Dhekaraya 7:3 - Wëël Jwøk

³ ni ge cäänö ki dïlämme mo wø tïïö Øt Wuuö Jwøk, eni na wïth jammi bëët, ki nyïïkuk Jwøk, ni köge, na «?Aŋø, wa doo bëëdö ni wa kïmmö ni wa tïïya wödö mar kwier cam ki dwää abïïc, kaawat mana bëëtwa ni wa tïïya gø ki yïth cwiiri moa thööth na pöödhö?»

Dhekaraya 7:3 Iomraidhean Croise

Edhera 3:10

'Ba kanya ö jø geerri na thöörge tier Øt Wuuö Jwøk ki caam ki kïte, dïlämme gena cuŋŋö na abïïe moge ena dëëtge ni ge kudhö ki tuŋi, ni ö nyïïkwaac Acaap na käl ri jø tuuŋ Libay ni tuuŋge athiliiŋŋi, ni ge pwøya Wuuö Jwøk ki køør dwøl mana caan Deebiti nyeny Icriel.

Luup Dïpööy 3:4

Da caa mo dhaanhø jwöŋö yie, ki caa mo dhaanhø ŋeethø yie; da caa ma mar kïmmö, ki caa ma mar meeŋ.

Odheea 4:6

Jiya araanynyi ki køør bäŋ kwänynyö. 'Ba kiper mana kweerru ki kwänynyö, u na dïlämme, aani thuwø, u kwiera kwierø ki man tïmu ni uuna dïlämme 'moa. Kiper mana wïl wïthu ki ciik 'moa, a na Jwøk maru, aani thuwø wïïa wïl ki nyïïkwaayu.

Jool 2:17

Beerra man ö dïlämme ni wø tïny Wuuö Jwøk, ni jwöŋge yïthakic gïn wø cïp olämme bääte ka agööl dhi Øt Jwøk, ni köge, ni «Wui Wuuö Jwøk, cwïnyï pädhe ki gïr jiyï, ni ba tïïyï jiyï na näk thöögï na gïr apääda, na gïr aŋaada dï wïth juurre. ?Aŋø, wïth juurre doo pëëö møn, ni ‹?Jwøk marge en kaa?›?»

Agëë 2:11

ni «Man bee gïna caan Wuuö Jwøki, eni na wïth jammi bëët, ena köö, ni ‹Pëëny dïlämme ki gïna caan ciiki kiper luubö man.

Dhekaraya 7:4

Køøre dwør Wuuö Jwøk, eni na wïth jammi bëët, aö bääta ni kööe,

Dhekaraya 7:5

ni «Caanï jï jiy bëët moa en yi ŋööm paac, ki dïlämme, ni kööï, ni ‹Kanya bëëdu nou tïïya wödö mar kwier cam nou kïmmö ki dwää abïïc ki dwää abïriiø ki cwiiri moa näk pïërabïriiø na pöödhö, ?aŋø, wödö maru kar kaace mar kwier cam tïïyu kapera na bëëde cøøn enø?

Dhekaraya 8:19

ni «A na Wuuö Jwøk na en wïth jammi bëët, dwøra mana caana bee en: ‹Wödö mar kwier cam man wø tïïyu ki dwää aŋween, ki dwää abïïc, ki dwää abïriiø, ki man wø tïïyu ki dwää apaar, tïmö na mar met ec ki kanynyø, na kany wøør ajwöm-cam yie kiper dhi øt Juuda. Kiper manøgønø, mëërru ka adïëri ni mëërru ki bëët-mëër.› »

Milkiya 2:7

«Kiper dïlämi doo naa bëëdö ni ciik Jwøk ŋääe ni ena dhee, ni di jiyi ö baŋe kiper pwöc, kiper bee eni na jääŋ Wuuö Jwøki, eni na wïth jammi bëët.

Mathiew 9:15

'Ba adwøk Jecu jïge, na «?Aŋø, wëët nywöm doo kïmmö ni cø nyakøø poot ena dïge? 'Ba nïne oööi, kanyo ö cø nyakøøe noo lwøri dïge. Kanyøca nø, beeye noo wötge.

1 Körin 7:5

Käru kweeyø ki dëëtu. 'Ba kanymør ni näk mou jïëy karuriet ki man mänu dëëtu dïciel kiper nou lämu døc, doo beer. 'Ba noo näk køøre, cäŋu dwätö, kiper nee Ceethan cwïnynyu ba wëëk lämmö ki køør mano ba lønye jïïu ki man mänu dëëtu.

Tiet Ciik 33:10

Jø tuuŋ Libay nyïïkwaac Jeekap opwönyge ki luup ŋøl moï, ï na Wuuö Jwøk, ni pwönyge ge na jø Icriel ki ciik moï. Ge wø cïpö ki gïn wø jïye ŋwääi ni met jïrï, ï na Wuuö Jwøk, ni cïpge ko olämme jïrï mo wø waaŋ bäre bäät gïn wø cïp olämme bääte.