Dhekaraya 6:11 - Wëël Jwøk

¹¹ ni lwørï warkey ki gwel-bïrö ni tïïï ka aduda ni kïthï gø wï Kwääy Lam Mana Dwøŋ ni beeye Jøcua o Jöcëdëk.

Dhekaraya 6:11 Iomraidhean Croise

2 Camiel 12:30

Køøre Deebit aduda mar nyeya mar jøøgø aput lwør wï gø. 'Ba aduda manøgø tïïc ka warkey mo peek døc ma rumi ma kikar aciel, ni yie da waŋ kïdi mo pere leth. Ni ö aduda manøgø ni puti kïth wï Deebit. 'Ba Deebit gïïa twiere pääny manøgø beege gïï mo thööth døc.

Edhera 10:18

'Ba ki røk nyïïkwaac dïlämme, jøøa joot ni geno nyöömö ki nyïï juurre joota røk nyïïkwaac Jøcua wär Jöcëdëk ki røk nyïïkwaac nyïïmenni, ni jøøgø beege Maycëya ki Eliëdher ki Jarip ki Gedaliya.

Edhera 3:2

Køøre Jøcua wär Jöcëdëk ki dïlämme mo wø tïïö ki eni na aciel, ki Dherubabel o Celatiyal ki tuuŋge, gena ö maal ni tïïcge gïn wø cïp olämme bääte mar Jwø Icriel, kiper nee cïpge bäät gø ko olämme mo wø waaŋ bäre, kaawat mana no ogöörö yi wëël ciik dhaanh Jwøk ma Modhe.

Bwøth Wøk 29:6

ni kïthï abïï man wø meen wïc wïïe, ni ö gïna no otïïö ni ŋwaŋŋi ki warkey na näk nyuudhi mar ŋat mo ena kur keere na mar Wuuö Jwøk ni twöï gø ra abïï man wø meen wïc manøgø.

Bwøth Wøk 39:30

Køøre gïn mo ŋwaŋŋi na näk nyuudhi mar ŋat mo ena kur keere na mar Wuuö Jwøk atïïcge ki warkey mana tøŋ, ni göönge dëër gø ki gööre mo køp, ni «Eni ena kur keere na mar Wuuö Jwøk.»

Obeec Dudi 3:11

Wui! u na nyïïakuk Jerucalem, ööu wøk, ni neennu nyeya ma Cølöman ni wïïe okïthö ka aduda en, ni beeye adun nywöm mana kïth menni wïïe dïcäŋa nyöömme, ni beeye dïcäŋa näk cäŋ met ec mare.

Ciik Kiper Dïlämme 8:9

Eni thuwø abïï man wø kïth wïc akïth wï Aran, ni ö warkey mana paŋŋi, man wø nyooth gø ni Aran ocïp kur keere, ni twöö gø ri baap täärnyïm abïï manøgø, ni tïïe ka køør mana ö Wuuö Jwøki na kööm eni na Modhe ki gø.

Agëë 1:1

'Ba kanya tïm cwiic Dariöc na ariiø bäät nyec, ni nïr dwää abïciel aciel, dwør Wuuö Jwøk aö bäät nyikuŋ Jwøk ma Agëë kiper Dherubabel o Celatiyal na bëëdö na kwäärö mar akwöm Juuda, ki Jøcua wär Jöcëdëk na näk Kwääy Lam Mana Dwøŋ.

Agëë 1:14

Kanyøgø Wuuö Jwøk atïïö cwïny Dherubabel o Celatiyal na bëëdö na kwäärö mar akwöm Juuda, ki cwïny Jøcua wär Jöcëdëk na näk Kwääy Lam Mana Dwøŋ, ki cwïny jiy bëët moa no odööŋ na bøth dhøk gïï mo leth, ni putge ö maal ni täkge ki geer Øt Wuuö Jwøk, Jwøk marge, eni na wïth jammi bëët,

Agëë 2:4

'Ba ennø, ï na Dherubabel, ki ï na Jøcua wär Jöcëdëk, ni bee ï Kwääy Lam Mana Dwøŋ, ki u na jø paac bëët, magu dëëtu ni tïïyu tïïc; 'ba a ena buutu.› Manøgø caana Wuuö Jwøki, eni na wïth jammi bëët.

Dhekaraya 3:1

Køøre Wuuö Jwøk Jøcua na näk Kwääy Lam Mana Dwøŋ anyoodhe jïra ni cuŋŋö nyïm nyïïatwiel maal, ni Ceethan cuŋŋö jï løø bäät cer cwïïe, ni kïtha bäät gø ki luup mo reyø.

Dhekaraya 3:5

Køøre aana köö jï jøøa en kaace, ni «Kïthu wï Jøcua ka abïï mo tøŋ man wø rïëp wïc.» Kanyøgø abïï mo tøŋ man wø rïëp wïc aputge kïth wï gø, ni runyge dëër gø ka abïïe, ni nyïïatwiel maal mar Wuuö Jwøk poot cuŋŋö buute.

Dhekaraya 6:14

'Ba aduda ocïp cer Kelday ki Thöbiya ki Jidaya ki Jöcaya wär Jepaniya, nee tïme na gïr par wïc yi øt Wuuö Jwøk.

Ibaru 2:9

'Ba ø neeta Jecu, ŋata tïïc ni thiinhnha eni ki nyïïatwiet maal ki kany mo thiinh kiper nee thøø bele kiper jiy bëët, ki køør met yi Jwøk. 'Ba ennø, ø neeta eni no orøønyø ka ajiem ki wödö kiper thøwa leth na jwøre.

Mana Nyooth 19:12

Ni nyeŋŋe caala maac mo liel, ni wïïe da adude mo thööth. Ni nyeŋŋe na näk ogöörö, bäŋ ŋat mo ŋäc gø, 'ba beeye eni keere.

Mana Nyooth 6:2

Ni nëënna, ni jooda okweeny mo tar, mo bääte da ŋat mo cere da atum. Ni mooi ka aduda, ni cøøe ni ena ŋat dïïm nee nyïïmänne dïïme.