Dhekaraya 5:4 - Wëël Jwøk

⁴ Aani na Wuuö Jwøk na en wïth jammi bëët, pïën manøgø jääŋŋa jääŋŋö wøk, ni døny yïth uudi mo kuuwe ki yïth uudi mo jø wø kööŋ ri nyeŋŋa jaak ki tööt, këël mano thöör wäär ni raanynya uudi mo jøøgø, ni put jenni ki kïte ränynyö moa geer uudi ki ge.»

Dhekaraya 5:4 Iomraidhean Croise

Jööp 18:15

Jammi bëët moa en kar bëëtö mare awaaŋ maaci; ni ö gïn mo liel mo caala tør ni keethe kar bëëtö mare.

Jööp 20:26

Muudhö mana cøl bäre ööa bäät jap kwärö moe, ni ö eni ni waaŋi ya maaci mo ba løny ki bïp, ni ö jape moa dööŋ kar bëëtö mare ni puti ya maaci thöör.

Jööp 8:15

Gïna caal øt-othïënhö wø ŋäädhe ŋäädhö, 'ba bäŋ wø cuŋŋi kare; ni mak gø ni teek, 'ba bäŋ wø bëëdö ki kany mo bäär.

Jööp 8:22

Nyïïmän moï geno bëëdö ni geno rïëp lään wïci; ni ö kwör bëëte mo jøøa reyø ni tïmge ni bäŋgø këët.»

Pwöc Leec Wïc 3:33

Acïëni mar Wuuö Jwøk ena bäät mïëc jøøa reyø, 'ba gwïëth mare ena bäät mïëc jøøa marge beer.

Aydheea 24:6

Kiper manøgønø, piny aränynyö ki køør acïën Jwøk, ni ö jø wø bëëdö bäät piny ni rømge ka ajäla manøgø. Geno thöör ajäle mo leth, ni tïme ni dööŋŋa jiy mo nøk.

Jeremaya 2:26

«'Ba kaawat man wø tïm wï kuuwi ni laay kany wø maai, wïth jø Icriel olääi, ni beeye geni, ki nyeye moge, ki jø kööre moge, ki dïlämme moge, ki nyïïkuk Jwøk moge,

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Odheea 4:3

Kiper manøgønø, ŋöömö atal ni kïmme, ni ö jiyi moa bëëdö yie bëët ni öölge, ni rwöbe ka lääc paap ki wec maal bëët, ni ö reci moa en yi naama dwøŋ ni putge rwäänyö.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Dhekaraya 5:3

Køøre ena köö jïra, ni «Manøgø beeye acïëni mano ö bäät piny bäre. Ka adïëri møn, jiy bëët mo wø kwädö geno raanynyi ki køør luup moa no ogöörö løø pïënögø aciel, ni raany jiy mo wø kööŋ jaak ki tööt ki køør luup moa no ogöörö løø pïënögø aciel maya.

Dhekaraya 8:17

Kär dee ŋat mo tudö ki luubö mo raac kiper wati, ni ba mëërru ki man kööŋŋu ki luup tööt. Kiper aani, japøge bëët beege jap wø mäna ki ge.» Luummögø caana Wuuö Jwøki.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Tiet Ciik 28:16

«Acïëni oen bäätu yïth päänye mou, na acïëni oen bäätu yïth pwöth mou.

Tiet Ciik 7:26

Kär dee gïn mo Wuuö Jwøk yie raac ki gø mo kïthu yïth uudi mou; kiper ni näk mo you tïïö, acïëni mana en bääte ööa bäätu. 'Ba u doo männö ki teeŋ gïïögø, ni bëëdu ni yïthu reyø ki ge, kiper acïën Wuuö Jwøk ena bäätge, ni beege gïï mo di raanynyø na bäre bäre.

Jøcua 9:20

Øøni, gïno tïïö ki geni keere beeye ki man wiiø geni ni kwøw, kiper ni näk mo ge yøø nääö, Jwøk wëëye di jääŋŋö bäätø ki køør mana nø kööŋwa jïge.»