Dhekaraya 5:3 - Wëël Jwøk

³ Køøre ena köö jïra, ni «Manøgø beeye acïëni mano ö bäät piny bäre. Ka adïëri møn, jiy bëët mo wø kwädö geno raanynyi ki køør luup moa no ogöörö løø pïënögø aciel, ni raany jiy mo wø kööŋ jaak ki tööt ki køør luup moa no ogöörö løø pïënögø aciel maya.

Dhekaraya 5:3 Iomraidhean Croise

Bwøth Wøk 20:15

«Kärï kwätö.

Pwöc Leec Wïc 29:24

Ŋat ma nyawat kuuwi, mare män ki jwïëy moe, ni eni ba kööŋ ki man caan gïna ŋääe.

Pwöc Leec Wïc 3:33

Acïëni mar Wuuö Jwøk ena bäät mïëc jøøa reyø, 'ba gwïëth mare ena bäät mïëc jøøa marge beer.

Pwöc Leec Wïc 30:9

kiper naa ba jääŋa ni mooŋa ïïni, ni kööa, ni ‹?Wuuö Jwøk aŋa?› wala naa ba tïma naa can ni kwäta, naa raanynya nyeŋŋï, ï na Jwøk mara.»

Aydheea 24:6

Kiper manøgønø, piny aränynyö ki køør acïën Jwøk, ni ö jø wø bëëdö bäät piny ni rømge ka ajäla manøgø. Geno thöör ajäle mo leth, ni tïme ni dööŋŋa jiy mo nøk.

Aydheea 43:28

Kiper manøgønø, dïlämme moa kwörge døøŋŋø mo wø tïïö kanya en kur keere, otïïa nee bëëtge ni ba waany. Nyïïkwaac Jeekap ocïba nee ge 'näk, ni tïïa geni na jø Icriel nee ge jøøŋŋi.»

Aydheea 48:1

«Wui, jø dhi øt Jeekap, wïnynyu gïn, u na no ocaaø ri Icriel, na käl ri tuuŋ Juuda, ni wø kööŋ ki nyeŋ Wuuö Jwøk, ni wø cwøl nyeŋ Jwø Icriel, 'ba wø cwøllu ka jöö mo patha adïëri mo ba tiir.

Jeremaya 23:10

Kiper paac päŋ ki jø luui, ni tïm ŋøømmi ni kïmmö ki køør acïëni mana pïï bääte, ni ö kwör kwaathi bëët moa en paap ni talge. Nyïïkuk Jwøk jöör bëëtö marge raac, ni teek marge tïïcge ka jöö mo patha kare.

Jeremaya 26:6

aani, øtø man na mara en raanynya raanynyø kaamar øtø mara mana raanynya Cëëlö, ni tïïa pääny man en na gïr abuua ki jï wïth juurre bëët mo bäät piny.› »

Jeremaya 5:2

'Ba këël jø Jerucalem doo kööŋ ni köge, ‹Ŋëët Wuuö Jwøk, Jwøa kwøw,› ka adïëri møn, kööŋ marge poot na tööt jaak.»

Jeremaya 7:9

Uuni, u wø kwädö, ni nääu ki jiy, ni kännu ki lugi, ni kööŋŋu ki tööt, ni waaŋŋu gïn wø jïye ŋwääi ni met jï jwøa cwøl ni Baal, ni cäädhu køør juu møøk mo käru kwøŋ ŋäc dïkwøŋ.

Edhikiel 2:9

'Ba køøre na lwïtha, ka adïëri møn, cenø aputa joot no orwieø nyïma ni wëëlö mo odølø ena yie.

Daniel 9:11

Dhaanh Icriel bäre ciik moï akaalge, ni løkge ŋäthge, ni kwierge dwørï. «Kiper manøgønø, acïëni ki kööŋ mar ajäla na näk ogöör piny yi wëël ciik Modhe, eni na dhaanh Jwøk, akïth bäätwa, kiper waana bääyö dëërï.

Odheea 4:2

'Ba atïmö ni nuta acëënne, ki bëët tööt, ki 'näk jiy, ki bëët käw, ki bëët lugi. Jiy atïmö ni ge tïïya okiera, ni bëët remø ni øya piny cooth bäät rem møga.

Ciik Kiper Dïlämme 19:11

« ‹Kärï kwätö, ni ba cäänï ka akaade, ni ba cäänï ki tööt dëër dhaanhø mør.

Ciik Kiper Dïlämme 19:12

« ‹Kärï kööŋ ŋëët nyeŋŋa ki gïn ma tööt, kiper tïmö niï pääta nyeŋŋa, a na Jwøk marï; beeye aani na Wuuö Jwøk.

Amøc 3:10

Jøøgø tïïc gïn mo beer kucge, jøøa näk jap twëër ki gïïa jaaŋge ceŋ jiy ege cooŋ piny yïth uudi moge na teek.» Beeye Wuuö Jwøk ni cäänö enø.

Dhekaraya 5:4

Aani na Wuuö Jwøk na en wïth jammi bëët, pïën manøgø jääŋŋa jääŋŋö wøk, ni døny yïth uudi mo kuuwe ki yïth uudi mo jø wø kööŋ ri nyeŋŋa jaak ki tööt, këël mano thöör wäär ni raanynya uudi mo jøøgø, ni put jenni ki kïte ränynyö moa geer uudi ki ge.»

Dhekaraya 8:17

Kär dee ŋat mo tudö ki luubö mo raac kiper wati, ni ba mëërru ki man kööŋŋu ki luup tööt. Kiper aani, japøge bëët beege jap wø mäna ki ge.» Luummögø caana Wuuö Jwøki.

Milkiya 3:5

Wuuö Jwøk, eni na wïth jammi bëët, aköö, ni «Aano ö baŋu kuna jääla uuni, ni puta mara caan dëët ajuuk ki jø luuy ki jø wø kööŋ ni marge tööt, ki jø wø møt gwet jø tïïc, ni wø thiel määr thuunhnhi ki kïïe piny, ki jø wø daaŋ luum wëëlle mo path ki jöö mo patha kare; ni beege jø wø ba lwäär ki aani thuwø.»

Milkiya 4:6

Ni ö eni ni løø cwïny wëëe baŋ obwöre, ni løø cwïny obwöre baŋ wëëkge, kiper naa ba ööa ni raanynya pou.»

Mathiew 25:41

«Kanyøgønø, eno köö jï jøw oen bäät caame, ni ‹Aayu buuta, u na näk ocienø; cou yi maaa näk bäŋ cuŋŋe kar ajäla, na näk ojiiŋŋø kiper anägö ki nyïïatwiete.

Luk 21:35

Kiper cäŋöce ööa bäät jiy bëët moi ni bëëdö wï ŋöömö bäre en.

Epeca 4:28

Kär dee kuu mo kwädö këët, 'ba beerra man tïïe ki cere ki tïïc ma adïëri, kiper nee lønye jïre ki man cïpe jï jø wø can.

1 Timöthi 1:9

Ni ŋääø ni ciik Jwøk bäŋ wø caan kaper jøøa beyø, 'ba wø caan kaper jø wø wïnni na wïthge teek, ki jø wø kuc Jwøk, ki jø raay, ki jø wø bäŋ gïn wøørge ni wø taak mo Jwøk, ki jø wø nääŋ wëëkge ki mëëkge, ki jø wø nääŋ jiy jaak.

Jeemeth 5:12

'Ba nyïïmera, dï japøgø bëët, weyu kööŋ, ni bäŋe ŋat kööŋ ŋëët ŋøøm wala maalø, wala kööŋŋe møga mo wø kööŋö ki ge. 'Ba wär dwøl man wø caannu bëëde kare, nee maru jïëy, put bëëtö na jïëy, 'ba nee maru kweer, put bëëtö na kweer, kiper nee bäŋe ya ajäla mo ö bäätu.

Jeemeth 5:4

Neennu, gwet jøøa kac pwöth mou na møtu atïmö ni rëëdö. Ni ö oduuru mar jøøa kac caammi mou ni wïnye ïth Kwäärö Wuuö Jwøk, eni na wïth jammi bëët.

Jøcua 9:20

Øøni, gïno tïïö ki geni keere beeye ki man wiiø geni ni kwøw, kiper ni näk mo ge yøø nääö, Jwøk wëëye di jääŋŋö bäätø ki køør mana nø kööŋwa jïge.»

Mana Nyooth 21:8

'Ba mar jøøa lwäyö, ki jøøa näk kär jïëy, ki jøøa näk ocienø, ki dïnäk jiy, ki jø käp, ki jø thïëth, ki jø wø lam juu møøk, ki tööte bëët, marge beeye ciin yi naamo liel ki maa näk jïye keec ni lïëth døc, na näk beeye thøw oen cään.»

Mana Nyooth 22:15

'Ba guu, ki jø thïëth, ki kääpe, ki dïnäk jiy, ki jø wø lam juu møøk, ki jø wø mëër ki caan tööt oen wøk.