni ö Wära ni mëëye ki gø, ni öwa baŋe ni bëëtwa ki eni na aciel.

2 Körin 6:16

?Wala Øt Jwøk ojïëe ki gïï wø lam nidïï? Kiper øøna øtø mar Jwøa kwøw, kaawat mana caan Jwøki, ni «Aano bëëdö ki geni ni cäädha dïge, ni tïma ni aana Jwøk marge, ni tïmge na jiya.»

Köløcia 2:9

Kiper bëët Jwøk bäre bëëdö dëër Krictø.

Mana Nyooth 21:10

Ni kïth aani bäät kïdi mo bäär mo dwøŋ døc, ni Jwïëc Jwøk ena bääta, ni nyuth aani paana en kur keere na näk Jerucalem, ni ööa piny ki maal ki baŋ Jwøk,

Mana Nyooth 21:27

Ni bäŋe gïn mo raac mo døny yie, wala ŋat mo tïïya gïï mo määnö wala twöt. 'Ba beege jøøa näk nyeŋge ogöör yi Wëël Kwøw mar Nyidiel keerge noo ci yie.

Mana Nyooth 21:3

Ni wïnynya dwøl mør mo päl mo ööi ki bäät wälu, ni kööe, ni «Kar bëët Jwøk atïmö ni bëëdö ka jiy. Eno bëëdö ki geni ni tïmge na jiye. 'Ba Jwøk ki dëëre obëëdö ki geni,