Dhekaraya 6:5 - Wëël Jwøk

⁵ 'Ba aløk nyïïatwiel maalli jïra, ni «Moøgø beege jwïëy aŋween mo wø en maal, ni ge ö wøk ka kany wø cuŋge yie nyïm Wuuö Jwøk, eni na kwääc bäät piny bäre.

Dhekaraya 6:5 Iomraidhean Croise

1 Nyeye 19:11

Køøre Wuuö Jwøk aköö, ni «Ö wøk ni cuŋŋï wï kïdi nyïma, a na Wuuö Jwøk; køøre aani, a pöödhö ki buutï.» Ni ö atuunna mo päl mo kwödö ni teek ni pääŋ kïte ki dïge, ni ö kïte moa therø ni tøcge na thäŋi nyïm Wuuö Jwøk. 'Ba Wuuö Jwøk ba en ya atuunna manøgø. 'Ba køør atuunna, dïjäŋ piny aput tägö; 'ba Wuuö Jwøk ba en yi dïjäŋ piny manøgø.

1 Nyeye 22:19

'Ba Mikaya aköö, «'Ba ennø, wïny dwør Wuuö Jwøk. Aani Wuuö Jwøk ajooda no opï piny bäät wälu mare, ni lwaak mare bäre mana en maal cuŋŋö buute, ni møøk ena bäät cwïïe, møøk ki bäät caame.

Jööp 1:6

'Ba dïcäŋ aciel nyïïatwiet maal gena ö kuna cuŋge nyïm Wuuö Jwøk, ni ö Ceethan thuwø ni ööe ki geni ciel.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Jeremaya 49:36

Aani, a kännö ki jø leny ma dhøgi aŋween mo tuga Ilam, mo ge öö kaamar atuunna, ni ge käla yïth akïï piny karge ŋweeni, ni keetha geni yïth kwörögø bëët. Ni tïme ni bäŋ po wï jur mo jøøa riem wøk ki Ilam ba ci yie.

Edhikiel 11:22

Køøre kirubëlli bwöpge apeerge ni tiet jïëthe ena deŋge, na ajiem mar Jwø Icriel bëëdö ni ena bäätge.

Edhikiel 37:9

Køøre Wuuö Jwøk acäŋ köö jïra, «Wär dhaanhø, cään jam jwïëy, ni kööï jïre ni man beeye luumma caan Wuuö Jwøki, ena köö, ni ‹Wui, jam jwïëy, kwönnï ki yïth tuk piny moa na aŋween, ni ciï røk dëëlli moi no othøw ii, nee cäŋge kwøw.› »

Daniel 11:4

'Ba kanyo thïïŋ dëëre ennø, akwöm nyec mare di petø ni pääŋŋi na kwöre aŋween, no odïëdö ki but piny, ni ba ci jï jø okäl dëëre, ni jø oci teeki jïge, teek marge tïmö ni ba caal teek mana en jïre dïkwøŋ. Kiper akwöm nyec mare cööda wøk ni mëëgi jø møøk ni paa jø okäl dëëre.

Daniel 7:10

Naam ma maac bëëdö ni kwödö ni ööa wøk ki nyïme, ni kum jiy ma kume tïnynya eni, ni kum jiy apaar kwöre ma kume apaar cuŋŋö nyïme, ni ö kwääy løøk ni pï piny, ni ö weeli ni jabi.

Daniel 7:2

Eni na Daniel ena köö, ni «Kanya bëëda naa neeta gïïa nyooth jïra ki yi wïïa ki wäär, ajooda ni jam maal kwödö ni cura but piny karge ŋweeri ni ge tuuŋŋa naama dwøŋ.

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Dhekaraya 4:14

Kanyøgø nø aløøe ni kööe, ni «Gïïögø na ariiø yøø beege jøøa näk wïthge othïïmmö ki maaw ki man tïnyge Wuuö Jwøk, eni na kwääc bäät piny bäre.»

Dhekaraya 6:1

Kanyøgø aana cäŋ lwïthö maal ni jooda jïëth okwëënyi aŋween mo ööa wøk ki yïthakic kïte ariiø; 'ba kïte moøgø bëëdö kaamar nywïënyö ma jwïël.

Mathiew 18:10

«Gwøgu rou døc, nee bäŋe nyilaal aciel røk moi ni therø ii mo taagu. Kiper a cäänna uuni, ni nyïïatwiet maal moge wø bëëdö ni neeta waŋ Wära cooth ni en maal.

Mathiew 24:31

Ni jääŋ nyïïatwiet maal moe ni da tuuŋ mo dwøre dwøŋ mo di koodhø, ni cooŋge jiye moa näk ee jierø, ni kälge ka wïth tuk piny karge ŋweeni, ni beeye bäät piny bäre.

Luk 1:19

'Ba aløk nyïïatwiel maalli jïre, ni «Aana Geebriel, ni wø cuŋŋi nyïm Jwøk; naa jääŋŋi kaper niï cäänna, naa køpa luummi ni met en jïrï.

Ibaru 1:14

?Aŋø, ge paa jwïëy bëët ni wø tïny Jwøk, ni wø jääŋŋi kiper nee jø wø jïti ki pïëm man piem ge ki gø, nee bëënyge?

Ibaru 1:7

'Ba mar nyïïatwiet maal, ee caanø, ni «Beeye wø tïïc nyïïatwiete na jamø, ni tïïc laage na lëëp mäc.»

Jøcua 3:11

Neennu, acanduk man wø nyooth luumma tuut Jwøki ki jiy na näk mar Wuuö Jwøk na näk kwääc piny bäre, opööth maal nyïmmu kanyo ŋøllu Naam Jördan.

Mana Nyooth 7:1

Køør manøgøøni, nyïïatwiet maal aŋween ajooda ni ge cuŋŋa yïth tuk piny karge ŋweeni, ni kwör wø kwön jame ki yïthge karge ŋweeni ege mänö nee bäŋe jamø mo kwön bäät piny, wala bäät näpa døøŋŋø, wala ri jaathø.