Dhekaraya 4:14 - Wëël Jwøk

¹⁴ Kanyøgø nø aløøe ni kööe, ni «Gïïögø na ariiø yøø beege jøøa näk wïthge othïïmmö ki maaw ki man tïnyge Wuuö Jwøk, eni na kwääc bäät piny bäre.»

Dhekaraya 4:14 Iomraidhean Croise

1 Nyeye 17:1

'Ba nyikuŋ Jwøk ma Ilaaja nyï Ticbi na en yïth ŋøøp Gelät, aköö jï Akap, ni «Ŋëët Wuuö Jwøk, Jwø Icriel na kwøw, ni wø tïnynya en, ka adïëri møn, ki yïth cwiiri moi ii, tïmö ni bäŋ thööy ki køth, ni näk mo ba caana aani ni køth pädhö.»

Edhera 5:2

Køøre Dherubabel o Celatiyal ki Jøcua wär Jöcëdëk gena ö maal ni täkge ki man cäŋge Øt Jwøk geerrø Jerucalem; ni ö nyïïkuk Jwøki moøgø ni bëëtge ni køønynya geni ka acaare.

Bwøth Wøk 29:7

Køøre maaw mar rööny wär lwørï ni thiiï gø wï Aran ni røønyï eni.

Bwøth Wøk 40:15

ni røønyï geni ki maar rööny ni caala mana røønyï wääge, naa tïnyge ni gena dïlämme; ni rööny marge manøgø puta geni tïïc ni gena dïlämme cooth këël yïth beenhnhe moge bëët moo ööi.»

Aydheea 5:1

Aani a wär ki duut jï ŋata mëëra ki gø, ni bee duut mo cäänö kaper omëëya ki pwöth jer omøki mare. Ŋata mëëra ki gø jïre da pwöth jer omøki yïth ŋøøpa beyø nyäär thuur.

Aydheea 54:5

Kiper aani ni wø bëëdö kaamar cwørï bee aani na cwääc ïïni, ni nyeŋŋa beeye Wuuö Jwøk, a na wïth jammi bëët. A na Jwø Icriel na en kur keere, bee aani na wïïl ïïni wøk, ni bee a ni wø cwøl ni Jwø Bäät Piny Bäre.

Jeremaya 49:19

Ka adïëri møn, da jø leny mo öö kaamar ŋuu mo ö wøk ka yi lur Jördan, mo ööa yi ciel mo teek baŋ dïëk, ni ge ööa kuna tukge Ëdöm. Ki nyi kany mo thiinh, jø Ëdöm 'riema wøk ki køør gïno tïïc jøøgø, ni jëëta ki ŋato manynya jaak ni røønya gø kaace. ?Kiper aŋa ni röömi ki aani? ?Na aŋa ni kïth aani kar løøk? ?Na a kwääye mane ni løny jïre ki man pïëme ki aani?

Ciik Kiper Dïlämme 8:12

Køøre eni maar rööny mør athii wï Aran, ni cïba gø kur keere.

Mikiya 4:13

Wui jø Dhayan, ööu maal ni nyøru geni kaawat man wø ö dhäki wø dïnge beel; kiper u mooa mooø ki teek mo caala teek nywïënyö, ni tïïa tietu ni teek kaamar nywïënyö ma jwïël, ni nyathu wïth juurre na thäŋi.» 'Ba uuni, gïïa jootge bëët ki jöö mo patha kare, ni beege jap kwärö moge, ocïpu jï Wuuö Jwøk, eni na Kwäärö mar bäät piny bäre.

Dhekaraya 6:13

Bee eni noo geer øtø mar Wuuö Jwøk, ni jïte ka ajiem, ni pï bäät wälu mare ni käär paac, ni put tïmö na Kwääy Lam Mana Dwøŋ bäät wälu mare. 'Ba tïïe moø na ariiø yøø odwale ki bëët-mëër.›

Dhekaraya 6:5

'Ba aløk nyïïatwiel maalli jïra, ni «Moøgø beege jwïëy aŋween mo wø en maal, ni ge ö wøk ka kany wø cuŋge yie nyïm Wuuö Jwøk, eni na kwääc bäät piny bäre.

Luk 1:19

'Ba aløk nyïïatwiel maalli jïre, ni «Aana Geebriel, ni wø cuŋŋi nyïm Jwøk; naa jääŋŋi kaper niï cäänna, naa køpa luummi ni met en jïrï.

Tiet Ciik 10:8

'Ba kanya poode ni ge ena lak Kïn Körëp, kar kaaca Wuuö Jwøk jø tuuŋ Libay acïp kur keerge, kiper na acanduk man wø nyooth luumma tuut Wuuö Jwøki ki jiy nee bielge, nee cuŋge nyïm Wuuö Jwøk nee eni tïnyge, nee ge gwëëthge ki nyeŋŋe; ni putge bëëtö ni ge tïïya tïïögø këël dïcäŋi en.

Jøcua 3:11

Neennu, acanduk man wø nyooth luumma tuut Jwøki ki jiy na näk mar Wuuö Jwøk na näk kwääc piny bäre, opööth maal nyïmmu kanyo ŋøllu Naam Jördan.

Jøcua 3:13

'Ba dïlämme moo biel acanduk mar Wuuö Jwøk na näk kwääc piny bäre, kanyo tïm tietge ni këëta yïth pï Naam Jördan, pï Naam Jördan puta niŋul, ni ö pïïyi mo wø kwönni ki kwöra en maal ni cuŋge kaamar gïï mo ocooŋ kanya ciel.»

Mana Nyooth 11:4

Lïŋŋe moøgø na ariiø yøø beege jer wø cwøl ni ølip karge riet ki tëëde mo lambae karge riet ni wø cuŋŋi nyïm Kwäärö mar piny.

1 Camiel 10:1

Køøre Camiel wïl maaw alwøre, ni thii maaw wï Cøøl, ni nuum dhi gø ni kööe jïgø, «?Aŋø, Wuuö Jwøk ï käre røønyø niï tïmï ni ïïna wïth jiye na näk thööge?

1 Camiel 16:1

'Ba Wuuö Jwøk aköö jï Camiel, «?A këël yi wäne nø, noo bëëdï niï kïmmö kiper gïna tïïc Cøølli, ni këël aani ki dëëra kiree Cøøl yaa nø kwier ki man bëëde na nyeya bäät jø Icriel? Ennø, ï jääŋŋa jääŋŋö baŋ Jeci nyï Bethelem, kiper aano nø jëëtö ki nyeya røk wääte. Tuuŋ man wø käär maar rööny ki gø, pääŋ yie ki maaw, ni ciï baŋe.»