Dhekaraya 7:14 - Wëël Jwøk

¹⁴ 'Ba aani gena puta keethø ka atuunna mo teek døc ni putge ci yïthakic wïth juurre mo kucge. Kanyøgø nø ŋöömö aput dööŋŋö ni bäŋ jiy yie, ni put tïmö ni bäŋ ŋat mo ci yie këët, kiper bee geni na tïïc ŋöömma beer nee dööŋe ni bäŋ jiy yie.› »

Dhekaraya 7:14 Iomraidhean Croise

2 Luup Nyeye 36:21

Gïnögø atägö ni wëëga luum Wuuö Jwøk thur kare mana caane ki dhi Jeremaya, këël mana ö ŋöömö ni mïn yie ki yïth cwiic jwöm moe. Kiper cwiic ränynyö moe moa näk pïërabïriiø acäŋ beetø na mo jwöm.

Aydheea 17:13

Wïth juurre döötge märö kaamar lwör mar pïï mo thööth; 'ba kanyo ö Wuuö Jwøki noo jook geni, ge puta bwøk ni reŋge kany mo bäär. Ni put ge riemmø ni køøl ge kaamar luum mo ena bäät kïte kanyo køøli ya jamø, wala tør kanyo køøli ya apwøyaweerø.

Aydheea 21:1

'Ba luumma nyooth Wuuö Jwøki kiper paaba näk tëën na en buut naama dwøŋ bee en: Kaawat man wø ö atuunna wø jwiec paana en jï løø tier-piny, da gïn mo räänyö mo öö ki dï paaba näk tëën, ni beeye yi ŋöömma näk di lwäärö.

Aydheea 60:15

«Këël na bëëdï ni ïïno kwierø ni jiy omännö ki ïïni, ni bäŋ ŋat mo cur dïërï, ï na Jerucalem, nyeŋŋï tïŋa maal ka ajiem mo bëëdö na bäre bäre, ni tïmï ni ïïna kar met ec jï beenhnhe moo ööi cään bëët.

Aydheea 66:15

Ka adïëri møn, Wuuö Jwøk öö ki yi maac, ki jïëth okwëëc leny moe mo caala apwøyaweerø; eni wëër mare lëëŋe piny ni liel kaamar maac, ni jook jiy ki leep maac.

Jeremaya 12:10

Kwääc tiet mïëri mo thööth paac mara na beer kaamar pwöth omøki oraanyge, ni nyørge gø ki tietge; ŋöömmögø na mara enø, na mëëra ki gø, oraanyge ni tïme kaamar paap.

Jeremaya 23:19

'Ba ennø, wëër mar Wuuö Jwøk öö bäät jøøa reyø kaamar atuunna, ni beeye atuunna mo teek døc mo raanynya geni.

Jeremaya 30:23

'Ba ka adïëri møn, wëër mar Wuuö Jwøk öa bäät jøøa reyø kaamar atuunna, ni beeye atuunna mo teek døc mo raanynya geni.

Jeremaya 36:19

Køøre jøøa kwörge døøŋŋø aköö jï Baruk, ni «Ïïni ki Jeremaya, cou ni kannu rou, ni bëëdu ni bäŋ dhaanhø mo ŋäc kanyo enu yie.»

Jeremaya 44:6

Kiper manøgønø, räny cwïny mara ki wëër mara ni wø wääŋö kaamar maac akïtha bäät Jerucalem ki bäät päänye mo Juuda, ni putge niruuth ni ränyge kaawat man bëëde dïcäŋi en.

Jeremaya 5:15

Ni cäŋ Wuuö Jwøki köö, ni «Ennø, u na jø Icriel, jiy mo käla paac mo bäär okäla baŋu ki man tukge uuni, ni beege jiy mo teek mo paac marge käla cøøn, mo dhøk marge kuyu, ni gïn wø caange ba wïnynyu.

Jeremaya 52:30

Ni kanya tïm cwiic nyeci moe na pïërariiø kurdäk, Nabucaradan kwääc jø koor akädö ki jø Juuth ma dïpe abïriiø ki pïëraŋween kurbïïc. 'Ba kwään jiy bëët moa käl beege kume aŋween ki dïpe abïciel.

Edhikiel 12:19

Caanï jï jiy moa en yi ŋöömö maru ni luumma caan Kwäärö Wuuö Jwøki kiper jø wø bëëdö yi Jerucalem na en yi ŋööm Icriel bee en, ena köö, ni ‹Kwatge camge camø ni ge ena yi lwär, ni maathge pïï moge ni dëëtge kwanynyi ki lwär, kiper ŋöömö marge ränynyö ki jammi moa en yie bëët ki køør ageem man wø tïïc jiyi bëët mo wø en yie.

Edhikiel 22:15

Aani, u keetha keethø dï wïth juurre ki yïth mïëri; ni ö japa näk ba waany mou ni puta ge ŋuudö.

Edhikiel 5:10

Kiper manøgønø, jøøa nyöödö ko obwöre, obwöre moge ocamge dïërï, ni ö obwöre ni camge jøøa nywøl ge thuwø. Ajäla mo leth okïtha bäätï, ni ö jiyi moï moo dööŋ ni kwøw ni keetha ge yïth tuk piny.»

Daniel 8:9

'Ba tuuŋ mo thiinh atuy ki ri tuuŋ aciel røk tuŋi moøgø, ni ö teeki mare ni nyaae ni cäätha jï løø tier-piny, ki jï løø kur tuul-cäŋ ki jï løø ŋøøp wø cwøl ni Mïërö.

Odheea 9:17

'Ba geni, ge kwier Jwøki mara kwierø, kiper gena kweer ki man cekge ïthge jï gø. 'Ba geno put bëëtö ni ge thääyö yïthakic wïth juurre.

Jool 2:3

Maac bwödhö nyïmge ni räänyö, ni maac caatha køørge ni wääŋö. Kanyo poode dïkwøŋ, ŋöömö bëëdö ni caala ajïniina mana en Ëden nyïmge, 'ba kanyo tïme na køørge, ŋöömö ränynyö ni tïme na kaŋ, ni bäŋ gïn mo obøth dhøkge na bäre bäre.

Ciik Kiper Dïlämme 26:22

Aani cwëënyi mo paap mo owär jääŋŋa jääŋŋö dïïu, ni thöörge obwöre mou, ni dïïrge wïth lääc paac mou.

Ciik Kiper Dïlämme 26:33

'Ba uuni, u keetha keethø yïthakic wïth juurre, ni jääŋŋa tøŋ køøru cooth; ni ö ŋöömö maru ni ränynye, ni ö päänye mou ni ränyge ni nigeruuth.

Amøc 1:14

Kiper manøgø nø, maac ojääŋŋa, ni waaŋ kiir mar paana cwøl ni Raaba, ki uudi moa teek na en yie. Ni tïme ni da dïlweel dïcäŋo këël leny yie, ni tïm lenynyi ni teek kaamar atuunna.

Neeyam 1:3

Wuuö Jwøk ba laar wëër, ni eni teek mare dwøŋ; 'ba Wuuö Jwøk jø raay ba wiie ni ba jääle. Kany wø cäädhe, piny puta jïtö ka apwøyaweerø ka atuunna, ni tïm pøølli na tør mar tiete.

Abakuk 3:14

Ïïni, tøŋ mar kwääc lwaa leny adwøgï dëëre, kanya öge kaamar apwøyaweerø nee wa keethge, ni met ec marge caala mar jø wø caar jøøa can ki piny.

Jepaniya 3:6

Wuuö Jwøk aköö, ni «Aani wïth juurre anø raanynya, ni wëëga kwör gwøk røk moge na teek na en gøøde mo kiir ränynyö. Nyeŋ jïëthe moge anø raanynya, ni tïme ni bäŋ ŋat mo cäädhi ki yïthge; ni wëëga päänye moge niruuth ni bäŋ dhaanhø mo obøth na bäre bäre.

Dhekaraya 2:6

«Wui, u na jiya, ööu maal, ni rïŋŋu wøk ki yi ŋöömma en jï løø wï-piny, kiper aani uuna nø keetha yïth tuk piny moa na aŋween kwör wø ö jamø ki yïthge.

Dhekaraya 8:1

'Ba dwør Wuuö Jwøk, eni na wïth jammi bëët, acäŋ ö bääta na ennønø:

Dhekaraya 9:14

Kar kaace Wuuö Jwøk ree onyoodhe bäät jiye ki man køny geni, na atheerø mare nadaaŋ kaamar agaackøth. Kwäärö Wuuö Jwøk tuuŋ okoodhe, ni wëëk atuunna kwönnö ni teek ki jï løø tier-piny.

Tiet Ciik 28:33

Caammi mou moo ciek yi ŋöömmu, ki gïïa jootu ki køør öölö maru, ocam jiyi møøk mo dëëtge kuyu; 'ba mano jootu keere beeye thiel piny ki caannø cooth.

Tiet Ciik 28:49

«Wuuö Jwøk känna bäätu ki wï jur mo käla kany mo bäär ya aŋuun piny, ni läänge baŋu ka man wø lään coorri piny, ni beeye wï jur mo dhøkge ba wïnynyu,

Tiet Ciik 28:64

«Wuuö Jwøk u di keethø dï wïth juurre moa en bäät piny bäre; ni tïmu nou lama juu møøk mo kuyu mo kuc kwäyu thuwø, ni beege jenni ki kïte mo otieŋø.

Tiet Ciik 4:27

Køøre Wuuö Jwøk uuno keethe dï wïth juurre, ni dööŋŋu nou nøk yïthakic wïth juurre moo ö Wuuö Jwøki noo riem uuni dïge.