Dhekaraya 8:13 - Wëël Jwøk

¹³ Wui, u na jø Juuda ki jø Icriel, kaa mana bëëdu ni uuno cienø dï wïth juurre, u piema piemø ni tïmu ni uuna jiy mo ogwïëdhö. Käru lwäyö; beerra man magu dëëtu ki tïïc.»

Dhekaraya 8:13 Iomraidhean Croise

Wïlöölö 26:4

Ni tïïa nyïïkwaayï nee nyaacge ni caala ceer mo maal, ni wëëga ŋöömö man bäre en geni; ni ö wïth juurre mo bäät piny bëët ni gwïëdhi ki køørge.

Aydheea 43:28

Kiper manøgønø, dïlämme moa kwörge døøŋŋø mo wø tïïö kanya en kur keere, otïïa nee bëëtge ni ba waany. Nyïïkwaac Jeekap ocïba nee ge 'näk, ni tïïa geni na jø Icriel nee ge jøøŋŋi.»

Jeremaya 24:9

Ni tïïa geni nee tiet mïëri bëët mo bäät piny tïmge ni cwïnyge böö ki gïno tägi dëëtge, ni tïmge na jiy mo reyø ki jïge, ni tïmge na gïr ajøøŋ, na gïr aŋaada, na gïr abuua, na gïr acïëni kwöro riema geni yïthge bëët.

Jeremaya 25:18

ni beege jø wø bëëdö Jerucalem ki yïth päänye mo Juuda, ki nyeye moge ki jøøa kwörge døøŋŋø moge, nee putge ränynyö, ni tïmge ni cwïny jiy böö ki gïno tägi dëëtge, na gïr abuua, na gïr acïëni, kaawat man bëëde yïth nïne moi ii.

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 29:18

Ni løpa køørge ki tøŋ ki käc ki täw mo leth, ni tïïa geni nee akwöm mo nyeye bëët mo bäät piny yïthge thäŋge ki gïïo tägi dëëtge, ni tïïa geni na gïr acïëni, ni cwïny jiy böö ki gïno tägi dëëtge, na gïr abuua, ni ge di jøøŋŋø yïth mïëc wïth juurre bëët kwöro riema geni yïthge.

Jeremaya 33:24

na «?Aŋø, gïna caan jøøi ii kärï wïnynyö, kanya köge, ni ‹Icriel ki Juuda, wïth tuŋi moa näk ariiø moa jier Wuuö Jwøki, gena nø kwiere›? Kanya caange teeŋ luummögø, ge taaga jiya, ni ge patha paac ki jïge këët.

Jeremaya 42:18

Kiper luumma caan Wuuö Jwøki, Jwø Icriel, eni na wïth jammi bëët, beeye en: Aani, räny cwïny mara ki wëër mara 'käla bäätu kanyo pïïyu Ijep, kaawat mana käla wëër mara bäät jøøa bëëdö Jerucalem; ni tïmu ni uuna gïr acïëni, ni jiy cwïnyge böö ki gïno tägi dëëtu, ni tïmu na gïr ajøøŋ na gïr abuua; ni kany ba jootu këët.

Jeremaya 44:12

Aani, jø Juuda moa dööŋ thööra thöörö møn, moa näk wïthge ege këël ri ööny Ijep nee bëëtge yie, ni thumge Ijep bëët ki thøø, ni ge 'näk ko opëëllö ni thøwge ki käc. Ki mano täge ki jiy moa kwörge bäŋgø këël mano pïïe ri jøøa kwörge døøŋŋø, geno 'näk ko opëëllö, ni thøwge ki käc, ni tïmge na gïr acïëni, ni cwïny jiy böö ki gïno tägi dëëtge, ni tïmge na gïr ajøøŋ, na gïr abuua.

Jeremaya 44:22

Kiper manøgønø, atïmö ni ba løny jï Wuuö Jwøk këët ki man jïëny gïïa reyø na tïïyu na näk ec raac ki geni døc; ni beeye na räny paaci maru, ni tïme na gïn mo cwïny jiy böö ki gïna tägö dëëre, na gïr acïëni, ni bäŋ dhaanhø mo bëëdö yie kaawat man bëëde dïcäŋi en.

Wëël Kïmmö 4:15

Ni tïm jiyi ni kwöŋŋö bäätge, ni «Daagu rou! U ba waany! Aayu! Aayu! Kär wa gutu!» 'Ba kany wø aacge ni ge thääyö jaak dï juurre, jiy møga yïthakic juurre ge köö, ni «Ge ba bëëdö ki waani këët.»

Edhikiel 34:26

Aani, ge gwïëdha gwïëdhö, ni bee geni ki kwör bëëte moa en deŋ thuur mara. Aani køth jääŋŋa jääŋŋö yi ŋöömö marge ki kanya näk kare, ni tïm køthi manøgø ni beeye mar gwïëth.

Edhikiel 37:11

Køøre Wuuö Jwøk acäŋ köö jïra, «Wär dhaanhø, cuu moøgø a päära ge ki jø dhi øt Icriel bëët. Raŋï, gena köö, ni ‹Wa caala cuu mo otal, ni ŋäädhe marwa oränynyö, ni dïïr wïthwa bëët.›

Edhikiel 5:15

'Ba kanyo jääla uuni ki køør wëër mara ni wø liel kaamar maac, ki juuk mo teek, uuno tïmö na gïr ajøøŋ na gïr ajaany, na gïr ŋwøc, ni tïmu ni uuna gïn böö wïth juurre ki ge moa en deŋŋu. Luummögø caana aani, a na Wuuö Jwøk.

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Mikiya 5:7

'Ba nyïïkwaac Jeekap moo dööŋ, geno bëëdö yïthakic wïth juurre mo thööth, ni ge caala thööy man wø cïp Wuuö Jwøki bäät beel. Ni bëëtge kaamar kuunhnhi mo jwøya beel, ni pädhö marge wala bäŋ pädhö marge ba koor man wø caan jiyi.

Jepaniya 3:16

'Ba ï na Jerucalem, dïcäŋöca ocaan jïrï na ennø nø, «Wui, Dhayan, kärï lwäyö! kär bäätï wëëk pädhö.

Jepaniya 3:20

Dïcäŋöca u cooŋa cooŋø ni duua uuni pou. Aani, u mooa mooø ki wödö ki pwøc ki yïthakic wïth juurre bëët mo bäät ŋøøm, kanyo cäŋa bëëtö maru dwøk kare ni nëënö jïïu ki nyeŋŋu.» Luummögø caana Wuuö Jwøki.

Agëë 2:19

Këël ni bëëde ni bäŋ köödhi mo odööŋ yo odek, no omøki, ko olämmi, ka adikwäle, ki jaath man wø nyïïe wel na maaw poot kär jïtö ki nyïëdi, ki mano täge dïcäŋi ennø kiree, u gwïëdha gwïëdhö.› »

Agëë 2:5

'Ba ena cäŋ köö, ni ‹Manøgø beeye luumma tuuda ki uuni kanya ööu wøk ki Ijep. 'Ba jwïëy 'moa poot bëëdö ki uuni. Käru lwäyö.›

Dhekaraya 1:19

Kanyøgø nyïïatwiel maal mana cäänö ki aani aputa pëënynyö, ni «?Moi agïïaŋøøni?» Ni løk gø jïra, ni «Moøgø beege jiy moa näk wïthge ege tïŋ maal kaamar tuk lääy, ni beege jøøa wëëk jø Juuda keethø, ki jø Icriel, ki jø Jerucalem.»

Dhekaraya 14:11

Jiy obëëdö yie, ni bëëde ni bäŋ acïëni mo ö bääte këët, kiper Jerucalem obëëdö no okoorø.

Dhekaraya 8:15

'ba ennø, yïth nïne moi aana cäŋ cädö ki man tïïa ki gïn mo beer kiper jø Jerucalem ki dhi øt Juuda. Käru lwäyö këët nø!

Dhekaraya 8:9

Wuuö Jwøk, eni na wïth jammi bëët, aköö, ni «U ni wø wïny luup moi ennø dhøk nyïïkuk 'moa ki mana täge ki kanya cak tier Øt Jwøk ki geer, ni beeye øtø mara, a na Wuuö Jwøk na en wïth jammi bëët, magu dëëtu ki tïïc nee Øt Jwøk geer.

Dhekaraya 9:13

Aani jø Juuda ge tïïa tïïö kaamar atummi, ni ö jø Ipariem ni tïmge na athëëre moge. Wui, ï na Dhayan, jiy moï tïïa tïïö kaamar opëël leny, ni öge maal ki leny bäät jø Gïrïïk.»

1 Körin 16:13

Kuru, ni cuŋŋu nou teek ri ŋäädhe maru. Magu cwïnynyu nou teek.

Galeecia 3:14

Ni beeye kiper nee gwïëth mana kwøŋ Eeberam gwïëth ki gø nee tïme ni ena bäät juurre ki ri Krictø Jecu, kiper nee Jwïëc Jwøk mana kwøŋ buuk nee joodø ki ri ŋäädhe.

Tiet Ciik 26:19

Ni kööe ni uuno tïïe nou ena maal wïth juurre bëët moa cwääe, ni tïmu ni uuna jiy mo di pwøø, mo nyeŋŋu ŋäc, mo di wøørø, ni uuna jiy mou ena kur keerge jï Wuuö Jwøk na näk Jwøu, kaawat mana caan gø.»

Tiet Ciik 28:37

Køøre u tïmö ni uuna jiy mo cwïny bwøk ki geni kiper gïïa tägö dëëtu, ni tïmu ni uuna jø wø ŋäät dëëtge, ni bëëdu ni uuna gïr waac dï juurre bëët kwöro ö Wuuö Jwøki noo keeth uuni yïthge.