Dhekaraya 4:10 - Wëël Jwøk

¹⁰ «?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Dhekaraya 4:10 Iomraidhean Croise

2 Luup Nyeye 16:9

Kiper waŋ Wuuö Jwøk wïdö bäät piny bäre ni neeta gø kiper nee cïpe ki teek jï jø wø many eni ki cwïnyge bäre. 'Ba ïïni kiper mana tïïï ki gïn mo wïïï kärï caarø ki gø, ki mano täge ennø, ï bëëdö ni da lenye yïthakiyu ki jø møøk cooth.»

Jööp 8:7

Këël na bëëdï ni täk bëëtö marï nëëni ni thiinh, bëët yi nyïm marï døøye mo dwøŋ.

Pwöc Leec Wïc 15:3

Waŋ Wuuö Jwøk ena bäät piny bäre, ni eni neeta moa reyø ki moa beyø bëët.

Pwöc Leec Wïc 4:18

'Ba jöör bëët jøøa beyø caala man wø ö tiet øwi, ni wø rïënyi ni tar mare cäänhnha maal këël mano pïïe ya aŋuun tar mar dïcäŋ.

Aydheea 66:11

Kiper Jerucalem tïmö ni caala miiu; uuno dhøøth kööre ni jäŋŋu ki thunhnhe na beer; uuno mäthi ki caak moe ni mïn yïthu ki caage ni wø muuli ni thööth.»

Aydheea 66:14

'Ba kanyo jootu gïnögø, cwïnynyu omïnni, ni tïm dëëtu ni pulli kaamar luum mo oløth. Ni ö teek bat Wuuö Jwøki ni puti ya jiye ŋäc; 'ba wëër mare onyoodhe jï nyïïmän moe.

Jeremaya 16:17

Kiper aani, waŋa bëëdö ni neeta uutjïëth bëëtö moge bëët, ni patha okanø ki jïra, ni raay moge kär rwäänyö jïra.

Edhikiel 1:14

'Ba gïïögø ni kwøw yøø ge bëëdö ni ge rïïŋö døc ni ge jööta cään ki maal kaawat man wø ö agaackøthi wø neegaaŋ.

Odheea 6:3

Kiper manøgønø, beerra man ŋääø Wuuö Jwøk; beerra man reedhø ri man ŋääø eni. Öö mare caala man wø kwäär øwi, ni ö baŋø kaamar køth, ni caala køth mar dhi køth ni wø jwøc piny.»

Amøc 7:2

Kanya ö bäänyö na thöör gïïa no otuy bëët bäät piny, Wuuö Jwøk akwaaa ni kööa, ni «Wuuö Jwøk, wëën jic Jeekap. ?Geno kwøwge nidïï? Kiper ge jägö døc.»

Amøc 7:5

Køøre Wuuö Jwøk akwaaa ni kööa, ni «Wuuö Jwøk, wec gïnögø. ?Jic Jeekap okwøwge nidïï? Kiper ge jägö døc.»

Agëë 2:3

na ‹?A jøøe dëëtu ni poot kwøw ni ŋäc bëëtö mar Øt Jwøk man ka ajiem mare mana dïkwøŋ? ?A kawaane ennø, nëëne kaamar ŋø ki jïïu? ?Ba nëëni keda gïn mo bäŋgø jaak ki jïïu?

Dhekaraya 3:9

Raŋŋu kïdi mø mana näk yaa cïp nyïm Jøcua! Da nyeŋ abïriiø mo raŋ mo ena dëër kïdi manøgø na aciel enø. 'Ba aani, jammi møøk ogööra bääte; ni ööa ni paanya raay bäät jiy moi ni en yi ŋöömö man en ki dïcäŋ aciel.› Manøgø beeye luumma caan Wuuö Jwøki, eni na wïth jammi bëët.»

Dhekaraya 9:1

Luum Wuuö Jwøk na caal tëër ena bäät ŋööm Adrak ni jääla gø, këël mano këët Damacka; kiper jiy ki wïth tuŋi bëët mo Icriel, nyeŋge atïmö ni ena dëër Wuuö Jwøk.

Luk 15:32

'Ba beeye gïn ma wøp ki man kwäägø ni mïn yïthø, kiper coku man en athøw, 'ba acäŋ kwøwø. Ni rwäänye, ni cäŋi jootø.› »

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.

Mana Nyooth 8:2

Køøre nyïïatwiet maal abïriiø mo wø cuŋŋi nyïm Jwøk ajooda. Ni ö tuŋi abïriiø ni mëëgi geni.