Dhekaraya 4:2 - Wëël Jwøk

² Ni pëëny aani ni kööe, na «?Agïnaŋø ni neetï enø?» Ni løøa gø jïre, na «A neeta gïn wø cuŋ lambae bääte mo otïïö ki warkey, ki mäc abïriiø mo liel wïïe, ni wïïe da wïl maaw ki gïï ma abïriiø mo wø jääŋ maaw baŋ mäc moa liel.

Dhekaraya 4:2 Iomraidhean Croise

1 Luup Nyeye 28:15

Ni caan rumme mo warkey kiper gïï wø cuŋ lambae bäätge mo tïïc ki warkey, ki lambae moge; ni caan rumme mo gwet-bïrö kiper gïï wø cuŋ lambae bäätge mo tïïc ki gwet-bïrö, ki lambae moge, ki køør yi tïïc mar gïn wø cuŋ lambae bääte man nø.

2 Luup Nyeye 13:11

Ni kany wø tïme na amöölla ka abøøya cooth ge wø wääŋö jï Wuuö Jwøk ko olämme mo wø waaŋ bäre ki gïï wø jïcge ŋwääi ni met, ni muunni moa näk ocwøbø na näk nyuuthe wø cïpge bäät tharabëëta mana no ocïp kur keere ni waany, ni gïn wø cuŋ lambae bääte mana näk tïïc ka warkey, lambae moe wø nyepge nyebø cooth ka abøøya; kiper waani, gïïa cem Wuuö Jwøki na näk Jwøk marwa ewa gwøø; 'ba uuni, Wuuö Jwøk you wiiø.

2 Luup Nyeye 4:7

Køøre ena tïïö ki gïï wø cuŋ lambae bäätge ma apaar mo tïïc ka warkey, ni tïïe ka køør jöö mana näk okäl wøk; ni cïp ge yi Øt Jwøk, na abïïc ee cïp bäät cwïïc, ni ö abïïci møga ni cïp ge bäät caam.

Luup Dïpööy 12:6

Par wïïï ki eni na Jwøk kanyo poode ni tiimme mana no otïïö ki gwel-bïrö poot kär cööt, ni dak mana no otïïö ki warkey poot kär keethø; ni gïr twøm pïï man wø en deŋ aguula poot kär nidhey, ni gïn wø käl pïï wøk ki yi iith poot kär ränynyö.

Jeremaya 24:3

Køøre Wuuö Jwøk aana pëënynye, ni kööe, ni «?Jeremaya, agïnaŋø ni neetï enø?» Ni dwøga gø jïre, ni «Beege nyïïolämmi, nyïïolämmi moa beyø, beyø døc; 'ba nyïïolämmi moa reyø, reyø døc, ni ba løny ki cam kiper mana näk mo geno kwäk.»

Jeremaya 52:19

'Ba kwääy jø koor, jammi moa näk tïïc ka warkey mo tøŋ ki gwel-bïrö mo tøŋ 'akäle, ni beege cäänne, ka athääe mo wø käär mäc ki geni, ki kuure, ki dhiithe, ki gïï wø cïp lambae bäätge, ka apät, kö ogubääye mo wø thii køøŋø piny ki geni.

Amøc 7:8

Ni kö Wuuö Jwøki jïra, ni «?Amøc, agïnaŋø ni nëëni jïrï enø?» Ni kööa, ni «Beeye thøøl man wø nyooth thïïŋ gïrpiny.» Køøre Wuuö Jwøk aköö, ni «Bëët jiya ma jø Icriel orøma keda man wø røm dëër øtø ki thøøl man wø nyooth thïïŋ gïrpiny. Køøre nø, ge ba wiia këët.

Dhekaraya 5:2

Ni kö nyïïatwiel maalli jïra, na «Agïnaŋø ni neetï en?» Ni løøa gø, na «A neeta pïën mo määdö, mo bär mare gööye ma pïërariiø, ni dööŋ yie gööye apaar.»

Mana Nyooth 1:12

Kanyøgø dëëra aløøa naa neena dwørøgø na cäänö ki aani. 'Ba na løøa dëëra, a joota lambae abïriiø mo ena bäät tëëde ma warkey.

Mana Nyooth 1:20

'Ba luum ceer moa na abïriiø na jootï cer cwïïa, ki lambae moa näk abïriiø na näk warkey, ni beege japa näk tietge okwøŋ kan, tiere beeye en. Ceer moøgø karge bïriet gena nyïïatwiet acook Jwøk karge bïriedi. 'Ba lambae karge bïriet beege acook Jwøk karge bïriedi.»

Mana Nyooth 4:5

'Ba dëër wällögøøni da agaackøth mo mal, ki dööti, ki køth mo märö. Ni nyïm wällögø da ameethi abïriiø mo liel, na näk beege Jwïëc Jwøk karge bïriedi.