Dhekaraya 7:12 - Wëël Jwøk

¹² Geni, cwïnyge atïïcge ni teek kaamar kïdi, ni tïmge ni ciik ba wïnyge, ki luup Wuuö Jwøk, eni na wïth jammi bëët, ni beege luupe na jääŋŋe ki køør Jwïëye na en kur keere ki røk nyïïkuk Jwøk mo acääŋŋe. Kiper manøgønø, wëër mo dwøŋ aput öö ki baŋ Wuuö Jwøk, eni na wïth jammi bëët.

Dhekaraya 7:12 Iomraidhean Croise

2 Luup Nyeye 36:13

Ni gëëme thuwø ki nyeya ma Nabukedenecör, ŋata tïïc gø nee kööŋe nyïm Wuuö Jwøk. Ni tïïc wïïe ki cwïnye ni teek ki man løø nyïme baŋ Wuuö Jwøk, Jwø Icriel.

2 Luup Nyeye 36:16

'Ba ge poot bëëdö ni ge buua nyïïkuk Jwøk ni luup Jwøk ege taaø, ni ge ŋeethø bäät nyïïkuk Jwøk, këël kanya ö wëëc Jwøki na ö bäätge ni tïme ni bäŋ køny mo ojoodø ki man døø paaci kare.

Jööp 9:4

Jwøk wïïe leer døc ni teek mare okadhø. ?Aŋa ni cäänö ki gø ni waŋe teek, ni bäŋ gïn mo tägi dëëre?

Bwøth Wøk 7:13

'Ba Peerø cwïnye poot bëëdö ni teek, ni käre luumge wïnynyö, kaawat mana kwøŋi ya Wuuö Jwøki caan jï Modhe.

Aydheea 46:12

«Cegu ïthu ki mara, u ni wïthu teek en, ni karu bäär ka adïëri.

Aydheea 48:4

Kiper ŋääa ni cwïnynyu teek, ni wïthu teek kaamar nywïënyö, ni teek wïc maru caala nywïënyö ma jwïël.

Aydheea 6:10

Tïïc cwïny jøøgø ni teek, ni cïëgï ïthge, ni meyï nyeŋge, nee tïme ni ba løny ki man nëënge ki nyeŋge, ni ba wïnyge ki ïthge, ni ba ci luupi cwïnyge, ni ba duuge baŋ Jwøk ki man jïtge ki køny.»

Aydheea 65:12

aani, u wëëga thøw opëëllö, ni kuullu wïthu piny bëët kiper nou ŋalli; kiper kanya cwöta, u kär jïëy, ni kanya cääna, ïthu käru ciiø. Uuna tïïö ki gïï mo reyø, ni jierru gïïa näk yia ba met ki ge.»

Jeremaya 17:1

Wuuö Jwøk aköö, ni «Raay mo jø Juuda onieŋ cwïnyge kaamar gööre mo ogöör bäät kïdi mo göör ka peen nywïënyö mo dhee beth, ni raacge onieŋ bäät tuk gïï wø cïpge olämme moge bäätge.

Jeremaya 17:23

'Ba kwäyu, mara kärge wïnynyö, ni kärge ïthge ciiø ki dwøra. 'Ba wïthge adøøcge mo teek, ni kärge pwöc mara wïnynyö ni kärge gø jïëö.

Jeremaya 26:19

?Aŋø, Edhekaya nyeny Juuda ki jø Juuda bëët Mikiya anäkge na bëëde? ?Aŋø, Edhekaya kär lwäyö ki Wuuö Jwøk, ni bëëde ni kwaaya Wuuö Jwøk, ni ö Wuuö Jwøki ni dwøk cwïnye piny ki man ba tïïc gïna leth na caane ni dee tïïö dëëtge? 'Ba ennø, ø käla gïn mo raac døc bäätø.»

Jeremaya 42:21

'Ba beeye gïnögø na caana jïïu dïcäŋi en. 'Ba mar Wuuö Jwøk, Jwøk maru, käru wïnynyö, ni beege gïïa caane jïra bëët kiper nee caana jïïu.

Jeremaya 5:3

Wui, ï na Wuuö Jwøk, ï manynya gïn ma adïëri. Ïïna tïïö ki gïï mo leth dëëtge, 'ba kärge lääŋŋö; gena thöörï, 'ba gena dhäthö ki man tiirge rege. Cwïnyge atïïcge ni teek ni kaala kïdi, ni kweerge ki man løkge cwïnyge.

Jeremaya 7:20

«Kiper manøgønø, mana ŋøla, a na Kwäärö Wuuö Jwøk, beeye en: Wëër mara ki räny cwïny mara öö bäät paani en, ki bäät jiy ki lääy, ki bäät jer paap ki caammi mo wø ciek yi ŋöömö; ni tïm wëërri mara ni wääŋö ni liel bäätge kaamar maac mo ba løny ki bïp këët.»

Edhikiel 11:19

Aani ge mooa mooø ki cwïny aciel ni mooa dëëtge ki jwïëy mo nyään; cwïnynyi moge na caal kïte käla wøk dëëtge ni mooa geni ki cwïnynyi mo jööm kaamar rïŋö.

Edhikiel 14:5

Gïnögø tïïa tïïö naa duua cwïny jø Icriel baŋa, ni beege jø Icriel na wec aani kiper kït gïï wø lamge.›

Edhikiel 2:4

A jääŋŋa ï baŋge, ge na jøøa wïthge teek na näk cwïnyge teek. Wär caanï jïge ni kööï, ni ‹Man beeye dwør Kwäärö Wuuö Jwøk.›

Edhikiel 36:26

Aani, u mooa mooø ki cwïnynyi mo nyärö, ni kïtha dëëtu ki jwïëy mo nyään; cwïnynyi mou na teek na caal kïdi käla wøk dëëtu, ni mooa uuni ki cwïnynyi mo jööm kaamar rïŋö.

Dhekaraya 1:2

Wuuö Jwøk aköö, ni «A na Wuuö Jwøk, aana bëëdö ni aano gootø ki kwäyu.

Dhekaraya 7:7

?Aŋø, moøgø paa luup moa car Wuuö Jwøki ki dhøk nyïïkuk Jwøk mo acääŋŋe, kanya poode ni Jerucalem ki päänye moa en deŋŋe bëëdö ni päŋ ki jiy, ni bëëtö mar jiy jööt jaak, ni mïëri moa en jï løø tier-piny ki mïëri moa en deŋ kïte jï løø kur pänh-cäŋ ge bëëdö ni päŋ ki jiy?› »

Mathiew 13:15

Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø, kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luuge rege baŋa, nee ge kønya.›

Maak 4:12

« ‹kiper nee neenge møn, 'ba tier gø ba jootge. Ni wïnyge gø møn, 'ba tier gø ba kwanyge. Kiper kanymør dëëtge dege løø ni wëën geni.› »

Luk 8:12

'Ba moa päth thääŋ jöö caala jiy mo wø wïny luum Jwøk; 'ba anägö öö, ni käl luubö wøk cwïnyge, kiper nee ge ba jïëcge ni ŋääthge, nee ge piem.

Moa Tïïc Nyïïatwieli 28:27

Kiper cwïny jøøi ii, atïmö ni bäŋ gïn mo maarge joot, ni ïthge odhïŋ ki man wïnyge luubö, ni nyeŋge ege miiø kiper nee ba jootge ki nyeŋge, ni ba wïnyge ki ïthge, ni ba kwanyge tier gø ki cwïnyge, ni ba luŋge baŋa, nee ge køny.» ›

2 Piter 1:21

Kiper bäŋ gïn mo okøp nyïïkuk Jwøki bäre bäre, mo käla dhi dhaanhø, 'ba ge wø køpa moa käl dhi Jwøk, kanya ö Jwïëc Jwøki na käär geni.