Dhekaraya 7:13 - Wëël Jwøk

¹³ «Køøre Wuuö Jwøk, eni na wïth jammi bëët, aköö, ni ‹Kar kaagø, aput tïmö ni kany wø cwøla geni dwøra ba wïnyge; ni kany wø cwølge aani döötge ba wïnynya thuwø.

Dhekaraya 7:13 Iomraidhean Croise

Pwöc Leec Wïc 21:13

Ŋat wø dhïŋ ïthe ki jwøk dhaanhø mo can, eni ki dëëre ojwöŋi ni mare ba wïnynyi.

Pwöc Leec Wïc 28:9

Ŋat wø løø ïthe wøk ki man ba wïny ciik Jwøk, këël lam mare kiree tïmö na gïn mo yi Jwøk raac ki gø.

Aydheea 1:15

Kiper manøgønø, kany wø thaaŋu ceŋŋu maal nou lämö, waŋa kana kanø ki uuni. U këël doo lämö ki lam mo dwøŋ døc, aani, ïtha ba ciia; Kiper uuna jiy mo uuno kuny piny ki rem jiy.

Aydheea 50:2

?Aperŋø ni tïme ni kede bäŋ dhaanhø kanya ööa? ?Ni kanya cwöta, aperŋø ni tïme ni bäŋ dhaanhø mo ojïëy? ?Aŋø, you caarø ni bada ciek ki man cool kwöri mou, ni bäŋ teek jïra ki man käla uuni wøk ki yïth japa leth? Raŋŋu, aani naama dwøŋ taala taalø ki køør mano köömma gø ki dhaa; ni tïïa näm na dïtëën, ni ö reci moa en yïthge ni thøwge ki riew, ni ŋwääge no okwäk kiper bäŋ pïï.

Jeremaya 11:10

Jø Icriel ki jø Juuda bëët, gena døø baŋ gïïa reyø na tïïc kwäcge, jøøa kweer ki man wïnyge luup 'moa, na cäädhö køør juu møøk nee tïnyge, na kaal luumma tuuda ki kwäcge.

Jeremaya 11:11

Kiper manøgønø, mana ŋøla, a na Wuuö Jwøk, beeye ni ennø, a känna bäätge ki gïï mo leth mo ge ba maar bødhø yïthge. Ni këël ge doo jwöŋö dëëra, marge ba wïnynya.

Jeremaya 11:14

«Kiper manøgønø, ï na Jeremaya en, kärï lämö kiper jøøi ii, ni ba tïŋï dwørï maal niï jwöŋö niï lämö kiperge, kiper ïtha ba ciia kanyo cøørge aani kiper gïïo leth noo pïï dëëtge.

Jeremaya 14:12

Këël ge doo wödö ki cam, oduuc kwac marge ba daa wïnynyö, ni këël ge doo cïpö ko olämme mo wø waaŋ bäre, ki muuce mo beel, ge ba daa jïëö; 'ba beeye ki man dïïra wïthge ri leny, ki käc, ki täwe mo leth.»

Jeremaya 14:2

ni «Ŋööm Juuda bëëdö ni jwöŋö, ni ö päänye moe ni öölge, ni bëët jiyi ni jwöŋö kiper ŋöömö, ni ö oduuc Jerucalemmi ni tïme ni päl.

Jeremaya 7:27

«'Ba ï na Jeremaya en, luupögø bëët caanï caanø jïge, 'ba marï ba wïnyge. Ge cwølï cwølø, 'ba bäŋ dwøl mo duuge baŋï.

Wëël Kïmmö 3:44

Ïïni dëërï agëëŋï ki pøøl, nee bäŋe lam mo pöönh baŋï.

Edhikiel 14:3

ni «Wär dhaanhø, jiy moi cwïnyge acïpge køør kït gïï wø lam ni cïpge nyïmge ki gïï mo reyø mo cwanynya tiel mo wëëga ge pädhö. ?Aŋø, pïëc moge mo wø pëënyge aani ki ge løny ki man dwøga gø jïge këët?

Edhikiel 20:3

ni «Wär dhaanhø, cään jø døøk Icriel ni kööï jïge ni man beeye luumma caan Kwäärö Wuuö Jwøki, ena köö, no ‹?U ööa kuna pëënynyu aani? Ka adïëri møn, aani, a na Kwäärö Wuuö Jwøk, kaawat man bëëda naa kwøw en, a caana gø jïïu, u ba jïëa ki man pëënynyu aani.›

Edhikiel 8:18

Kiper manøgønø, a wëër ki geni. Cwïnya ba pädhi ki gïrge këët, ni ba wara cwïnya ki geni. Ge këël doo jwöŋö deŋ ïtha ni döötge ena maal, aani ïtha ba ciia ko oduuru marge.»

Mikiya 3:4

'Ba da kany mo öö mou jwöŋö dëër Wuuö Jwøk, ni ö eni ni ba løk maru jïïu. 'Ba kar kaace, eni täärnyïme okane ki uuni kiper gïïa tïïyu na reyø.

Luk 13:25

Kanyo ö wää øte no ö maal, ni dëët øtø, uuno cuŋŋi wøk nou døøŋŋa dhi øtø, nou köö, ni ‹Kwäärö, japï jïwa.› 'Ba oduue jïïu, ni ‹Uuni, kanya ööu ki yie kuua.›

Jeemeth 4:3

'Ba u wø pëëö møn, ni ba mëëgi uuni, kiper u pëëö ka pïëc mo patha kare, nou manynya gïïa reyø wø nieŋ cwïnynyu køørge nee yïthu mïnge.