Dhekaraya 7:9 - Wëël Jwøk

⁹ ni «Man beeye dwøl mana wara caan Wuuö Jwøki, eni na wïth jammi bëët, ena köö, ni ‹Ŋøllu luup ki jöör ŋøl mana näk kare, ni ö ŋati man nø ni nyooth mëër ki bäth ec mare jï wati maya.

Dhekaraya 7:9 Iomraidhean Croise

2 Camiel 9:7

Køøre Deebit aköö jïgø, ni «Kärï lwäyö; ka adïëri møn, mëër mara nyoodha nyoodhø jïrï ki køør mëër mana en yïthakicwa ki wäru ma Jönathan; ni ö pwöthi bëët moa näk mo kwaru ma Cøøl ni duua ge jïrï. 'Ba ïïno put bëëtö niï cämö ki aani cooth.»

Jööp 31:20

ni käre aani gwïëdhö ki yi cwïnye, kiper mana kära dëëre wëëk murrö ki jïëc rööm 'moa;

Jööp 6:14

«Ŋat mo kweer ki man nyooth mëër mare jï nyawati mo ena yi gïn mo leth, lwär man lwäärö ki Jwøa en teeki jïre ee wiiø.

Pwöc Leec Wïc 21:3

Ki man tïïc gïn mo beer ki gïn ma adïëri beeye mana met yi Wuuö Jwøki ki gø ni kaala olämi.

Jeremaya 22:3

Luumma caan Wuuö Jwøki beeye en: Ŋøllu luup na karge ki jöö ma adïëri, ni kønynyu jiy mo wø japge møt ceŋ jø wø caan geni. Käru bääyö dëër jur mo bëëdö dïïu, ki kïïc, ki cï thøø, ni ba tïïu ki gïï mo reyø dëëtge, ni ba kønynyu rem jiy piny kany, mo bäŋ gïn mo ege baaø.

Jeremaya 7:23

'Ba gïna köömma geni ki gø beeye en, aana köö, ni ‹Wïnynyu dwøra, 'ba aani, aano bëëdö ni aana Jwøk maru, ni bëëdu ni uuna jiya, ni cäädhu ki uutjïëthe bëët moa köömma uuni ki ge, nee bëëtö maru tïme ni beer.›

Jeremaya 7:5

'Ba ni näk jöör bëëtö maru ki tïïe mou you tiirø møn, ni ŋøllu luup na karge yïthakic jiy,

Edhikiel 18:8

ni jammi mo wø mac jiyi baŋe ba tïïe nee dwøgi jïre ni da wïthge, mo ceŋŋe ee mänö ki man tïïe ki gïn mo raac, ni luup ŋøle ŋølø na adïëri yïthakic jiy ariiø,

Edhikiel 45:9

« ‹'Ba man bee luumma caan Kwäärö Wuuö Jwøki, ena köö: Wui, u na dïbwöthe mo Icriel, yïthu thumge nø ni weyu japa reyø ni wø tïïyu, ki thiel jiya piny, ni tïmu nou tïïya ŋøl ma kare, ki tïïc gïn ma adïëri, ni weyu jiya ki man riemu ge wøk ki yïth ŋøøm moge. Luummögø caana aani, a na Kwäärö Wuuö Jwøk.

Odheea 12:7

ŋat gath man wø rumö ki gïr røm mo patha kare, yie met ki møt jiy.

Ciik Kiper Dïlämme 19:15

« ‹Kärï ŋudö ki ŋøl mo patha kare kar løøk. Kär niï cwaga ŋata can, ni ba lwäärï ŋata kare dwøŋ; 'ba wär tïme ni mar dhaanhø ŋølï na kare.

Amøc 5:24

'Ba beerra man tïm ŋølli ma kare ni paac ee maa kaamar jwïïö, ni ö bëëtö ma kare ni pälle kaamar naam mo kwödö ni ba tal.

Mikiya 6:8

Wui ï na dhaanhø, Wuuö Jwøk gïna beer anyoodhe jïrï. ?'Ba Wuuö Jwøk agïnaŋø ni manynye baŋï? Beeye ki man ŋølï luup na karge, ki man nyoothï mëër man wø ba jøøl, ki man cäädhï ki Jwøk marï ni riï iï dwøk piny.

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

Dhekaraya 7:8

Køøre dwør Wuuö Jwøk aö bäät Dhekaraya ni kööe,

Mathiew 23:23

«Otïmö ni raac jïïu, u dïpööye mo ciik Jwøk ki jø Paricith, u na jø atade, kiper u wø cïpa paac wïth jammi jï Jwøk røk gïï wø thenh thenh wø piith lak paac, ni weyu moa perge leth ri ciik Jwøk, teeŋ ka ŋøl luup ni beer, ki køny, ki ŋäädhe. Gïïögø beege gïïa dou tïïö, ni ba weyu moøgø thuwø.

Luk 11:42

«'Ba otïmö ni raac jïïu, u jø Paricith. Kiper u wø cïpa paac wïth jammi na jëëthe røk gïï wø thenh thenh wø piith bëët, ni weyu mëëc Jwøk ki ŋøl luup ma kare na caane. Gïïögø beege gïïa dou tïïö, ni ba weyu moøgø thuwø.

Jøøn 7:24

Kär nou ŋuta piny ki køør mana neennu ki nyeŋŋu, 'ba ŋudu ki ŋøl ma adïëri.»

Jøøn 7:51

«?Aŋø, ki køør ciik mo pøø, dhaanhø doo ŋøla wøk ni mare kär kwøŋ wïnynyö, ni kwany tier gïna tïïe?»

Tiet Ciik 22:1

«'Ba ni näk da dhaanhø mo dhieŋ wala røømmø mar watge ee joodø no orwäänyö ni cäädhö jaak, kär wiie. Wär dwøk baŋ watge.