Dhekaraya 7:6 - Wëël Jwøk

⁶ ?A kanya wara bëëdu thuwø nou cämö nou mädhö, ajwöm moøgø paa kiper dëëtu keeru na bëëde?

Dhekaraya 7:6 Iomraidhean Croise

1 Luup Nyeye 29:22

Kanyøgø gena put cämö ni mäthge yi cäŋ manøgø ki met ec mo dwøŋ døc nyïm Wuuö Jwøk. Ni cäŋge Cølöman o Deebit røønynyø na nyeya ni thïïmge wï gø ki maaw nee tïme na bwödhi nyïm Wuuö Jwøk. Ni ö Dhadök thuwø ni røønyge gø na Kwääy Lam Mana Dwøŋ.

Aydheea 43:23

Bäŋ dïëk mo iï cïbö jïra no olämme mo wø waaŋ bäre, naa kärï wøørø ko olämme moï møga. Yiï kära cwaadø ki man cïpï ki muuce mo beel, niï kära öölö ki man cïpï ki jer wø jïcge ŋwääi ni met.

Aydheea 58:3

Ge köö, na ‹?Aŋø ni wø ba neenï wödö marwa en kany wø kwierwa cam ni marwa wödö? ?Na aŋø ni wø ba raŋï gø en kany wø dwøkwa dëëtwa piny ni wa mwöl?› «'Ba ka adïëri møn, uuni, kany wø wödu, u tïïya man wø manynyu keeru, nou bëëdö ni jø tïïc mou bëët you thiel piny.

Odheea 8:13

Geni, gena cïpö ko olämme jïra ni camge rïŋ moge, 'ba a na Wuuö Jwøk, yia kär mïnnö ko olämme moøgø. Ennø, a tïmö naa lääŋŋa gïïa bacge, ni puta ge jääl kiper raay moge. Geni, ge døøa Ijep.

Odheea 9:4

U ba kuny piny këët ki muuce mo kwøŋ jï Wuuö Jwøk; olämme mou yi Jwøk ba tïïe ni met. Caammi mo wø cïpu no olämme caala mo wø cïp bäät thøø; ni jiy bëët moo cam ge tïmö ni ba waany. 'Ba caammi mou otïïyu kiperu keeru, ni ba kïthu ge yi Øt Wuuö Jwøk.

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

1 Körin 10:31

Kiper manøgønø, ni näk mou cämö wala u mädhö, wala gïn wäro tïïyu jaak, wäru tïïyu bëët nou jiema Jwøk.

Tiet Ciik 12:7

'Ba kaace ŋati man nø dëëtu ki jø paare ge doo cämö nyïm Wuuö Jwøk na näk Jwøu, ni mïn yïthu ki køør tïïe mou bëët moa ö Wuuö Jwøki na näk Jwøu na gwïëth uuni ki ge.

Tiet Ciik 14:26

'Ba kanyo pïïe kaace, løny jïre ki man ŋeew gwel ki gïïa manynye ki cwïnye jaak. Løny jïre ki man ŋëëe ki dhäk wala dïëk wala kwøk nyïïomøki wala teeŋ kwøŋ møøk, wala gïïo many cwïnye jaak, ni cam geni nyïm Wuuö Jwøk na näk Jwøu, ni mïn yie ki jø paare.

Köløcia 3:17

'Ba jammi bëët moo wäro tïïyu, ni näk luubö wala tïïc, wär tïïyu ki nyeŋ Kwäärö ma Jecu, ni dwøgu met ec jï Jwøk na näk Wuuö ki køøre.

1 Camiel 16:7

'Ba Wuuö Jwøk aköö jï Camiel, ni «Kärï raŋ dëër dhaanhø jaak wala bäye, kiper eni yaa kwierø. A na Wuuö Jwøk, raŋ mara ba caal raŋ mar dhaanhø; kiper dhaanhø, raŋŋa dëër dhaanhø wøk jaak, 'ba a na Wuuö Jwøk, a raŋŋa cwïny dhaanhø.»