Dhekaraya 6:12 - Wëël Jwøk

¹² Ni caanï gø jïre ni man bee dwør Wuuö Jwøk, eni na wïth jammi bëët, ena köö, ni ‹Man bee dhaanhø mo nyeŋŋe cwøl ni Lwinh Jaath; eno løth kaamar lwinh jaath kanya en yie, ni geer øtø mar Wuuö Jwøk.

Dhekaraya 6:12 Iomraidhean Croise

2 Camiel 7:13

Ni ö eni ni gëëde ki øtø kiper nyeŋŋa, ni këëlla tier wälu mar nyec mare piny na bäre bäre.

Edhera 3:10

'Ba kanya ö jø geerri na thöörge tier Øt Wuuö Jwøk ki caam ki kïte, dïlämme gena cuŋŋö na abïïe moge ena dëëtge ni ge kudhö ki tuŋi, ni ö nyïïkwaac Acaap na käl ri jø tuuŋ Libay ni tuuŋge athiliiŋŋi, ni ge pwøya Wuuö Jwøk ki køør dwøl mana caan Deebiti nyeny Icriel.

Edhera 3:8

'Ba kanya tïme na ri riet cwiiri mana öge kanya en wï Øt Jwøki yie yi Jerucalem, ri dwää ariiø, Dherubabel o Celatiyal ki Jøcua wär Jöcëdëk, ki jø poge møga, ni beege dïlämme, ki jø tuuŋ Libay, ki jiy bëët moa mak ki tøŋ na duu Jerucalem, gena tägö ki man tïïcge Øt Jwøk; ni kwany jø tuuŋ Libay ni gena jø raŋ tïï Øt Wuuö Jwøk, ki mana täge ki ŋat mo cwiiye pïërariiø këël kunece.

Aydheea 11:1

'Ba lwiidhø ojoot ki ri Jeci; ni ö bati mano ööi ki ree ni nywøle ki nyey.

Aydheea 4:2

'Ba dïcäŋeca, lwinh Wuuö Jwøk onëëni ni mïërö ni ree da ajiem, ni ö nyeyi mano joot yi ŋöömö ni tïme na gïr ajiem na gïr atöör jï jø Icriel moo dööŋ ni kwøw.

Aydheea 53:2

Kiper dhaanh Wuuö Jwøk na näk ee jierø adøøŋŋø nyïm Wuuö Jwøk kaaman wø løth bat jaathi ri gutö, ni caala lweet jaath mo tuya yïth ŋøøm mo otal. 'Ba eni ba nëëni ni kare dwøŋ, ni bäŋ kït mïërö jïre ki man mäk nyeŋ jiyi dëëre, ni kïdö mare, jiy ba tuude ki man raŋi.

Jeremaya 23:5

Wuuö Jwøk aköö, ni «Ka adïëri møn, da nïne mo öö, maa tïŋŋa maal ki ŋat mo mare beeye adïëri, na ŋat mo tïmö na lwiidhø mo käla ri dhi øt Deebit, ni ö ŋatøgø ni bëëde ni nyeya, ni käär paac ni wïïe leer, ni luup ŋøle na karge ni tïïya adïëri yi paac.

Jeremaya 33:15

« ‹Noo tïme na yïth nïröke yi kar kaace, ŋat mo mare beeye adïëri owëëga twöö na lwiidhø, na ŋat mo käla ri dhi øt Deebit, ni ö ŋatøgø ni bëëde ni luup ŋøle na karge ni tïïya adïëri yi paac.

Edhikiel 37:25

Geno bëëdö yi ŋöömö mana cïba jï dhaanhnha ma Jeekap, ni beeye ŋöömma bëët kwäyu yie. Geni ko obwöre moge ki nyïïkwaacge geno bëëdö yi ŋöömö manøgø na bäre bäre, ni ö dhaanhnha ma Deebit ni put bëëte na bwödhi marge na bäre bäre.

Edhikiel 41:1

Køøre ŋatøgø aana kïth yi øt lam mana en kur keere na en wøk, ni røm odhïŋ deŋ dhi øtø løøi ki løøi, ni tïmge na gööye abïciel abïciel.

Amøc 9:11

«Da dïcäŋ mo öö mo wï po Deebit mana no opädhö tïŋa maal, ni dwøga kwöra näk oränynyö karge, ni cäŋa gïïa näk oränynyö geerrø, ni dwøga gø kare kaawat mana bëëde dïkwøŋ.

Mikiya 5:5

ni bee eni noo käl bëët-mëër. 'Ba kanyo ö jø Aciria noo öge yi ŋöömö marø, noo nyøønge paan dwøŋ ki tietge, øøni, ø puta jääk baŋge ki dïbwöthe moa teek mo leny.

Dhekaraya 13:7

Wuuö Jwøk, eni na wïth jammi bëët, aköö, «Wui, opëëllö! Ö maal ni 'nägï dïkwääy mar dïëk 'moa; 'näk eni, eni na kare cään ki aani; 'näk dïkwääy nee dïëk keethge; 'ba aani cera ocäŋa løø bäät obwöre moa therø.»

Dhekaraya 3:8

« ‹Wui ï na Jøcua, ni bee ï na Kwääy Lam Mana Dwøŋ, cek ïthï ki nyïïawäätï moø no opï piny buutï yøø, ni beege jøøa näk nyuuthe kiper gïïo tägi yi nyïm. Kiper ka adïëri møn, aani dhaanhnha na caal lwinh jaath 'käla kälö.

Dhekaraya 8:9

Wuuö Jwøk, eni na wïth jammi bëët, aköö, ni «U ni wø wïny luup moi ennø dhøk nyïïkuk 'moa ki mana täge ki kanya cak tier Øt Jwøk ki geer, ni beeye øtø mara, a na Wuuö Jwøk na en wïth jammi bëët, magu dëëtu ki tïïc nee Øt Jwøk geer.

Mathiew 16:18

'Ba a caana gø jïrï, ni nyeŋŋï beeye Piter, ni bäät kïdi man en acooŋ Jwøk mara otïïa bääte. Ni ba løny jï teek kar bëët jwïëc jøøa näk othøw ki man bööt gø.

Mathiew 26:61

ni köge, ni «Nyeni aköö, ni ‹Løny jïra ki man nyaa Øt Jwøk Mana Dwøŋ piny ni cäŋa gø geerrø ki nïne adäk.› »

Maak 14:58

na «Awïnywa ni eni köö, ni ‹Aani, Øt Jwøk man en na tïïc ki ceŋ, onyaa piny ni geera mør ki nïne adäk mo ba tïïc ka ceŋ.› »

Maak 15:29

'Ba jø wø pöödhi ki kaace wïthge wø kenyge kenyø, ni marge abuua, ni köge, «Ï na doo nyak Øt Jwøk Mana Dwøŋ ni cäŋi gø geerrø ki nïne adäk,

Maak 15:39

'Ba kwääy dïkuye ma dïpa mo cuŋŋö ni dïët ki eni, na joot gø, ni ena jwïëy ka aŋuudi na enøgønø, ena köö, na «Adïëri møn, ŋati en beeye O Jwøk.»

Luk 1:78

ki køør met yi Jwøk marø na jwør can marø, ni ö bäätø ki maal kaawat man wø cööt øwi,

Jøøn 1:45

'Ba Pilip Nathaniel ajoode ni kööe jïgø, «Waani, ŋata gööt Modhe kipere yi wëël Ciik Jwøk na näk da luup thuwø mo ogöör nyïïkuk Jwøki kipere, ajootwa, ni beeye Jecu nyï Nadhareth na näk o Jocep.»

Jøøn 19:5

Køøre Jecu aö wøk na adun koodhi ena wïïe, ni dëëre orunynyö ka abïï ma dïmuur. Ni kö Paylati jïge, «Neennu, ŋatøca en.»

Moa Tïïc Nyïïatwieli 13:38

Kiper manøgønø, beerra man ŋäyu gø, nyïïmera, ni beeye ŋatøgø ni køp wëën raay ki køøre jïïu en.

Moa Tïïc Nyïïatwieli 17:31

Kiper da cäŋ mo ee nø jier, cäŋo ŋøl luup mo piny yie ka adïëri ki køør ŋata näk ee jierø. Ni manøgø ee nø nyuth jiy bëët nee ŋäcge na adïëri, ki køør mana tïŋ ŋatøce maal ki yi thøø.»

1 Körin 3:9

Kiper waana jø tïïc bëët na aciel jï Jwøk, ni nägu pwöth Jwøk, ni uuna øtø mar Jwøk.

Ibaru 10:12

'Ba Krictø, kanya ööe na nø cïp dëëre no olämi yie aciel na bäre bäre kiper raay, ena pï bäät cwïï Jwøk.

Ibaru 7:24

'Ba eni kwäc-lam mare ba daak kiper eni puta bëëtö këël na bäre bäre.

Ibaru 7:4

Neennu dööŋŋe mø! Eeberam na näk kwarø, acïpö jï gø ki paac wïth jammi ri gïïa twiere bëët.

Ibaru 8:3

Kiper kwääc laam mo wø døøŋŋø bëët wø di jierø nee cïpge ki muuce ko olämme. Kiper manøgønø, kwääy lamøgø manynya gïn mo cïbe cïbö thuwø.