Dhekaraya 3:9 - Wëël Jwøk

⁹ Raŋŋu kïdi mø mana näk yaa cïp nyïm Jøcua! Da nyeŋ abïriiø mo raŋ mo ena dëër kïdi manøgø na aciel enø. 'Ba aani, jammi møøk ogööra bääte; ni ööa ni paanya raay bäät jiy moi ni en yi ŋöömö man en ki dïcäŋ aciel.› Manøgø beeye luumma caan Wuuö Jwøki, eni na wïth jammi bëët.»

Dhekaraya 3:9 Iomraidhean Croise

1 Nyeye 1:20

'Ba ennø, ï na nyeya mara en, jø Icriel bëët raŋŋa jïrï, ki ŋato caanï jïge nee pï piny bäät wälu marï noo läw karï na nyeya.

2 Luup Nyeye 16:9

Kiper waŋ Wuuö Jwøk wïdö bäät piny bäre ni neeta gø kiper nee cïpe ki teek jï jø wø many eni ki cwïnyge bäre. 'Ba ïïni kiper mana tïïï ki gïn mo wïïï kärï caarø ki gø, ki mano täge ennø, ï bëëdö ni da lenye yïthakiyu ki jø møøk cooth.»

Bwøth Wøk 28:11

Kïte moøgø na ariiø yøø nyeŋ wäät Icriel na näk apaar kurriiø diï gööra bäätge, ni gööra dhaanhe mo waŋe riek ki tïïc manøgø; ni kïthï kïte moøgø yïth gïï wø maai piny ki ge mo tïïc ka warkey.

Bwøth Wøk 28:21

Kïte moøgø ni perge leth yøø beege kïte apaar kurriiø, na aciel man nø nyeŋ dhaanhø aciel røk wäät Icriel ogöör bääte, ni nyootha wïth tuŋi apaar kurriiø mo jø Icriel.

Bwøth Wøk 28:36

«Køøre wärï tïïï ki gïn mo ŋwaŋŋi no otïïö ki warkey mana tøŋ, ni göönnï dëëre ki gööre mo køp, ni ‹Eni ena kur keere na mar Wuuö Jwøk.›

Aydheea 28:16

Kiper manøgønø, Kwäärö Wuuö Jwøk aköö, ni «Raŋŋu, aani a kïtha yi Dhayan ki kïdi, ni beeye kïdi mo onø päänynyö, kïnna pere leth na näk kïn gøøt, na näk ocwöth piny ni teek. 'Ba ŋato jïëc gøøni, wïïe ree ba kiere.

Jeremaya 31:34

Ni këël doo bëëdö ni bäŋ ŋat pwöny watge ki coki, ni ‹Bëëdï niï ŋäya Wuuö Jwøk,› geno bëëdö naa ŋäcge bëët, ni tägi ka jiy moa kwörge therø këël jiy moa kwörge døøŋŋø; kiper gïïa bacge wiia wiiø, ni ba para wïïa ki raay moge këët.» Luummögø caana Wuuö Jwøki.

Jeremaya 50:20

'Ba noo tïme ni yïth nïröke, yi kar kaace, gïïa bac jø Icrielli ki raay mo jø Juuda omanynyi, 'ba bäŋgø mo joot; kiper a na Wuuö Jwøk, geni noo wiia na moo dööŋ wëënna wëënnö.

Dhekaraya 13:1

Wuuö Jwøk aköö, ni «Noo tïme na dïcäŋöca jøøro ojap jï dhi øt Deebit ki jø wø bëëdö Jerucalem kiper nee raay moge pïny wøk ni tïïc ge ni waany.»

Dhekaraya 3:4

'Ba nyïïatwiel maal aköö jï jiy moa näk cuŋŋö nyïme, na «Abïïk Jøcua moø no okïl ki cïlö yøø, kälu wøk dëëre!» Køøre ena köö jï Jøcua, ni «Raŋï, aani raay moï apaanya bäätï; 'ba dëërï orunynya ka abïïe mo beyø.»

Dhekaraya 4:10

«?Aŋø, aŋa ni wø taak cäŋ man wø täk tïïc ni thiinh yie? 'Ba jiy yïthge omïnni kanyo jootge gïr røm man wø nyooth tiir mar øtø ni ena cer Dherubabel. «'Ba gïïa na abïriiø beege nyeŋ mo Wuuö Jwøk mo wø bëëdö ni wïdö ni raŋŋa bäät piny bäre.»

Jøøn 1:29

'Ba na tïme na aruunnø man, Jøøn Jecu aneene ni ööa baŋe, ni kööe, ni «Neennu, Nyidier Jwøk ŋato wëën raay mo jø piny.

Jøøn 6:27

Kär røgu ööllu kiper cam man wø ränynyi, 'ba tïïu kiper cam mano bëëdö, ni beeye mano këët ri kwøw mana näk adïëri mo bäŋ cuŋŋe, mano cïp Wär Dhaanhe jïïu. Kiper beeye eni na ö Jwøki na näk Wuuö na jïëe ki eni ni kïth ŋïï mare dëër gø.»

Moa Tïïc Nyïïatwieli 4:11

Ni beeye ‹kïnna kwierru, u na dïgëëte, na tïmö na cöödhi mar gøøt.›

Wëëlö Mana Göör Pøølli Baŋ Jø Röm 9:33

kaawat mana gööri, ni «Neennu, akïtha kïdi yi Dhayan, na kïdi mano cwany tiet jiy, na kïnno wëëk ge päänhnhö. 'Ba ŋato jïëy ki eni ni ŋääth gø, wïïe ba lääy.»

2 Körin 1:22

Ni mooc dëëtø ki ŋïï mare, ni kïth Jwïëye cwïnynyø na kuri.

2 Körin 3:3

Ni røgu you nyoodhø ni uuna wëëlö mar Krictø na cïpwa, mo ba göör ka peen, 'ba göör ka Jwïëc Jwøa kwøw, ni paa ogöör bäät opäp kïte, 'ba ogöör bäät opämi moa näk cwïny jiy.

2 Timöthi 2:19

'Ba Jwøk, mare na näk ee këël piny wø cuŋŋa kare, ni ŋïï man ena dëëre na ennø, ni «Wuuö moa näk moe ŋääe,» ni «Jiy bëët mo wø cøør nyeŋ Wuuö, raay wär kwierge.»

Ibaru 7:27

'Ba eni bäŋ gïn manynye kaamar kwääc laam moa døøŋŋø moøke, ki man cïpe ko olämme cooth, ni dïkwøŋ cïpö kiper raay moe, køøre cïpö kiper raac jiy. Kiper gïnögø atïïe yie aciel keere na bäre bäre, kanya cïp dëëre kiree no olämi.

1 Jøøn 2:2

Ni beeye eni no olämi kiper raay moø, 'ba patha per raay 'moø keerø, 'ba beeye kiper raay mo jø piny bäre.

Mana Nyooth 5:6

'Ba yïthakic wälu ki gïïa kwøw karge ŋweeni ki dï jaae aana nëënnö ki Nyidiel mo cuŋŋö, mo kede onää, dëëre ki tuŋi abïriiø ki nyeŋ abïriiø na näk Jwïëc Jwøk karge bïriedi mo ojääŋŋö dï piny bäre.